الــــراتـــب نــــــزل

[معلومات العضو عبدالرحمن العقيلي]

بسم الله الرحمن الرحيم

غلاء الاسعار

قالو لي(الراتب نزل)قلت وش عاد=ينفد خلال اربع وعشرين ساعه
فوق السماء رازق وفالارض حساد= وللسعر طب وللاوادم اشاعة
تبغون معنى راتب الشخص لازاد= معناه باب(ن) فك لاهل الطماعه
اهل الطمع تسرق على روس الاشهاد=وكلن يقّّّيم سلعته من ذراعه
الكون واسع حسب تقرير الارصاد=هذا خبر بثوه عبرالاذاعه
قلت اللهم تجعل الوسع يزداد= لو؟ان مالي حاجة(ن) فاتساعه
يضيق فينا الكون لاجات الاعياد=ويضيق لاشفنا وجيه الجماعه
شحت مواجيب الكرم عند الاجواد=يوم الغلا ميّل عليهم قناعه
ان طق باب البيت زاير ونشّاد=مانفتحه وليا فتحنا ؟؟؟؟ براعه
حل الايجار وجاك راعيه سرداد=يبغاه لاحلت عليه الشفاعه
اعطيه والا اعطي هوامير الاقصاد=والكهرب الملعون خطر انقطاعه
لاجيت ابرقد بين تفكير وجهاد=اسمع صياح الورع قاض(ن)رضاعه
تكفا يا(بومتعب)ترا حيلنا باد=حنا بدجا ليل(ن)كلتنا سباعه
تجارنا للحسد والكذب رواد=لو ودهم؟ كان اقلبوها مجاعه
حقوقنا توخذ على غش وعناد=ونقول للطماع سمع(ن)وطاعه
شكيت للغش التجاري ولافاد=ولانفع حتى وزير الصناعه
نبغى امر مرسوم في لهجته حاد=يهدف الى تحديد سعر البضاعه
تكتب عليها السعر من قبل الامداد= اسعارها تطبع عليها طباعه
نبغى انتهنا بعيشنا قبل الالحاد=وراع الطمع يغنيه كنز القناعه
ومثلك (يابومتعب) زعيم امة الضاد=عالي وشعبه يفتخر بارتفاعه
ابوك ضل اجدادنا وقت الاجداد=واليوم حنا في ذراكم وداعه

بقلم الشاعر/عبدالرحمن العقيلي

 

 

 

 

[معلومات العضو شيهانه بكف صقار]

قالو لي(الراتب نزل)قلت وش عـاد****ينفد خلال اربـع وعشريـن ساعـه

اي والله صادق الاقساط والديون الي عايشين عليها الناس مارحمت حد
الحمدالله على كل حال ..والله الرازق

قصيدددة واقعية تحكي واقع مر نعانيه نسأل من الله ان يحنن اولي الامر على الشعب واوضاعهم

الف الف شكر ع المشاعر الطيبة والاحساس بالواقع الاليم

راقت لي كثييير وصح الله لسانك حتى ترضى

احترامي وتقديري

لك عاطر التحايا~

 

 

 

 

[معلومات العضو عبدالله الحافر الغييثي]

بصراحه جيت اقتبس بيت ولا وجدت شي اقتبسه كل بيت اجمل من اللي قبله صح لسانك واعتلى شانك ,,على قولتهم حبكة معلم,,والجزل لا ينطق الا جزل لك مني صادق الاعجاب والتقدير لشخصك الكريم

 

 

 

 

[معلومات العضو عبدالرحمن العقيلي]

المشاركة الأصلية كتبت بواسطة شيهانه بكف صقار

قالو لي(الراتب نزل)قلت وش عـاد****ينفد خلال اربـع وعشريـن ساعـه

اي والله صادق الاقساط والديون الي عايشين عليها الناس مارحمت حد
الحمدالله على كل حال ..والله الرازق

قصيدددة واقعية تحكي واقع مر نعانيه نسأل من الله ان يحنن اولي الامر على الشعب واوضاعهم

الف الف شكر ع المشاعر الطيبة والاحساس بالواقع الاليم

راقت لي كثييير وصح الله لسانك حتى ترضى

احترامي وتقديري

لك عاطر التحايا~

مرحبا شيهانه

الف شكر على مرورك ومداخلتك المييزه والقصيدة عباره عن رسالة الى ولاة امرنا

حفظهم الله

تم نشرها في اكثر من صحيفة في الماضي القريب ويارب يكون وصلت:

ماقول ك الا صح بدنك ملاييين واسعدني مرورك الكريم

ولك فاءق الاحتراااااااام

دمتي بخير

 

 

 

 

[معلومات العضو عبدالرحمن العقيلي]

المشاركة الأصلية كتبت بواسطة خميس مطر الغييثي

مرحبا ملايين ياخميس

صح بدنك وشهاااااااادتك والله غاليه واااعجابك هو الغاية الاسمي ةالتي نبحث عنها

دائما وابداااااااااا

تقبل فائق احتراااااااامي وتقدير

 

 

 

 

[معلومات العضو شافي بن راشد النتيفات]

