قصيدة مدح ابن شلحاط العجمي في عموم الدواسر

[معلومات العضو محمد بن الأشيب الغريري]

هذه القصيدة للشاعر / مانع بن شلحاط العجمي

حينما القاها شخصياً في حفل موقع الدواسر الثاني

ويمتدح فيها عموم الدواسر والقصيدة تعبر عن نفسها

شهر كانون موعد الاحتفال=جمعني مع مداغيش الرجال
هل الطّولات والراي السديد=هل الوقّفات ذربين الفَعَال
سلام الله سلامٍ مايبور=يراضيكم غلا وِدْ و وِصَالْ
وأنا شاعر ليا حَلْ القصيد=ثقيل الروز وبيوتي ثقال
أقَلَّطْهَا على الخَرْمَانْ كَيّْفْ=وتَقْعِدْ راس كَيَّيْفْ الدّْلَالْ
وأنا مِعكم وأنا جدي إعجيم=أكَابِرْ فَخْرْ حيثِ أنِكم (خوال)
أفاخر (بالدواسر) وأسْتَطيْشْ=وأقول الحق وأشرع فالمقال
ظنا دَوْسَرْ هل الجمع الرزين= كذا التاريخ ما فيها جدال
(ابن بدران) يثرينا صداه=ولو هو زال ذِكْرَه لا يزال
ظنا( زايد وتغلب) خلّدوه=طناخ العَوّْدْ في روس العيال
وقف( سالم) يوصى به ظناه=(وداعينٍ )ذخرهم للقتال
و(مخاريمٍ ورجبانٍ) عُصاه=خوانٍ ما تفرقها الجبال
وعيال (صهَيب) لَحَلْ اللزوم=حمول الخيل وكفوف السّْلال
ظنا (مَسْعر) ومَنْ سمي( بريك)=ونَسْلْ (غياث) في يوم الهوال
وآلاد ا(لحريجي) لأعتزيت=وصولات (الشرافاء) فالنزال
وطغا (الفرجان) يخشاه الحريب=كذا جَمْع (الهواملهَ)لا منه صال
وظنا( صخبور والخضران) قوم=وهومات( الهواشله) صعبة منال
و(دَبَالينٍ) تَرَدْ المَعْتدين=وغارات (الشّْيَنَهْ) سِمْ حَال
أقوله و(آل عمار) الدُهَات=أيوالله (والشّْكَرَهْ) صَوّْكْ جال
وفزعات( الغــرره) لعتزيت=وجَرّات( الكبرا) لفح لال
ولكَبْرَتْ( فالنتيفات) أحْتَضَوّْك=ونخوات (آل عرفج) طيب فال
و(تغلب) تغلب الخصم الكبير=ذرى( الحقبان) للزابن ظلال
تعزوا (بالخييلات العمور)=وكفوٍ (بالمشاويه) لجا مجال
وآلاد( الحبيبي) فارقين=(مصاريرٍ )ليا كبرت نصال
يجوز أني نسيت أو ما نسيت=أنا ألتمس العذر في كل حال
فعذراً يا حما ذاك الدَرَيْك=يوم أن الاشراف ردوها شمال
بيومٍ تعتذر عَنْهْ الجموع=وزبنتوا ولد عمي وطال
كذا وأنتم حما ذيك الغروس=وفي هيباتكم يرعا الحلال
فرقتوا يا دواسر بأثنتين=ولا معكم شَبَيهْ ولا مثال
(الأولى وسمكم عصا القصير)=وَمَنْ وأَمنْ بعدِ ما كان ذال
و(الأخرى جاركم من بعد صْيْب=على ذاك الجدار أيْسَاق مال)
ومن شيخانكم( أبن أقويد)=(وأبن حفيظ )يومه طال قال
ومن فريسكم ناس ودُهَات=إلا ياكثرهم من آل وآل
(خجيم وراعي الهَدْلَا وزيد)=(وسحمي والمبيعيج) المثال
و(أبن وقيان وماجد والقضيع)=و(سند) من صهوة الصفرا ما مال
و(أبن نادر) وسبر القوم (ذيب)=(وأطليفيح) شَرَّابْ الزهال
ومنكم (أبن هذّال) الكريم=فَرَقْ وأنتم كريمين السبال
ومَقْطَعْ حقكم فالعرف عرف=(أبن إوثيله) وللقصيا جمال
ومن شعاركم (ظافر) وغير=و(أبن عمهوج) لصر المحال
وأبارك جمعكم هذا وأقول=سلام الله عليكم يا رجال

