تكفوون ياصلب جدي تكفوون ياعصابة راسي ولدكم يناخاكم

[معلومات العضو أبن زاايد]

انخى بني عمي دواسـر زعامـه=اللي ليا قامـوا تخـف الثقالـي
افديع بن شافي سجن في قضيـه=في حاجةٍ يرخص لها كل غالـي
في قتل من دون الشرف والكرامه=والله يحـل معقـدات الحبـالـى

هذه الأبيات مطلع قصيدة للشاعر مشبب بن عرنان المخاريم الدوسري ينخى فيها كل دوسري معرب للتدخل في حل قضية الفديع بن شافي المخاريم والذي يعتبر هذا العام هو العام العاشر له خلف قضبان سجن منطقة نجران حينما قام بقتل شخصين دفاعا عن نفسه
ولمواقف أبناء قبيلة الدواسر المشرفة ومواقف ابنهم البار سمو الأمير عبدالعزيز بن تركي آل سعود والتي أصبحت مضرب للمثل تشجع الشاعر وقام بكتابة القصيده التي يحث فيها همم بني عمه ويدعوهم لمواصلة أفعالهم الغانمة التي عرفوا بها منذ القدم حيث يقول

يالله ياوالـي علـى كـل والــي=جـل جلالـك ياعزيـز الجلالـي
يامخرج ذا النوان من بطن حوتـه=ويا مرسيٍٍٍ من فوق الأرض الجبالي
فيـك الرجـا ثـمٍ عليـك التوكـل=رحمتـك يـاربٍ عليـك تكـالـي
من عقبها تكفـون تكفـون تكفـون=يادرع جنبي كـل مالوقـت مالـي
انخى بني عمـي دواسـر زعامـه=اللـي ليـا قامـوا تخـف الثقالـي
الفديع بن شافي سجن فـي قضيـه=في حاجةٍ يرخص لها كـل غالـي
في قتل من دون الشرف والكرامـه=والله يحـل معـقـدات الحبـالـي
ومرت سنين طوال من عقب سجنه=وماطـول عليـه أيامهـا والليالـي
تكفون ياللـي تحتمـون المواقـفي=الابتـي ياعزوتـي راس مـالـي
ذي ساعة الفزعة يامـال الغنيمـه=توجهوا ياهـل الوجيـه الطوالـي
وقفاتكـم ياعـزوتـي شجعتـنـي=واحيان اطش عمامتـي والعقالـي
قبل امس قمتـوا ياطـوال اليمانـي=واليوم قوموا صـك جـالٍ بجالـي
اعـوذ بالله مـن ذرى مـايـذرى=واقطع شجر ماثمر ولالـه ظلالـي
واقطع رجـالٍ ماينومـس عملهـا=وانا تنومـس كـل ماجـا مجالـي
والله مايعـذر دوسـريٍٍ مـعـرب=مايرتكي للحمـل غيـر الجمالـي
وين انت ياعبدالعزيز بـن تركـي=تكفـى تحـرك ياكريـم السبالـي
مع خوالـك لـك مقـامٍ مشـرف=ماقلت انا واللي معـي دون خالـي
وماهي غريبـه ياسلايـل كحيـلان=يابن الملـوك مخضبيـن السلالـي
ياطيب فزعاتـك وياطيـب راسـك=تمـد ملـيـونٍ وكـنـه ريـالـي
ولك هيبةٍ يامن بهـا كـل خايـف=فانت الذي يطول وان كـان قالـي
يشهـد بفعلـك ساكنيـن الجزيـره=شرق وجنوب وغرب والا شمالـي
سلام ماغنت حمامـه علـى عـود=تنشر لك البيضا على كـل عالـي
والله يعـزك ياعزيـز الجنـابـي=والله يبيـض وجهـك اول وتالـي
انخاك وانخـا كـل قـرمٍ مجـرب=يبيـن لاركـب الرشـا بالمحالـي
يدخل عليكـم شايـبٍ سـم حالـه=فرقا الولد واركت على الكبد صالي
وتنخاكـم أمٍ بـاح منهـا جهدهـا=علـى ولدهـا محكمـات القفالـي
لامرهـا فـي لـذة النـوم فـزت=على ولدها تقـول ياصـرم حالـي
وندخل على اهل الدم طلابة الحـق=ندخـل عليكـم ياعيـال الحلالـي
بوجيهنـا ووجيـه كـل القبـائـل=عفو وتلقـون الجـزا عنـد والـي
لـو ان ماجاكـم عليـنـا عفيـنـا=وانتم هل الناموس واهـل المعالـي
بـلاوي تبـلا العبـاد ومصـايـب=والوقت نوب مر واحيـان حالـي
والعمر يمضي والليالـي ركايـب=والآدمــي نهايـتـه للـزوالـي
والرابح اللي كاسـبٍ لـه جميلـه=جميل في الدنيـا ويـوم السوالـي
اقولهـا وارجـي مـن الله مثوبـه=والنـاس ماتعلـم بغيـب الليالـي

