اسلم وسلم لي على الشيخ ياسعود

[معلومات العضو المسعري]

هذه الابيات اوجهها من هذا المنبر الى ابن العم الاستاذ|سعود ابن متعب ابن قويد
بمناسبه الخبر السار بأقامه المزاين في وقته انشاء الله

اسلم وسلم لي على الشيخ ياسعود=اللي ليا ثقل الحمل يرتكيله
سلم على راع الكرم منبع الجود=شيخ الشيوخ وعز لأسم القبيله
ياشيخ ابو زابن عسى عمرك بزود=الله يمدد بك ليالاً طويله
ترسي ليا مالت كما يرسي الطود=وذي عادت اللي يحتمون الدبيله
ماكر حرار كسبها طيّب الفود=مرقابها في راس عيطا طويلة
فعله ليا عدت الافاعيل معدود= ماجات له بالطيب ولا بحيله
حفيد شارع مودع الضد مضدود=لين العميل يقوم يلعن عميله
يوم القشر سيفه على الضد مجرود=يهوم هومات الاسود المهيله
جبت المزاين والبراء صار مردود=على الضعوف اللي تحوش الفشيله
ولا هان منهو قام مع قومه العود=اشيوخ ربعي كاسبين النفيله
وختامها كلمه عن النقص والزود=ماني بدور من وراها حصيله
الجمع ولفه والتفراق منقود=والناس قالوا قلب كلاً دليله

 

 

 

 

[معلومات العضو ابوفيصل الدوسري]

بيض الله وجهك يا المسعري

ويستاهل الامير مران ابوزابن ويحفظه الله من كل مكروه

ويجعله ذخر للقبيله من غير قصور في الباقين











تحياتي

 

 

 

 

[معلومات العضو أبونواف الدوسري]

(الجمع ولفه والتفراق منقود=والناس قالوا قلب كلاً دليل)

صح الله لسانك أخي المسعري

ويستاهل الأخ سعود ابن متعب ابن قويد....حفظه الله

عسي الله يجمعكم ولا يفرقكم.....اللهم آمين

تقبلوا تقديري وأحترامي

 

 

 

 

[معلومات العضو سلمان بن فارس بن قويد]

(المســــــــــــــــــــعري)

بيض الله وجهك وصح لسانك علي هذا البيات

 

 

 

 

[معلومات العضو ابو زابن المسعري]

جبت المزاين والبراء صار مردود=على الضعوف اللي تحوش الفشيله
ولا هان منهو قام مع قومه العـود=اشيوخ ربعـي كاسبيـن النفيلـه

الاخ العزيز والشاعر القدير تراحيب المسعري

صح الله السانك واعتلى شانك وبيض الله وجهك

قصيده جزله من شاعر جزل

ويستاهل الامير مران ويستاهلون شيوخنا ماقيل فيهم

 

 

 

 

[معلومات العضو حنيان الدوسري]

مشرفنا الغالي : أبوخالد

لله دررك على هذه الأبيات الجميلة

وختامها كلمه عن النقص والـزود
..................ماني بدور من وراهـا حصيلـه
الجمـع ولفـه والتفـراق منقـود
....................والناس قالـوا قلـب كـلاً دليلـه

عدل والله يابو خالد صح الله لسانك وجمل الله حالك

 

 

 

 

[معلومات العضو ابومبارك الدوسري]

الجمع ولفه والتفراق منقود = والناس قالوا قلب كلاً دليل

المسعري

صح لسانك مدد بلا عدد

ويستاهل أبوتركي هذه الأبيات المتواضعه

الله يحفظك لنا يالغالي

دمت لمن تحب

أخوك

ابو مبارك

 

 

 

 

[معلومات العضو ماجد بن رويه]

المبدع تراحيب المسعري

مااجمل ماصغت ومااروع ماختمت

الجمـع ولفـه والتفـراق منقـود=والناس قالـوا قلـب كـلاً دليلـه

صح السانك وسلم بنانك

 

 

 

 

[معلومات العضو راشد المسعري]

وختامها كلمه عن النقص والـزود=ماني بدور من وراهـا حصيلـه
الجمـع ولفـه والتفـراق منقـود=والناس قالـوا قلـب كـلاً دليلـه

صح لسانك يابوخالد على هذه القصيدة الجزلة الرائعة والله يحفظ الشيخ مرّان بن قويد ويجعله ذخر لربعه والله يبيض وجهك على هذين البيتين الأخيرين وسجل إعجابي الخاص بهما وبالقصيدة كاملة ولك مني أجمل الود والتقدير ،،،،

 

 

 

 

[معلومات العضو عامر النتيفات]

المسعري / ابيات تستحق التوقف والاشاده
في شخص يستحق الاشاده
لاهنت والبيت الأخير قصيدة بحد ذاته