محاورة قوية (ترى راعي الساحل يعرف الرطوبة)

[معلومات العضو راشد المسعري]

السلام عليكم ورحمة الله وبركاته

محاوره من اجمل المحاورات الشعريه كانت في حفل زواج السامر عام 1415هـ 0


بين الشاعر / حبيب العازمي العتيبي ، وبين الشاعر / عبدالله بن شايق القحطاني




حبيب
سلامي على ال سعود وضيوف ال سعود && سـلام ٍ بمسـك ورد نسمـة هبوبـه
وطنـا واهله منبـع العـز والـجـود && ودحر المعـادي كـان شبـت شبوبـه

بن شايق
انـا بالنيابـه قمـت والخيـر ماجـود && على ذكـره اللـي ضيفهـم رحبوبـه
بلدنـا مجندنـا وحنـا لــه جـنـود && على السلـم سلـم وللمشاكـل عقوبـه


حبيـب
ترى العاقل اللي يعرف النقص والـزود && قبل لا يعـرف الـدار يـعـرف دروبـه
بذلنا على وضح النقـاء كـل مجهـود && لكـن انـت لابـدك تلاقـي صعـوبـه


بن شايق
ترى العاقل اللي ياخـذ الحـق بشهـود && ونفسك على الطرقه مهيـب مغصوبـه
ليا صـار فالميـدان حـاوي ومـردود && انا اصل العرب واصلي يعرف العروبه

حبيـب
ليا قلتهـا قلـتلـك مانيـب محـدود && ولكـن داب الغـار ينـفـخ ذروبــه
زمان مضى والناس طـارد ومطـرود && كثير العـرب ناخـذ شماغـه وثوبـه

بن شايق
توقـع تـرى فاللعـب نـار ٍ وبــارود && وراع العيوب اصـد ماكشـف عيوبـه
انا اقـول ليـلن قربـك جعلـه يعـود && وانـا خـابـر ٍ قلبـك يحسـب ذنوبـه

حبيـب
رصاص المقمع صفـر مافيـه عبـرود && ولايشفـي الغازيـن لو حاربـوبـه
وانا اقول صعبه طقـت العـود بالعـود && ولكـن حاسـب والعلـوم محسـوبـه

بن شايق
كثير العرب لو مـات ماهـوب مفقـود && وانا يوم جيت السوق شفـت الجلوبـه
اشهـد عليـك احمـد وحـمـاد وحمـود && انـاديك وانـت تصـد منتـه بصوبـه

حبيـب
ياراع المنيحـه ردهـا لاخـر الـذود && تبـا تحتلبهـا ميـر جتـك محلوبـه
زمان الهوايل يجمـع البيـض والسـود && ودوب الهوايل جاك والوقـت دوبـه

بن شايق
ياويلك من اللي صار والبـاب مسـدود && ترى راعي الساحل يعـرف الرطوبـه
انا لي يميـن وديـن ووعـود وعهـود && لاقـوم اتعجبـك واحطـك عجـوبـه

 

 

 

 

[معلومات العضو فيصل ضيف الله الكبرا]

الله لايهينك على النقل وختيارك الرائع تقبل مروري

 

 

 

 

[معلومات العضو راشد المسعري]

ارحب يافيصل

غريبة إنك مارديت عليهم ههههههههه

خابرك تعطي على الملاقا جبة

حبيت امزح معك طال عمرك ولاهنت على التواجــــد المميز

تقبل ودي وتقديري ،،،

 

 

 

 

[معلومات العضو فيصل ضيف الله الكبرا]

ههههههههه ابوشالح ماقصر مسكنا الباب

 

 

 

 

[معلومات العضو شافي بن راشد النتيفات]

لا يافيصل ماعاش من يمسكك الباب لكن التنظيم مطلوب الله يعافيك

لاهنت يابومحسن على النقل المميز

 

 

 

 

ياراع المنيحـه ردهـا لاخـر الـذود && تبـا تحتلبهـا ميـر جتـك محلوبـه

مربط الفرس و لكاعت شاعر .

لاهنت ع النقل

 

 

 

 

[معلومات العضو مبارك بن شافي النتيفات]

الله يعطيك العافية على النقل الرااائع لشاعرين مميزين

دمت بحفظ الرحمن

 

 

 

 

[معلومات العضو راشد المسعري]

أرحبو بدون استثاء

تقبلوا ودي وتقديري ،،،،

 

 

 

 

[معلومات العضو طويق الثقيل]

محاورة وزنها ثقيل بين عملاقين,,,لاهنت ع النقل

 

 

 

 

[معلومات العضو بخيت الغييثي]

الله يعطيك العافية على النقل الرااائع لشاعرين مميزين تقبل مروري

 

 

 

 

[معلومات العضو محمد راشد النتيفات]

لاهنت يابومحسن على النقل المميز

 

 

 

 

[معلومات العضو ابو زابن المسعري]

لاهنت على النقل المميز

محاوره بين شاعرين كبيرين حبيب وبن شايق

وعلى ما اعتقد انها اول واخر محاوره بينهك