اخوكم \CC0000

 

 

 

 

[معلومات العضو ابن قرنين]

أبن زاايد لا هنت على الموضوع الهام وبيض الله وجهك يالسنافي يارب تخرج الفديع بن شافي من السجن و تفرج كربته أنك على كل شيء قدير ويبشر بالسعد ........ أخوك: ابــــن قرنين

 

 

 

 

[معلومات العضو أبن زاايد]

كفوو يابن قرنين هذا العشم

وان شاءلله انها توصل لكل دوسري

وكل من له يد العون في قضايا الدواسر واهل الخير

اخوكم \ أبـــن زاايــــد

 

 

 

 

[معلومات العضو الدفاع المدني]

اسأل الله ان يعجل بإعتاق رقبته من القصاص ويعجل بخروجه من السجن وان يقر

اعين والديه واهله به.....

دعاء الفرج
عن ابن عباس ، عن النبي صلى الله عليه وسلم ، قال : « كلمات الفرج : لا إله إلا الله الحليم الكريم ، لا إله إلا الله العلي العظيم ، لا إله إلا الله رب السماوات السبع ورب العرش الكريم »
عن النبي صلى الله عليه وسلم ، قال :
« دعوات المكروب : اللهم لا إله إلا أنت ، رحمتك أرجو فلا تكلني إلى نفسي طرفة عين ، وأصلح لي شأني كله ، شأن الدنيا والآخرة ، في عفو منك وعافية ، لا إله إلا أنت
»


عن علي بن أبي طالب ، رضي الله عنه ، قال : علمني رسول الله صلى الله عليه وسلم إذا نزل بي كرب أن أقول : « لا إله إلا الله الحليم الكريم
، سبحان الله ، وتبارك الله رب العرش العظيم ، والحمد لله رب العالمين »
كان رسول الله صلى الله عليه وسلم يقول إذا نزل به هم أو غم : « ياحي ، يا قيوم ، برحمتك أستغيث »
عن أسماء بنت عميس ، قالت : سمعت رسول الله صلى الله عليه وسلم يقول : « من أصابه غم ، أو هم ، أو سقم ، أو شدة ، أو ذل ، أو لأواء ، فقال : الله ربي لا شريك له ، كشف ذلك عنه »
قال عبد الله بن مسعود : قال رسول الله صلى الله عليه وسلم : « ما أصاب مسلما قط هم ولا حزن فقال : اللهم إني عبدك ، ابن عبدك ، ابن أمتك ، ناصيتي في يدك ، ماض في حكمك ، عدل في قضاؤك ، أسألك بكل اسم هو لك ، سميت به نفسك ، أو أنزلته في كتابك ، أو علمته أحدا من خلقك ، أو استأثرت به في علم الغيب عندك أن تجعل القرآن ربيع قلبي ،ونور بصري ، وجلاء حزني ، وذهاب همي ، إلا أذهب الله همه وأبدل له مكان حزنه فرجا » ، قالوا : يا رسول الله ، أفلا نتعلم هذه الكلمات ؟ قال : « بلى ، ينبغي لمن سمعهن أن يتعلمهن »
بلغنا أن رسول الله صلى الله عليه وسلم كان إذا أصابه هم أو غم أو كرب يقول : « حسبي الرب من العباد ، حسبي الخالق من المخلوقين ، حسبي الرزاق من المرزوقين ، حسبي الذي هو حسبي ، حسبي الله ونعم الوكيل ، حسبي الله لا إله إلا هو عليه توكلت وهو رب العرش العظيم »

 

 

 

 

[معلومات العضو أبن زاايد]

الله يعطيكم العافية