صح لسانك ياعبدالحمن العقيلي قصيدة جزلة واجتماعية وتحكي عن معاناة حقيقية هكذا الشعر دمت مبدعاً

 

 

 

 

[معلومات العضو محمد مبارك ماجد]

أخي الحبيب / عبدالرحمن العقيلي
أسعد الله جميع أوقاتك
قصيده رائعه وجزله إضافة ً إلى أنها تعالج مشكلة ُ تعني بأكبر شريحه في المجتمع
وقد تذكرت أبيات لأحد الشعراء / محمد عبدالله الحنايا حيث قال
جانا المعاش وكن مابه معاشي @ تقاسموه اهل الطلب بالإداره
قالوا بقاش وقلتنا مابقاشي @ أسمه معاش ولا يسمى تجاره
تقبل مروري مع خالص التقدير

 

 

 

 

[معلومات العضو عبدالرحمن العقيلي]

المشاركة الأصلية كتبت بواسطة شافي النتيفات

صح لسانك ياعبدالحمن العقيلي قصيدة جزلة واجتماعية وتحكي عن معاناة حقيقية هكذا الشعر دمت مبدعاً

شافي النتيفات


صح بدنك ملاييييييين الابدااااع من صفاتك وشهادتك مصدر فخر


وبالفعل الشعر دائما وابداااا يبقى رسالة للمجتمع:وانا امل من خلال


هالقصيدة اني وصلت رسالتي الى ولاة الامر الله يحفظهم:


اسعدني مرورك ياخوي شافي


وتقبل تحاتي

 

 

 

 

[معلومات العضو نايف الخييلي]

صح لسانك على هذه القصيده المعبّره

والله وحده هو اللى يزين الحال وييسر على عباده

قصيده رائعه واعجبتني

 

 

 

 

[معلومات العضو عبدالرحمن العقيلي]

المشاركة الأصلية كتبت بواسطة محمد مبارك ماجد

أخي الحبيب / عبدالرحمن العقيلي
أسعد الله جميع أوقاتك
قصيده رائعه وجزله إضافة ً إلى أنها تعالج مشكلة ُ تعني بأكبر شريحه في المجتمع
وقد تذكرت أبيات لأحد الشعراء / محمد عبدالله الحنايا حيث قال
جانا المعاش وكن مابه معاشي @ تقاسموه اهل الطلب بالإداره
قالوا بقاش وقلتنا مابقاشي @ أسمه معاش ولا يسمى تجاره
تقبل مروري مع خالص التقدير

مرحبا باخي الشاعر/محمد مبارك

شهادتك غالية الثمن لاشك وصح لسانك ولسان الشاعر/محمد الحنايا الذي

يبدو من خلال ابياته انه تحدث عن نفس المشكله:

عندما بصرف المعاش في وااجبه ولايكفي فهو معاش:بالفعل ولكن المشكله

بان المعاش يصرف في غير واجبه:والسبب ناس استغلو عدم وجود الرقابه الصارمه

من الغش التجاري:واسنغلونا استغلال بابشع الطرق

املي في الله سبحانه وتعالى ثم بقادتنا الاوفيا وضع حد لهذا الجشع الذي لايحل في

ارض وتعمر

وتقبل تحياتي

 

 

 

 

[معلومات العضو عبدالرحمن العقيلي]

المشاركة الأصلية كتبت بواسطة نايف الخييلي

صح لسانك على هذه القصيده المعبّره

والله وحده هو اللى يزين الحال وييسر على عباده

قصيده رائعه واعجبتني

مرحبا ملاييين اخوي نايف

صح بدنك ونعم بالله سبحانه وتعالى الاروع من القصيدة مرورك الكريم

واعجابك هو الغاية التي دااااااائما وابدااااااا نبحث عنها

لك كل تقديري واحترااااااامي

 

 

 

 

[معلومات العضو محمد بن سالم الخضراني]

الشاعر عبدالرحمن العقيلي صح لسانك ولاهنت وبيض الله وجهك على القصيده التي تحكي عن حال كل فرد من هذا المجتمع

 

 

 

 

[معلومات العضو محمد بن حمد الشكرة]

الشاعر عبدالرحمن العقيلي صح لسانك ولاهنت وبيض الله وجهك على القصيده التي تحكي عن حال كل فرد من هذا المجتمع

 

 

 

 

[معلومات العضو عبدالرحمن العقيلي]

المشاركة الأصلية كتبت بواسطة محمد بن سالم الخضراني

مرحبا ملاييين اخوي محمد سالم الخضراني


صح بدنك ملاييين وبلاشك الشعر رسالة وحنا حاولنا ايصال صوت ابناء الملك عبدالله


الى والدهم ويارب يكون وصلت ابومتعب


تقبل تحياتي

 

 

 

 

[معلومات العضو عبدالرحمن العقيلي]

المشاركة الأصلية كتبت بواسطة محمد بن حمد الشكرة

مرحبابك اخوي محمد بن حمد

صح بدنك ملايييين وبلاشك هي مشكله نواجها مالها اي مبرر

نساءل الله السلامه

تقبل تحياتي