يالعنبو لايمي في حب حظن امي ... للشاعر سلطان المسعري

[معلومات العضو سـ ع ـد]

حظن أمي

راجع !! وصوت الغياب اللي يناديني =اقفيت عنّه / وقلت اجلس مع همي

شليت / حلمي معي في راحة يديني =ومشيت / دمعة بقايا الحلم في كمي

ما هو بكفو الزمان انه يبكيني =حتى لو ان الفرح ما هو بـ من يمي

ما دام صوت الغرام العذب يدعيني =وانا من اللي ليا حبيت ما .. اسمي

برجع وبدفن دموع الوقت في عيني =وبرجع لدرب الغرام ,,الصادق ,,الامي

الحب شي خلق الله مخاويني =ولا التفت للعذول اللي يبي ذمي

حبيبتي / يوم قلتي لا تخليني =ما هو بودي لكني رحت متحمي

حبيبتي جيت لك / والشوق حاديني =وشوفتك تسقي خفوق" قد له مضمي

اعشقك / وايديك ترسم لي عنااويني=من قبل لا اعرف فعايل خالي وعمي

انتي سقيتي المحبة في شراييني=محبة صادقة / يسلم بها الذمي

برجع / وبموووت فيك بكل ما فيني=ولعيونك اكتب قصيدي / واهدر دمي

راجع وابعطيك عمري واجمل سنيني =واسقيك كل القراح العذب من جمي

يمة .. / بليا حيا .. والله وحشتيني =ويالعنبو لايمي في حب حظن امي

من أجمل ما سمعت في الام - الله يرزقنا بر امهاتنا - للشاعر سلطان بن حسين المسعري

 

 

 

 

[معلومات العضو شافي بن راشد النتيفات]

وانا بعد اقول كذلك من أجمل ما سمعت في الام - الله يرزقنا بر امهاتنا بيض الله زجهك على النقل وصح لسان الشاعر الكبير سلطان المسعري

 

 

 

 

[معلومات العضو مسعرري]

وانا بعد اقول كذلك من أجمل ما سمعت في الام - الله يرزقنا بر امهاتنا

بيض الله زجهك على النقل وصح لسان الشاعر الكبير سلطان المسعري

 

 

 

 

[معلومات العضو الكاتم]

يمة .. / بليا حيا .. والله وحشتيني =ويالعنبو لايمي في حب حظن امي
يمة .. / بليا حيا .. والله وحشتيني =ويالعنبو لايمي في حب حظن امي
يمة .. / بليا حيا .. والله وحشتيني =ويالعنبو لايمي في حب حظن امي

صح لسان الشاعر سلطان المسعري ولاهنت ياسعد