ياليتنـا مـن حجنـا سالمينـا

[معلومات العضو عبدالله الحافر الغييثي]

من منا لايعرف البيت الذي صار مضرب مثل والجميع يتداولونه وهو البيت القائل ياليتنـا مـن حجنـا سالمينـا=كان الذنوب اللي علينا خفيفات رحنا نبي نخفف ذنوب علينـا=وجينا وعليها كثرها عشر مرات اليوم عندي قصة البيت و تعتبر من اروع القصص اللي سمعتها في التراث والشعر الشعبي هذا واحد اسمه بصري الوضيحي الشمري شاعر غزل وهزل يوم كبر وتقدم به العمر حس بالندم على شعره ومافيه من غزل ومن أمور هزليه فحدثته نفسه بالتوبه وعزَم على التوبه وقال لولده الكبير انا ودي اتوب وودي اروح احج عسى الله يغفر لي ويرحمني المهم نوى الحج هو وولده وتكلوا على الله وسافروا الى بيت الله الحرام يوم وصلوا مكة دخلوا الحرم وطافوا وجا بصري يبي يحب الحجر الاسود وكان عند الحجر زحمة شديدة يوم وصل الحجر كان فيه جنب الحجر امراة جميلة وكانت شديدة البياض وفارعة الطول يوم شافه بصري ضاعت اموره وبدال مايحب الحجر حب البنت البنت زعلت وقالت كيف تسوي كذا وانت بالحرم فجا ولده يبي يلملم الموضوع وقال تايه تايه يعني (مهذري ومخرف ) فقال بصري القصيدة يرد عل كلمة ولده ((يمكن الرواية وبعض الابيات تختلف شوي لأن القصة قديمة وتختلف الروايات بس هذا المشهور وبصري توفي عام 1250هـ )) التايه اللـي جـاب بصـري يقنـه=جدد جروح العـود والعـود قاضـي جينـا نحـب ونطلـب الله جـنـه=جنة نعيم ويـوم يابـس لحاضـي ياليـت كانـت حبتـي فـي معنـه=يوم العيون عن الخوامـل غواضـي يامن يعاونـي علـى وصـف كنـه=اشقـح شقـاح ولاهـق بالبياضـي لاريحـة قشـرا ولاهـي مصـنـه=ريـح النفـل بطمطمـات الفياضـي ونهودها للثـوب الحمـر شولعنـه=حمر ثمرهـن واقفـات غضاضـي والخـد ذابـح القـلـوب المـرنـه=براق مـزن لاعـج اللـون ياضـي ياليـت سنـي علـى وقـم سـنـه=بايـام مابينـي وبينـه بغـاضـي ايـام جلـد الذيـب عنـدي محنـه=نصبح وزرق الريش لهن انتفاضـي وا جـرح قلبـي جـرح واد وطنـه=غر المزون اللـي وطنـه وفاضـي والبيـض قبلـي محسـن عذبـنـه=ونمر على وضحى جرى له عراضي والبيـض كـم واحــد يبسـنـه=يبسة شماشيـل العـذوق النفاضـي عـزي لمـن غـر الثنايـا كونـه=واركن على كبـده كـوي عراضـي شوفـي بعينـي والخـدم يركبنـه=بنت الشيـوخ مخدميـن الفياضـي على اشقح من زمل ابوهـا مظنـه=ركبت عليـه اتشنطـح باعتراضـي بمشجر مـن سـوق هجـر مغنـه=على خياطه نـاب الارداف راضـي وين انت يامشفـي علـى طردهنـه=انا طويت رشـاي واقفيـت قاضـي احـد يطيـح بنـار واحـد بجنـه=وترى الحضيض اللي له الرب راضي يوم رجع بصري من الحج سألوه جماعته : هاه يابصري وشلون حجكم فقال بصري هذه الابيات التي اصبحت مثلا يضرب الى وقتنا الحاضر ياليتنـا مـن حجنـا سالمينـا=كان الذنوب اللي علينا خفيفات رحنا نبي نخفف ذنوب علينـا=وجينا وعليها كثرها عشر مرات الله يرحم بصري ويغفر له واعذرونا على الاطالة وارجو ان تنال هذه القصة اعجابكم وسلامتكم،،

 

 

 

 

[معلومات العضو برنسيسه الريــــاض]

قصــــــــه رائعــــــــه و الأبيات أروع ,,,,,,,,,,,,

يسلمــــــــــــــــــــــــو على الطرح............

 

 

 

 

[معلومات العضو محمد بن سالم الخضراني]

 

 

 

 

[معلومات العضو بروووق السحااايب]

تسلم على القصه الرائعه


وعلى المثل الي نردده بس ما نعرفه وش يقصد؟؟؟؟


موفق بإذن الله ... لك مني أجمل تحية

 

 

 

 

[معلومات العضو معجب الناهشي]

تسلم ياشيخ

ياحظ مدري ويش علمك وطاريك ******** لا من مشى رزق(ن) تعرضت دونه

 

 

 

 

[معلومات العضو ابومبخوت الدوسري]

بيض الله وجهك يابومطر على هذه القصة والقصيدة المشهوره ولاهنت بصراحة أنا سمعت هذه القصة مبطي ولاكن كانة القصة مختلفه لاكن والله أعلم أن القصة اللي جبت هي الصحيح تسلم يديك مبدع دائما" في كل حالاتك . تحيــــاتي وتقديــــري

 

 

 

 

[معلومات العضو دغش محمد الصخابرة]

بيض الله وجهك يابومطر على هذه القصة والقصيدة المشهوره ولاهنت


تحيــــاتي وتقديــــري

 

 

 

 

[معلومات العضو ابن شميعان]

لاهنت يابو مطر على طرح قصة والقصيده وعسى عمرك طويل

تحياااااااااتي لك

نايف ابن شميعان

 

 

 

 

[معلومات العضو متعب الشكري]

رحم الله بصري وغفر ذنبه






ولاهنت يابومطر على سرد القصه






والقصيده

 

 

 

 

[معلومات العضو ابو متعب 11]

رحم الله بصري وغفر ذنبه
ولاهنت يابومطر على سرد القصه
والقصيده

 

 

 

 

[معلومات العضو نايف الخييلي]

قصه ممتعه والوضيحي له العديد من القصص الجميله النادره والله يعفو عنا وعنه ,

والشكر لك يابو مطر على اختيارك وسوالفك الجزله

 

 

 

 

[معلومات العضو محمد بن حمد الشكرة]

لاهنت يابو مطر على القصيدة والسالفة وانا خابر ذا السالفة من مبطي ومااقول الا عسا الله يرحم الشاعر ويعفو عنه

 

 

 

 

[معلومات العضو عبدالله الحافر الغييثي]

لاهنتو جميع
وشاكر ومقدر لكم تواجدكم
ولكم مني ارقى التحايا

 

 

 

 

[معلومات العضو ابو عمر الشمري]

المشاركة الأصلية كتبت بواسطة خميس مطر الغييثي

وله ايضا من الطرائف الكثير مثال كذلك قصيدته بمجلس الشيخ بنيه يوم يتمنى قال: ابا اتمنى كان هـي بالتمانـي=صفرا صهاة اللون قبّا طليعـي وسروال تومان ومثل الشطاني=ومصقل ٍ مثل الثغب له لميعي ابي ليا لحق الطلب له غواني=والخيل معها مجول ٍ والدريعي أردها لعيون صافي الثمانـي=بيض النحور مهلكات الرضيعي قدام شمر مثل زمل الصخانـي=اللي يخلون المخالف يطيعـي فتمنى فرس الدريعي بن شعلان وبالفعل غزا مع الشيخ بنيه على الدريعي ويوم بدت المعركه انحاش بصري ويوم انتهت المعركه جاء يمه بنيه قال ليه يابصري انحشت قال: انا بلايه لابسيـن القطانـي=اللي يخلون المخالف يطيعي فوق قب ٍ مكرمات سمانـي=يشدن شياهين تخطّف مريعي فهزأه الشيخ بنيه وامره بغسل فرسه امام شمر وكذلك قصيدته بزوجة بن خلبوص يوم اشتهرت بالجمل فأراد شوفها وراح واحتال على بن خلبوص على انه يبي يغزي معه يوم ابعدو عن البيوت وهو يضرب رجل الناقه بمخيط قال بن خلبوص ارجع لاهلنا وحنا نبي نجيكم انشالله يوم رجع بصري للبيت وهو يقصد على مسمع زوجة بن خلبوص يبيه تطلع ويشوفه قال بصري ما تنشدن وش عوقن عـن طريقـي=اللي منعني من مرافق هل العـوص عنق الغزيـل عنـد هـاك الفريقـي=كامل وصوف الزين والوسط ممهوص طرفه علـي مـع النضايـد تويقـي=لونه يشادي بيضـة لـه ببرخـوص لكنه ماطلعت له يوم رجع زوجه ارادت ان تحرج بصري قدامه قالت يابن خلبوص انشد بصري وش قال عقبك قال بن خلبوص وش قلت يابصري فتدارك بصري الموضوع وقال حليلة اللي حاجبـه مـا يضيقـي=لي هجة القطعان والزمل مرصوص حليلتـه مـا تلتفـت للعشيـقـي=ماله بغيرك رادة يا بـن خلبـوص

 

 

 

 

[معلومات العضو عبدالله الحافر الغييثي]

ابوعمر لاهنت على تزويدنا بالابيات واسحلي على التنسيق تسلم وتدووووووووووووووووم