سلطان المسعري والراس علوى

[معلومات العضو سعد المورقي]

في ثاني الحلقات التسجيلية للبرنامج الجماهيري شاعر المليون
في نسخته الثالثة والتي تم تسجيلها بفندق الفيصلية بالرياض
حضر الشاعر الشاب سلطان الدوسري بقصيدة لايكتبها سوى كبار الشعراء
خطف بها أنظار اللجنة مما جعلهم يتأكدون عن عمره ؟
فقال : عمري 18 سنة .
طلب منه المريخي : أن يسمعهم قصيدة أخرى ليتأكدون من شاعريته .
فقال لدي قصيدة غزلية .. وقبل أن يلقيها .. قاطعه سلطان العميمي وطلب منه أن يرتجل بيت جديد .
(هداه الله العميمي ما خلاه يسمّعنا الغزلية .. )
تدخل حمد السعيد ليختبر مدى شاعرية شاعرنا الشاب سلطان .
وارتجل حمد السعيد هذا البيت .. وطلب من سلطان يرد عليه :

سلطان عمرك كم ياطير شلوى=ثمانيتعش وإلا عليها شويـة .

فقال شاعرنا سلطان بكل كبرياء :

العمر هذا صح والراس علوى=واقلط مع الشعار والنار حية .

وأجبر اللجنة على التصفيق له ..

نحيي شاعرنا القادم للساحة الشعبية بكل قوة .
ونتمنى له التوفيق في مسيرته الشعرية .

وهذي هي المشاركة

كتابية

مابيـن تطبيـق السـلام وبيـن تحـديـد المصـيـر=نشـعـب ركايبـنـا ونحـداهـا عـلــى رد الـبــرى
يسوقها ضـرب العصـا ويهجهـا حـس الصفيـر=وتدبك بنا واللي علـى الركبـي يهـرول مـادرى
تمشى بنا والقيض يشويهـا مـع طـول المسيـر=وتبرك بنا في وسط سوق بيـن بيـع ومشتـرى
وليـا التفتنـا للجمـل حـن ورغـى بـعـد الهـديـر=وحتى الصميل اللي على جنب المطيات انفـرى
وحنا نحسـب انـا بلغنـا القصـد والخيـر الوفيـر=مانـدرى ان الوقـت وقفنـا علـى بــاب الــزرى
ونـدور مـع نـاس تقـول الـوقـت لازم يستـديـر=ونصبـر علـى بيـت قبـل ستيـن عـام بـلا ذرى
نقـول نتبـع دورنـا يالله عـسـى مقـسـوم خـيـر=نمسك سرى ونموت موتة ضيم ماجانا السرى
نرقب متى علم الفرج ياتي مـع الصبـح المنيـر=من شان عين فـي الظـلام وفـي متاهاتـه تـرى
يـانـاس لـيـه الـكـذب مــادام ان واقعـنـا مـريـر=ليـه نتجاهـل ماحـصـل لـيـه نتنـاسـى مـاجـرى
يانـاس ليـه اسكاتنـا والصـد عـن جـرح خطيـر=يعنـي بضحكتنـا بـرى والله ليبـطـى مــا بــرى
ياناس زاد الحمل مـا يقـدر علـى القـوم البعيـر=وان قام موته جـاه فـي الهفـه بعـد طلعـة كـرى
يكفـي قهـر يكفـي سهـر مابيـن نـار وزمهريـر=يكـفـي حـيـاه بـيـن تـجـار ومشـايـخ وشـعـرى
يكفي حكي ياللي تضد القـوم بالسيـف الشطيـر=وتقول ابوي الشيخ وجدودي مناصب واومرى
لـد النظـر فالـلـي خــذا حـقـك ولافــك الاسـيـر=علـى عيـون منظمـات الامـن والسلـم جـهـرى
اليـا متـى نصبـر مـادام انــا نجـيـر المستجـيـر=وتوحيـدنـا واحــد ونظـرتـنـا الـــى ام الـقــرى
صحيح نملك مـال بـس احساسنـا حـس الفقيـر=واللـي يواسيـنـا صــلاح الـديـن لامـنـه طــرى
وصـلاح مـات وجاتنـا الدنيـا عبـوس قمطريـر=واحـد رقـد منـا والاخـر مــات مــاذاق الـكـرى
نبغي الحضـارة ليـن مركزنـا طلـع بعـد الاخيـر=ولاعاد به غيره سوات اللي على الذلـه ضـرى
وان كاننـا مليـار مسلـم مابنـا صـحـوه ضمـيـر=بكتـب نهايـة امــه تعـيـش مــن تـحـت الـثـرى

