يقولون وكر الحر ما يعتليه البوم

[معلومات العضو ابو حسين الدوسري]

يقولون ما للعبد بد عن المقسوم= وأنا أقول صح ويقنع العبد مقسومه
عسى الله يعين اللي توافد عليه إهمـوم = هموم تخلي طبلة الراس منجومه
ترى والله انه مايكدر عليك النوم = سوى كلمة من بعض الاصحاب مسمومه
إليا جت من الغالين وإلا الرخوم رخوم = ولا أمحق من الغالي إليا شانت علومه
ضعاف الروابع تبتلش والقروم تشوم = ولاهي بلا شيمة ٍ من الشيم مليومه
ولا أزين من القاع الخلى والوجيه سلوم = ولا رفقة مع طول الايام ملغومه
ولا ألذ من عشرة شريف من أقصى القوم = يبادلك فعل الطيب معناه وسلومه
ولا شفت في جو الصداقه غبش وغيوم= عطيت الدروب اللي مع الارض مرسومـه
ولا مثل عز النفس لو مامعك مطعـوم= وعن أهل الشماته خل الاسرار مكتومه
معي لو سمحت شوي عقب عداك اللوم= أبعطيك عن بعض الرجاجيل معلومه
ترى اللاش لو وقف معك في حياته يوم = تشوف الردى متبين فيه من يومه
وأنا أقول لو إن في وجيه الرخوم وسوم = عرفنا نميز قيمة النذل بوسومه
علشان نجلس مع رجال الوفى و نقوم = ونبعد من اللي عند الاجواد مذمومه
وأنا أسمع مع أهل التجربة في الحياة علوم= بعضها صحيح وبعض الاخبار موهومـه
يقولون وكر الحر ما يعتليه البوم=وأنا شوف عيني وكر حر تحت بومهُ

 

 

 

 

[معلومات العضو بنت الذيب]

صح لسان شاعرها

انتقاء رائع ومميز يعطيك العافيه يابوحسين

ربي لاهانك

 

 

 

 

[معلومات العضو أبونواف الدوسري]

لا هنت وبارك الله فيك يا أبوحسين..

صح السانك ووفقك الرحمن..

 

 

 

 

[معلومات العضو محمد راشد النتيفات]

صح السانك والسان الشاعر ولاهنت على النقل

 

 

 

 

[معلومات العضو مبارك بن شافي النتيفات]

مبدع يابوحسين

صح السانك والسان الشاعر ولاهنت على النقل

 

 

 

 

[معلومات العضو حمد ابن فهد]

بيض الله وجهك يابوحسين للنقل الموفق

تقبل تحياتي

 

 

 

 

[معلومات العضو شافي بن راشد النتيفات]

يعطيك الف عافية على الطرح
الرائع والمميز
تحياااتي لك

 

 

 

 

[معلومات العضو ابو حسين الدوسري]

صحة ابدانكم جميعآ وشرفني تواجدكم وحضوركم الكريم
احترامي وتقديري للجميع

 

 

 

 

[معلومات العضو راشد المسعري]

صح لسانك ولسان الشاعر المبدع راجح بن سالم العجمي

اختيار موفق يابو حسين ،،،

 

 

 

 

[معلومات العضو ابو حسين الدوسري]

المشاركة الأصلية كتبت بواسطة راشد المسعري

صح لسانك ولسان الشاعر المبدع راجح بن سالم العجمي

اختيار موفق يابو حسين ،،،

يهلا والله ومرحبا واسعدني حضورك