رسالـه إلـى كـل من تسـوّل لـه نفسـه ..!!

**معلومات** **العضو** · 27-03-2008, 07:08 AM

السـلام عليكـم ورحمـة اللـه وبركاتـه

نـص يحكـي عـن ذاتـه .. أتمنـى قبولهـا لـدى ذائقتكـم

بشويـش يا شلـة كبـار الاقاويـل = من فعلكـم ثـارت علـي القريحـه
يـا نـازل ٍ بالـروض .. خوفـك من السيـل = وتضيـق فيـك أرض البـلاد الفسيحـه
أزعجتنـا يا جعلـك لهـدة الحيـل = كنـك بوقـت الجـوع ذابـح دبيحـه
تعـرض بضايـع .. ميـر كـذب وتهاويـل = واللـه علـى الكـذاب سـاق الفضيحـه
تقـول : أنـا القمـه ومـره أنـا النيـل = الاولـه / شينـه والأخـرى / قبيحـه
الفيـل ردنـّه طيـور الابابيـل = والـداب يوطـى ليـن يقطـع فحيحـه
غـرك مجامـل بالثنـا طـق تطبيـل = ميـر أتركـه عنـّك وأخذهـا نصيحـه
خـل المجـال لطيبيـن التماثيـل = الشـرّد .. الجـزلات .. فكـر .. وفصيحـه
منتـه بقـد مصادمـة كـل حلحيـل = قبـلك رجـال أمـوات وأيضـا جريحـه
القمـه العليـا منـال المشاكيـل = ولا الهزيـل يطيـح مليـون طيحـه
علّم خويـك لا دنـا منكـم الليـل = وإن كـان تـاب اللـه يحـل ويبيحـه
عيـن من اللـه خيـر .. والحـط والشيـل = ما جـاب لحلـوق اليتامـى منيحـه
تبقـى صغيّـر عقـل .. لـو عقـّبـك جيـل = وكـف الكـرم تكسـر كفـوف ٍ شحيحـه
وأكرمتـك بصبـري ولا صـار تبديـل = مامـن حيـاة ٍ فيـك / لـو صحـت صيحـه
انـت وخويـك حللـو الوضـع تحليـل = من قبـل ماجيـب الاسامـي صريحـه
لـولا مهبلنـا كلتنـا المهابيـل = حكمـه / تونـي أكشتفهـا صحيحـه

وسلامتكم

الشاعـر / عبدالرحمـن بن فهـاد بن دعـس الشـرافـي

..

**معلومات** **العضو** · 27-03-2008, 08:47 AM

صــــــح لسانك واعتلى شــانــك

قصيده جزله ورائعـه

**معلومات** **العضو** · 27-03-2008, 01:12 PM

صح السانك يالشرافي مليون ولايكفون

قصيده جزله يالجزل

تقبل مروري

اخوك/فارس الكلمه

**معلومات** **العضو** · 27-03-2008, 01:32 PM

ابن دعس

بيض الله وجهك

والله لا يهينك

**معلومات** **العضو** · 27-03-2008, 02:58 PM

صـــــــح لســــــــانك يا الشــــرافي
لاهــــــــنت على القصيده

**معلومات** **العضو** · 27-03-2008, 06:49 PM

القمـه العليـا مـنـال المشاكـيـل=ولا الهزيـل يطيـح مليـون طيحـه .الله الله.قمة الشعر وسمو الشعور
الاخ والشاعرعبدالرحمن بن دعسابدعت ايما ابداع صح الله لسانك حتى ترضى واقول لاتخلينا من ذي وخواتها

**معلومات** **العضو** · 28-03-2008, 05:45 AM

شكر لجميع من اطلع على المشاركة و رد عليها
فارس الكلمة
سلمان بن فهد الدوسري
سالم بن صمهود
بنت الريم
اميرتهم

,,,,,,,,,,,,,,,,,, و تقبلوا احترامـــي,,,,,,,,,,

**معلومات** **العضو** · 29-03-2008, 12:57 AM

لـولا مهبلـنـا كلتـنـا المهابـيـل
حكمه / تونـي أكشتفهـا صحيحـه

يقول سالم بن عبدالله بن عمر بن الخطاب رضي الله عن الجميع :

" ليس عزيزاً من ليس في قومه سفيه "

فالمهبل وجودهم ضروري

صح لسانك أخوي عبدالرحمن بن دعس على هذه المدوية التي تقطر غضباً .

ملاحظة : الشطر الثاني من البيت أعلاه لم أُحسن قراءته بصورة صحيحة .

تقبل تحياتي

**معلومات** **العضو** · 29-03-2008, 01:06 AM

القمـه العليـا مـنـال المشاكـيـل=ولا الهزيـل يطيـح مليـون طيحـه

صـــــــــــــــح لسانك ياالشرافي علي القصيدهـ الطيبه

**معلومات** **العضو** · 29-03-2008, 03:02 AM

لاهنتو على كل حال اخواني على مروركم العذب وشكرا اخوي الكبير فراج بن فهد
وثني على اخوي زين

اكتب البيت اخوي فراج الله لا يهينك

وتقبلو احترامي العظيم اتجاهكم

اخوكم : عبدالرحمن بن دعــس

**معلومات** **العضو** · 29-03-2008, 03:09 AM

هلا بك أخوي عبدالرحمن

أقصد هذا الشطر كيف تتم قراءته :

حكمه / تونـي أكشتفهـا صحيحـه

**معلومات** **العضو** · 29-03-2008, 03:40 AM

مرحبابك اكثر اخوي فراج

حكمة و توني اكتشفها صحيحة

وتقبل احترامي

**معلومات** **العضو** · 29-03-2008, 03:48 AM

لاهنت ... كذا تمام

وبإنتظار جديدك

**معلومات** **العضو** · 29-03-2008, 04:08 AM

ولا انت اخوي فراج

والله لا يهينك على المرور

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية