والنفس مايعزها ياكود شايلها

[معلومات العضو الزين]

قصيده الصراحه أكثر من رائعه
وهى للشاعـــــــــــر : شريف الفريدى

والقــــــــاء: منيف الشويب

لو كل غلطه على الصاحب نسجلها =فقدت ثلثين من مجموعة اصحابي
لكن نطوف هذيك وذيك نأجلهـا = ولا اقول وش قال زيد اليوم بغيابي
اشيــل زلـة رفيقـي واتحملهـــا =ولا اركض ورا كل فارغة بمشعابي
اشوف واصد واسمع واتجاهلها =واحجد مدى غيض قلبي واملك اعصابي
وارجي عسى صاحب السيٌه يبدلها =الى شافني عن طريقه قافل بابـــي
ولا ترك الكلمه -حتى لو تحللهـا =تطلع بوجهين من سلبي الى ايـجابي
واللي يبي المشكله دايم يحصلها =ياصعب درب الوفا ياهون الانشـــابي
سيرت هل الطيب مهونها ومسهلها =لو انها بالعلوم ومسح الاشنــــابي
لكن تجي ساعة وتبين عللـــها =لا صار وقت اللزوم وحــــــزم قلابي
والهرجه اعرف عواقبها وكايلهـا =قدام تخطي هدفـــــها وانت بالنابي
والنفس مايعزها ياكود شايلها =ولا يطيب للناس من للنــــــفس ماطابي
وتلقى من الناس مثل اللي تعاملها =واليا اختلف شي تلقى منك الاســـــبابي
وقنعت النفس راس العز يكملها =اليـا حصل قوتها والســـتر بثيابي
وارزاق غيرك لغيرك لا تحايلها =لك ماكتب لك ولي ماخط بكــتابي
وكم واحد مايبين لو هو آكلهــا = بسدود بعض الرجال تضـــيع الرقابي
وشكواك للي ظروفك مايعدلها =صيحة خلا مالها فزاع وابنـــابي
وقيمتك مع نازل القيمة تنزلها =والحر يأثر عليه اللـــــي معه رابي
واختر ثيابك على قدك وفصلها =ترى ابليس اخرجه منها طوبى الاعــجابي
واخر هديه لو الواجب معجلها =لو فايدتها لغيري ولـــي انا مااابي
معقلات الاركابي في مساهلهـا =وعندي خبر مايفك الوســـق مطلابي
ترى الاصايل ماعادن من سلايلها =نصيحة من شريف لكــــل عزابي
طول القصيده بلا معنى يمللها = واثبت على ماقلت من بعد التــــجرابي
امشي مع الناس وآخذ من دلايلها = وبضاعتي ماتجي مع كل جلابي
ويارب لطفك بروحي بوم تسألها =عن ماجرى في حــياتي وانته ادرابي
ويارب سترك ونفسي لا تفشلها = ليا جـ النهار الصعيب وقدٌم حســابي
والنفس في طاعت الرحمن ذللها =يعزها ذلها - فـي يوم الاحزابي
وتخف عنها الذنوب ولا تحـــملها = رحمتك يااقرب من اقرب كل الاقرابي
وصلاة ربي عد ما هل وابلهـا = على نبـي تجنب كل مرتابي

 

 

 

 

[معلومات العضو رحال السعوديه]

طرح رائع
يعطيك العافيه

 

 

 

 

[معلومات العضو علي العبدالهادي]

بارك الله فيك

 

 

 

 

[معلومات العضو الزين]

المشاركة الأصلية كتبت بواسطة رحال السعوديه

طرح رائع
يعطيك العافيه

لاهنت وبيض الله وجهك على المرور

 

 

 

 

[معلومات العضو درعان بن عبدالله]

والـنـفــس مـايـعـزهـا يــاكــود شـايـلـهـاولا يطيـب للنـاس مـن للنـفـس ماطـابـي أختي الغاليه / الزين صح لسان الشاعر وبيض الله وجهك على هذا النقل المتميز أخوك / درعان بن عبدالله بن عريعر بن درعان

 

 

 

 

[معلومات العضو الزين]

المشاركة الأصلية كتبت بواسطة علي العبدالهادي

بارك الله فيك

لاهنت والله يجزاك خير

 

 

 

 

[معلومات العضو عبدالله الحافر الغييثي]

الزين صح لسان شاعرها ولاهان ناقلها ويعطيك الف عافيه على الانتقاء الرائع خالص التقدير

 

 

 

 

[معلومات العضو الزين]

المشاركة الأصلية كتبت بواسطة درعان بن عبدالله

وجهك ابيض ولاهنت على المرور الطيب ياخوى

 

 

 

 

[معلومات العضو الزين]

المشاركة الأصلية كتبت بواسطة خميس مطر الغييثي

ومن قال مايهون وبيض الله وجهك على المرور الطيب ياخوى

 

 

 

 

[معلومات العضو راشد محمد المقابله]

الزين

الله يعطيك الف عافيه

على القصيده الأكثر من رائعه

 

 

 

 

[معلومات العضو متعب الشكري]

صح لسان الشاعر وبيض الله وجهك على هذا النقل المتميز

 

 

 

 

[معلومات العضو فهاد الغييثي]

قصيده أكثر من رائعه
لاهنت على نقلها

 

 

 

 

[معلومات العضو الزين]

المشاركة الأصلية كتبت بواسطة عاشق هريسان

الزين

الله يعطيك الف عافيه

على القصيده الأكثر من رائعه

الله يعافيك ولاهنت على المرور الطيب

 

 

 

 

[معلومات العضو الزين]

المشاركة الأصلية كتبت بواسطة متعب الشكري

وجهك ابيض ولاهنت على المرور والتعليق الطيب ياخوى

 

 

 

 

[معلومات العضو الزين]

المشاركة الأصلية كتبت بواسطة فهاد الغييثي

قصيده أكثر من رائعه
لاهنت على نقلها

ومن قال مايهون ياخوى