(قصـــيدة رهيــــــــــــبة)‎

**معلومات** **العضو** · 12-09-2009, 07:13 PM

البارحة جاني مـن الحـب مرسـال

من عقب ما بينـي وبينـه خصيمـة

وأنا ترى في الحـب مانيـب فعّـال

ولا بعـد ولّـع بقلبـي هشيـمـه

ولا بعد غنّيت فـي ساعـة وصـال

ولا بعد ذقـت الفـراق وجحيمـه

ولا جرى دمعي على الخـد همَّـال

ولابعـد جربـت مــرّ الهزيـمـة

حتى وردنـي تالـي الليـل جـوال

وأنا على شاهي وبسكـوت ديمـة

الرقم بايخ لكـن الصـوت قتـال

كنه مثل صـوت المذيعـة حليمـة

قالت مساء الخير يـا طيّـب الفـال

قلـت ارحبـي ترحيبـةٍ مستديمـة

بالعود والصفـري ودلـة وفنجـال

واجبك يا بنت الأصـول الكريمـة

ردت بضحكة ثم قالت وش الحـال؟

قلت اشهد إن الحال عقبك سقيمـة

قالت وهي تضحك بعد مثل الأطفال

وأنا بعـد كنـي بدونـك يتيمـة

من يـوم قالتهـا تزلزلـت زلـزال

من فجعتي كنـي مسـوي جريمـة

قلت ارفعي صوتك ترى مابه ارسال

كـذاب لكـنّ المصيبـة عظيمـة

قالت أقول اسمع ترى هرجنـا طـال

ممكـن تصاحبنـي ترانـي وسيمـة

واسمي الحقيقي أول حروفـه الـدال

لكـن يسمّونـي البنـات الزعيمـة

صحيح أحب الفخفخة واعشق المال

لكـن ترانـي طاهـرة مستقيـمـة

ما عندي امغازل ولا (لعب أطفـال)