ولكم تقديري

اخوكم / ابن غرير

 

 

 

 

[معلومات العضو الركن]

الله لسان الشاعر
لاهنت لاهنت يابن غرير وبيض الله وجهك على ذكر هذه القصيدة

 

 

 

 

[معلومات العضو محمد البليهي]

تســــلم والله على إيراد القصيــــدة وليت الإخوان ينزولونهـا بصوتــه 000

 

 

 

 

[معلومات العضو حنيان الدوسري]

الغالي : ابن غرير

شكراً لإيرادك هذه الدرة العجيبة من شاعر فحل شارك وساهم مع (
خواله ) في تجمعهم المبارك

بارك الله فيك وفي جهودك

 

 

 

 

[معلومات العضو ابو زابن المسعري]

الشاعر مانع بن شلحاط العجمي غني عن التعريف

شاعر بمعنى الكلمه ومن قبيلة معروفه

فصح الله لسانه وبيض الله وجهه


ابن غرير

لاهنت ياشوق البنت على نقل القصيده

تحيتي ابو زابن

 

 

 

 

[معلومات العضو نايف الخييلي]

صـــح لســان ابن شــلحاط العــجمي وونعــم فيـه وفي قبيلته


ولاهنت يابن غــرير على ذكــر القــصيده

 

 

 

 

بارك الله فيك وفي جهودك

 

 

 

 

[معلومات العضو محمد بن الأشيب الغريري]

ووجهك ابيض ياالركن

وتسلم على المرور العطر الذي اسعدني


وتقبل فائق الود




اخوك / ابن غرير

 

 

 

 

[معلومات العضو عبدالرحمن النتيفات]

بارك الله فيك وفي جهودك يا ابن غرير


صـــح لســان ابن شــلحاط العــجمي وونعــم فيـه وفي قبيلته

ولا عليهم زود

 

 

 

 

[معلومات العضو ابن وتيد السباعي]

الشاعر مانع بن شلحاط العجمي غني عن التعريف

شاعر بمعنى الكلمه ومن قبيلة معروفه

فصح الله لسانه وبيض الله وجهه

وعزالله انه كفووووووووووو ومن قبيله كفوووووووووووووو

 

 

 

 

[معلومات العضو حنيان الدوسري]

الغالي : ابن غرير

مرة اخرى أكرر لك الشكر والتقدير على جهودك الطيبة ونعتذر عن تأخرنا في التعديل

فقد قمت بمهاتفة الشاعر : مانع بن شلحاط وبين لي بعض التعديلات والإضافاة لبيتين

وقمت بذلك في ثنايا القصيدة ، للإحاطة والإطلاع من قبل الجميع

وفق الله الجميع لكل خير وصرفهم عن كل شر

 

 

 

 

[معلومات العضو العماني]

الأخ العزيز ابن غرير

اشكرك على نقل القصيدة الشامخه للشاعر الكبير ابن شلحاط وقد قمنا بتعديلها

واشكر اخوي الغالي ابوراشد فهد الغريري على ارسالي القصيدة معدله

تقبل تحياتي،،

 

 

 

 

[معلومات العضو ابن ذيب الودعاني]

صح الله لسانك ولسان الشاعر الكبير مانع ابن شلحاط العجمي وعز الله اللي يحب خواله وعز الله ان خواله يحبونه وبيض الله وجهك على ايراد القصيدة

 

 

 

 

[معلومات العضو محمد بن الأشيب الغريري]

شاكر لك يلمحمد البليهي

والله لايهينك على المرور الطيب


ولك مني ارق تحية



اخوك / ابن غرير

 

 

 

 

[معلومات العضو محمد بن الأشيب الغريري]

اخوي الغالي / حنيان الدوسري

ان ما يسعد الشخص في مثل هذه الامور

هو تعليق ومرور بعض ابناء العمومة ومشاعرهم الطيبة

كطيب معدنهم الاصيل .

ولك الف شكر على تصحيحك القصيدة واتصالك المباشر على الشاعر نفسة واخذ المعلومة الصحيحة وهذا ماتعودناه من القائمين على هذا الموقع.

ومثل ما قلت يابو مبارك مهما قلنا في حقك فهو قليل .


ولك اجمل تحية



اخوك / ابن غرير