صوتية

http://video.alapn.com/view_video.ph...ic&category=mr

 

 

 

 

[معلومات العضو غازي المسعري]

نتمنى لشاعرنا سلطان المسعري التوفيق وأن شاء الله يكون من ضمن 48

لاهنت اخوي سعد

 

 

 

 

[معلومات العضو الزين]

لاهنت علي النقل الطيب

وتمنياتي للشاعر سلطان المسعري التوفيق

وكانت بدايــــــــــه موفقه له

 

 

 

 

[معلومات العضو ولد ودعان]

بالتوفيق لشاعرنا المبدع سلطان المسعري لاهنت اخوي سعد المورقي

 

 

 

 

[معلومات العضو ابن شمسان البدراني]

كفوووو والله سلطان وفاله المليوووون ..


وبيض الله وجهك أخوي سعد على المووضووع الراااااااااااائع ،،،

 

 

 

 

[معلومات العضو نايف الخييلي]

العمر هذا صح والراس علوى= واقلط مع الشعار والنار حيه

كفوا والله

قالها بكل ثقه وليس كبرياء فالكبرياء لله , والشاعر سلطان مبدع شعرياً و إلقاءً وقصيدته اللى قالها جزله ومعبره وان شاء الله نشوفه ضمن 48 ويصل للمراحل النهائيه

 

 

 

 

[معلومات العضو شافي القويسي المخاريم]

ابو حسين شاعر متميز يستاهل كل خير

لاهنت اخوي سعد على الموضوع

 

 

 

 

[معلومات العضو راشد المسعري]

سعد المورقي

لاهنت على هذا الموضوع عن شاعرنا الشاب المتميز سلطان بن حسين المسعري وهو قد المواقف الصعبة ماشاء الله عليه وموقفه هذا مع لجنة التحكيم أصدق شاهد.

وبإذن الله أنه يكون من ضمن الشعراء ال48 المشاركين في برنامج شاعر المليون فكل مقومات الشاعر تجدها في سلطان ، بإلقاءه المميز وحفظه للقصيدة وغيرها.

تمنياتنا لابو حسين بالتوفيق في مسيرته الشعرية ،،،،

 

 

 

 

[معلومات العضو محمد الولامين]

الله يوفق الشاعر ويتأهل للمراحل النهائيه

ولاهنت ياسعد على هذي التغطيه وبيض الله وجهك

 

 

 

 

[معلومات العضو ابو فهد الغييثي]

بالتوفيق لشاعرنا المبدع سلطان المسعري

ولاهنت اخوي سعد المورقي

تحيااااااااااااااااتي

 

 

 

 

[معلومات العضو ريتآل]

الله يوفقه وهو يستحق اكثر قصيدته جزله ماشاء الله عليه

 

 

 

 

[معلومات العضو المطنوخه]

ماشاء الله عليه الله يوفقه انشاء الله والبيرق انشاء الله دوسري...

 

 

 

 

[معلومات العضو نجــــــــــديه]

جعله يسلم وفاله البيرق
لاهنت ياسعد على هذه التغطيه الموفقه

 

 

 

 

[معلومات العضو حماد الدوسري]

ارجو توفق الشاعر سلطان وهذا ماهو غريب علي الاد مسعر رافعت الراس علوي وهذا شرف الناء جميعن هذا الشاب الصغير في عمره الكبير في قلوب الجميع

 

 

 

 

[معلومات العضو غلا نجد]

يعطيك العافيه استاذي الكريم

بصراحه حضور الشاعر متميز وقوة شخصيته وثقته بشاعريته كبيره جدا لفت الانظار اليه بشكل اجباري

وفقهم الرحمن وسدد خطاهم

احترامي وتقديري