ما عندي إلا في الشرف والحشيمـة

بس الصراحة قلبي لشوفتـك مـال

واصبحت وحدك جالسٍ في صميمه

فكّر بعقلك واترك القيـل والقـال

واحذر تطيع أهل العقـول العقيمـة

وارسل علي الحين خمسميـة ريـال

أشحن بهـا جـوال أختـي غنيمـة

أو طقم غالي فيه خاتـم وسلسـال

أروح بـه فـي عـرس ولاّ عزيمـة

قلت الحقيقة مانيب رجـل أعمـال

ولانـي بتاجـر والمـوارد عديـمـة

أنا الصراحة شبـه عطّـال بطّـال

وعلاقتـي بالفقـر جـداً حميـمـة

والراتب الله يرحم الحـال مـا زال

محـدود والمصـروف ربـي عليمـه

والدين بـالآلاف والبنـك شغّـال

ياكـل فلوسـي بالربـا والظليمـة

والسوق طايح والغلا ضيّـق البـال

والموت والله صايـر اكبـر غنيمـة

قالت تحمّل بـس والحمـل ينشـال

خلك شديد الباس صلـب العزيمـة

ياخي تصرّف جعلك اتصيـر نشّـال

أهـم شـي إن النوايـا سليـمـة

لابد تفهمني علـى كـل الأحـوال

ما دمت من أهل العقـول الفهيمـة

قلت إيه والله فاهم اللي على البـال

لكن تـرى هـذي علينـا قديمـة

يا بنت هـذا صايـر اليـوم مـوال

للي تبي تلعب علـى ابـن اللئيمـة

يا بنت ما تدرين كـم فيـه محتـال

يلعب على الحبلين وانتـي غشيمـة

يا بنت كم من جاهلة دمعها سـال

من عقب ما جات العواقب وخيمـة

والبنت لا اقفى عرضها بيد الأنـذال

والله مـا يبقـى لهـا أي قيـمـة

قالت تبي ولاّ فخلّك علـى جـال

مهوب ناقصنـي نصايـح حكيمـة

عز الله إنك للأسف منـت رجّـال

وانك قليل الذوق ما فيـك شيمـة

يا لعنبو اللي مـا يسطّـرك بنعـال

حتـى يعلمـك الغـزل يـا بهيمـة

( تفو ) عليك وصكّت الخط في الحال

مدري ( تفو ) هي مدح ولاّ شتيمـة

**معلومات** **العضو** · 12-09-2009, 07:21 PM

صحيح أحب الفخفخة واعشق المال

لكـن ترانـي طاهـرة مستقيـمـة....

هههههههههههههه

( تفو ) عليك وصكّت الخط في الحال

مدري ( تفو ) هي مدح ولاّ شتيمـة

ههههههههههه خذها مني شتيمه

..

أبيات فكاهيه ... تسلم ع النقل

**معلومات** **العضو** · 12-09-2009, 07:28 PM

اشكرك اختي برنسيسة الرياض على المرور

**معلومات** **العضو** · 12-09-2009, 09:52 PM

وارسل علي الحين خمسميـة ريـال

أشحن بهـا جـوال أختـي غنيمـة

ماااااااااااااااااااالت عليها من بنت عساها الماحي انشالله

تحمست معها واخر شي تبي شحن انا لو مكانه بقوووول اللخلاااااااااااااااااااااا:d

ابيات خطنطيره تقبل مروري:d

**معلومات** **العضو** · 12-09-2009, 09:58 PM

اشكرك اختي ريم على المرور

**معلومات** **العضو** · 14-09-2009, 08:13 AM

يا لعنبو اللي مـا يسطّـرك بنعـال

حتـى يعلمـك الغـزل يـا بهيمـة

ههههههههههههههههههه
يلعن ابو هيك غزل ...على مصلحه

يعطيك الف عافيه على القصيده وصح السانك ولسان قايلها

**معلومات** **العضو** · 14-09-2009, 08:16 AM

اشكرك اختي هامتي ماتنحني لك على المرور

**معلومات** **العضو** · 14-09-2009, 08:51 AM

صح لسانك يامحمد على القصيده الطيبه والله لايهينك

وننتظر منك الجديد والمزيد

ولك تحياتي

**معلومات** **العضو** · 14-09-2009, 09:24 AM

( تفو ) عليك وصكّت الخط في الحال

مدري ( تفو ) هي مدح ولاّ شتيمـة

شتيمة يومنت ثابت ورجال ....تكرم من دروب الهزال الوخيمة

اخوي ابو حمد فعلا قصيدة رهيبة صح لسانك
وسلم فكرك الراقي

**معلومات** **العضو** · 14-09-2009, 09:47 AM

اشكرك اخي درع الدواسر على المرور

**معلومات** **العضو** · 14-09-2009, 09:48 AM

اشكرك اخي نادر على المرور

**معلومات** **العضو** · 17-09-2009, 08:12 PM

ههههههههههه

حلوة جداً يا صديقي والله أنها بغت فيك

لكن مافيك حيله ، قمت ترشقها بالنصايح

قالت شكل ذا بدوي وطفران ... ما تدري أن البدوي لا حب وش يصير !!

معليش يالشكري ، أمسحها بوجهي ذا المره .

**معلومات** **العضو** · 17-09-2009, 08:19 PM

صح لسانك يامحمد على القصيده الطيبه والله لايهينك

**معلومات** **العضو** · 18-09-2009, 03:43 AM

قالت وهي تضحك بعد مثل الأطفال

وأنا بعـد كنـي بدونـك يتيمـة

الله عليك يا مبدع

**معلومات** **العضو** · 18-09-2009, 05:45 PM

بيض الله وجهك يابو حمد على هذه الرائعة والله انها تطرب يا كحيلان
ارجو ما تحرمنا من جديدك المتميز كصاحبة بابن صخبور .
تقبل مرزري .

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية