وقعة (الثليماء بالخرج) وحماية المخاريم للآل قنيبر العجمان ومقتل سلمان بن سعود

**معلومات** **العضو** · 20-09-2005, 08:59 PM

آل قنيبر هم من العرجاء من قبيلة العجمان

وقصة وقعة ( الثليما بالخرج) ان آل قنيبر كانوا مطاردين من ابن سعود في ذلك الوقت
وكان الذي يقوم مطاردتهم أمير من آل سعود يدعى (سلمان) ، وكلما لجأ آل قنيبر على قبيلة لم تجيرهم وذلك خوفا من ابن سعود ، وعندما وصلوا منطقة الثليما بالخرج وكان المخاريم انذاك نازلين فيها قال العجمان : كل صاحب بيت منا ينزل على راعي بيت من المخاريم ، فزبنوهم المخاريم كعادة القبائل وتعهدوا بحمايتهم اذا لزم الأمر .
وعندما علم الأمير سلمان فارسل ابن سعود للمخاريم بأن يسلموا ويتخلوا عن جيرانهم ، فأرسل المخاريم شخص من الرجبان الدواسر اسمه ( هاجد بن غرفان آل بزاز) وكان صاحب وجاهه ارسلوه الى ابن سعود لمفاوضته.

فذهب اليه وعرض عليه نصف حلالهم مقابل ترك آل قنيبر ، ولكن سلمان أبا ورفض وقال ان اي قبيلة تحول دونهم فسوف ويجعلهم عبرة لغيرهم.

فرجع هاجد واخبر المخاريم بما جرى واخبرهم بان الامير سوف يصبحهم ، فقال المخاريم نصبحه قبل لايجينا .

فغاروا عليهم المخاريم وحدثت معركة تهول العقل ، وكان الذي يتزعم المخاريم في تلك المعركة الفارس ( محمد بن قاعان) من آل مشهاب المخاريم ، في حين كان ، قائد جيش ابن سعود هو الفارس الأمير سلمان وكان مشهورة بقوته وشجاعته وكان لابس درعا ، وفي اثناء المعركة كان (شلال ) المخريمي أرمد العينين ذلك الوقت وجالس تحت شجرة وبندقه معه ويتابع المعركة وهو عاجز عن المشاركة لرمد عينيه ، فكانت لديه الرؤية شبه معدومه فلمح من خلال بعض بصيص النور الذي يرى به لمح الفارس الأمير سلمان بن سعود وهو لابس درعا ويصول ويجول ، وكانت البنادق ذاك الوقت تحشى بالبارود مقدار ثلاث (قفال ) للطلقة الواحده، فقام (شلال) بحشو بندقه ست (قفال ) بدل ثلاث أي دبّلها ، وصوب بندقه تجاه الأمير سلمان مع العلم انه لا يرى جيدا ورمى سلمان بن سعود فاخترقت الطلقة القوية درع ابن سعود واردته قتيلاً وانهزم جمع ابن سعود وحمى المخاريم جيرانهم .

وبعد المعركة قال شاعر المخاريم في ذلك الوقت وهو ابن فاضل واصفا المعركة :

جانا نذير في العشا عقب هجعه=ويقول لمباج الظلام رجال
نشري جديد المدح لا رخص عندهم=يتهادونه شيبان لنا وعيال
لا قلت يا (لاد المنيعي) ريعوا= مرياع سيل في محير رمال
قلت اركدوا فربهم يقربونا= وعيوا دياقا ماطيح عذال
هذا لعينا هاجد ووجاهته=لاعاد ماجا للوجيه جلال
هذا لعينا الي تهل دموعها=تبكي من فراق الحليل ومال
ولا لعينا اللي وصف حنينها=رعاد صيف مقتفيه خيال
عدايل الضيفان لا جاو عندنا=تكنف ولا يخشر لهن عيال
كنهم غرانيق البحر لاديدبوا=حاديهم من خشم الجليه جفال
((سلمان)) اللي في اللقا يذكرونه= استلحقة ذيب الخلا ((شلال))
انا وبني عمي قضينا نوبه =بمصببٍ حاديه ((ست قفال*))

*المقصود طلقة شلال

ويحضرني بيتين من قصيدة الشاعر مسعود المقابله الملحمه:

مع جارنا يشهد لنـا العرجانـي =بأفعـال( شـلال ٍ) وهـو مـرمـود
مايشكـي الوجـلا وحيـف الحايـف=من كـان لـه لاد المنيعـي عضـود

كتبه : أصمعي الدواسر

جميع الحقوق محفوظة لمنتدى الدواسر الرسمي

.

**معلومات** **العضو** · 20-09-2005, 09:18 PM

الأخ الغالي أصمعي الدواسر

بيض الله وجهك مليون وصح لسانك على رواية هذه المعركه اللتي نفتخر بها والنعم بلاد المنيعي والنعم ماتوفيهم حقهم

صح لسانك مرة أخرى وننتظر مشاركاتك الأكثر من رائعه

تقبل تحيات أخوك ابو سعود الدوسري

**معلومات** **العضو** · 20-09-2005, 09:19 PM

الاخ العزيز اصمعي الدواسر

لاهنت وتسلم يمناك على فائق المجهود النادر والثمين

وعزالله لاهيب غريبة على لاد المنيعي وتاريخهم الحافل بالبطولات ومواقف الشجاعه

مع جزيل الشكر والتحية

والله الموفق

**معلومات** **العضو** · 20-09-2005, 09:47 PM

عدايل الضيفـان لا جـاو عندنـا=تكتـف ولا يخشـر لهـن عيـال
كنهـم غرانيـق البحـر لاديدبـوا=حاديهم من خشـم الجليـه جفـال

اخوي الفاضل أصمعي الدواسر

لافض فوك على الوقعة التي ترفع الراس وتنومس بالواحد منا

ونعم بمزبنت العرب ونعم بالاد المنيعي جعلهم المعزه

مهما كتب الواحد منا لن يوفي المخاريم حقهم

علمهم غانم اول وتالي

وبيض الله وجهك على السرد التاريخي لهذي الوقعه

ننتظر جديدك المميز

تقبل احترامي

اخوك / فهد الغريري,,

**معلومات** **العضو** · 20-09-2005, 10:06 PM

الأخ الغالي والراوي الكبير أصمعي الدواسر

بيض الله وجهك مليون × مليون ولايكفون

وسلمت يمينك يالقرم على رواية هذه المعركه اللتي نفتخر بها جميعاً

والنعم بألآد المنيعي يفعلون كل علمٍ طيب وهاذي عوايدهم الجود

والحقيقه يحق لنا بأن نفتخر بوجود رواة وكاتبين مثلك وشرواك

يجيدون رواية العلوم الغانمه لبني عمهم

تقبل الود والتقدير والشكر والعرفان

من محب الجميع : دغش البطي

**معلومات** **العضو** · 20-09-2005, 10:11 PM

لا هنت أخوي أصمعي الدواسر على الوقعة اللي تبيض الوجهه

و الله و النعم بالمخاريم لاد المنيعي بني عمنا .

و لا تبطي بجديدك ,,,,,,

تقبل تحيات محب المنتدى / مترك المسعري

**معلومات** **العضو** · 20-09-2005, 11:20 PM

جانا نذير في العشا عقب هجعه=ويقول لمباج الظلام رجال
هذا لعينا (هاجد)في وجاهته=يوم ماعاد جاء للوجيه جلال
انـّا بني عمه قضينا نوبه= بمصبب ٍ حــاديه((ســت قفال))
نشري جديد المدح لا رخض عندهم=يتهادونه شيبان لنا وعيال
لا قلت يا (لاد المنيعي) ترايعوا= ترياع سيل في محير رمال
قلت اركدوا فربهم يقربونا= وعيوا دياقا ماطيح عذال
هذا لعينا بيضا هلت دمعها=تبكي من فرقا الحليل ومال
ولا لعينا اللي يشادي حنينها=رعاد صيف مقتفيه مخال
عدايل الضيفان لا جاو عندنا=تكتف ولا يخشر لهن عيال
كنهم غرانيق البحر لاديدبوا=حاديهم من خشم الجليه جفال
((سلمان)) اللي في اللقا يذكرونه= استلحقة ذيب الخلال ((شلال))

الأخ الغالي والراوي الكبير أصمعي الدواسر

بيض الله وجهك مليون × مليون ولايكفون

وسلمت يمينك يالقرم على رواية هذه المعركه اللتي نفتخر بها جميعاً

والنعم بألآد المنيعي يفعلون كل علمٍ طيب وهاذي عوايدهم الجود

والحقيقه يحق لنا بأن نفتخر بوجود رواة وكاتبين مثلك وشرواك

يجيدون رواية العلوم الغانمه لبني عمهم

تقبل الود والتقدير والشكر والعرفان

**معلومات** **العضو** · 21-09-2005, 01:19 AM

اخوي اصمعي الدواسر

تغيب ولاحضرت علومك وافيه

الله يعطيك العافيه ياراوية المنتدى

والله ونعم بالمخاريم سقم المعادي

ونعم بهاجد الرجباني وبوجاهته لبني عمه

اقترح على الاداره بتسميتك راويه وباحث تاريخي

تحياتي لك--ابوشجاع

**معلومات** **العضو** · 21-09-2005, 06:54 AM

اصمعي الدواسر

الله يعطيك الف عافيه

ومشكور على العلوم الطيبه

**معلومات** **العضو** · 21-09-2005, 03:00 PM

بيّض الله وجهك اخوي اصمعي الدواسر

على طرحك هذا الموضوع القيّم والذي يُذكر فيه

احد بطولات الدواسر ومعاركهم الشهيرة

والله لا يهينك

**معلومات** **العضو** · 22-09-2005, 06:38 PM

الأخوان السلام عليكم ورحمة الله وبركاته أما بعد المخاريم عود من حزمه
وفعلهم يفعله كل رجال في راسه نعاره وشيمه وهي من شيم الدواسر وجميع القبائل
وماعليكم زود
الأخ أصمعي الدواسر بارك الله فيك وجعلك ذخر وأنت راوي من الدرجة الأولى
وإلى الأمام جميع لقيادة منتدا الدواسر إلى قمة المجد وهذهي المسؤوليه تضاعفت
علينا بعد تسلم الأمير مران الرئاسة الفخريه
والسلام خير ختام

**معلومات** **العضو** · 22-09-2005, 06:51 PM

الأخ الغالي والراوي الكبير أصمعي الدواسر

بيض الله وجهك مليون × مليون ولايكفون

وسلمت يمينك يالقرم على رواية هذه المعركه اللتي نفتخر بها جميعاً

والنعم بألآد المنيعي يفعلون كل علمٍ طيب وهاذي عوايدهم الجود

والحقيقه يحق لنا بأن نفتخر بوجود رواة وكاتبين مثلك وشرواك

يجيدون رواية العلوم الغانمه لبني عمهم

تقبل الود والتقدير والشكر والعرفان

أخوك في الله

العرابي

**معلومات** **العضو** · 22-09-2005, 07:05 PM

أصمعي الدواسر

بيض الله وجهك
على هالنقل الطيب

وكفو والله بلاد المنيعي (سهوم المنايا)
والله ماهي غريبةً عليهم

والحمدالله الي أتم علينا نعمة الأمن والأمان

.

.

.

**معلومات** **العضو** · 23-09-2005, 12:07 PM

بيّض الله وجهك اخوي اصمعي الدواسر

على طرحك هذا الموضوع القيّم والذي يُذكر فيه

احد بطولات الدواسر ومعاركهم الشهيرة

ولاتبطي بجديدك ،،،،

**معلومات** **العضو** · 26-09-2005, 10:31 AM

كفــــــــــــــو والله كفــــــــــــــو

بوجه سااااااااااااالم

رجااااااال يا بني زاااااااااايد

وعلوم جماعتنا ترفع الرااااااااااااااااااس فووووووووووووق

وجعل ربي يعز الدواسر ..آآآآآآآآآآآآآآآآآآآمييييييييييين

أخي وإبن عمي الحبيــــــــب الغالـــــــــــــي

((أصمعــــــــــــــــــــــــــــــــي الدواســــــــــــــــــــــــــــــــــــر))

أشكرك على هذا الموضوع الطيب الرائع

وعن إيراد هذه القصه بأسلوب طيب ورائع

فلك مني زمن إخواني عظيم الشكر والإمتنان

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
التغطية المصوّرة للحفل المقام بالبديع دعماً لقضية سعود بن عبدالله بن سعود بن شويرب الصخابرة .	الإداره	:: قسم اللقــاءات والفعاليات والتغطيات الخاصة::	22	27-10-2010 10:30 AM
التغطية المصوّرة (الحصريّة) لزيارة صاحب السمو الملكي الأمير تركي بن طلال بن عبدالعزيز آل سعود لـ الشيخ محمد بن مرّان بن قويد	الإداره	:: قسم اللقــاءات والفعاليات والتغطيات الخاصة::	31	23-06-2010 05:25 AM

الذين يشاهدون محتوى الموضوع الآن : 13 ( الأعضاء 0 والزوار 13)

		منتديات صحيفة وادي الدواسر الالكترونية