ماهوب انا اللي لخاطر فلان وفـلان=اتـرك حياتـي للبـشـر تختبـرهـا

[معلومات العضو براك السديري]

يحق لي أحـزن بترتيـل الاحـزان
دام القوافـي حزنـي اللـي نثـرهّـا
من عالم ٍ يسلب سعـادات الانسـان
وناس ٍ تجافينـا .. نعيـش بكدرهـا
من دنيتن ٍ كلـه غرابيـل وأشجـان
وآآآآآيام خانه ليلهـا مـع قمرهـا !
وسيوف ماتظرب على الحق من شان
بعض النفـوس الظالمـه ماتخسرهـا
كم من جريح ٍ يخفي الجرح مابـان
والوقـت بيّـن علـتـه ماستـرهـا
وكم من رفيعٍ عايش الهـم كتمـان
حتى الزمان أفشى الهمـوم وقهرهـا
يعني حقايق حاضر الفرح بهتـان ؟
نخفي ورى البسمه طعون أش كبّرهـا
اوقات نطـرب لسعـاده والا الحـان
وحنا ضمايرنـا الهجـوس تعصرهـا
ماف المحبه غير ( غادر ) وخسران
ومافي الغرام الاجروووح أش كثّرهـا
ماهو ظروري نتبع أنسان خـوان !
والعيـن تهـدي للعبـايـر نهـرهـا
وماهو ظروري نجرح القلب من شان
نحيي شعـورٍ تنطعـن فـي نحرهـا
وماهو ظروري نعطي بغير حسبـان
مـن مايحسّـب لليالـي / سهرهـا؟
وكان المشاعر ماتجي كـل الاحيـان
طوع الظنون الّي خفوقـك زجرهـا !
"أظرب على الكايد اليا صرت بحلان "
واسمع صدى صوت الضمير بدررهـا
من مد كفه " للولي " شاف برهـان
ومن كـف كفـه ذاق لوعـة قدرهـا
ياذا الغرام اللي عطا الغـدر بجنـان
وأهـل الشعـور الصادقـه ماعذرهـا
قل للجراح اللي سقت روح ضميـان
وادمت ضما نفسـك وجابـت خبرهـا
ونارن كوت في داخلك الف شريـان
حتى تطايـر مـن عيونـك شررهـا
انا هنا .. ما أقبـل أنـذل وأنهـان
آطى على حلـك الظـروف وعسرهـا
ماهوب انا اللي لخاطر فلان وفـلان
اتـرك حياتـي للبـشـر تختبـرهـا
أنا الوفاءفـي داخلـي نحـت فنـان
على جبال ٍ كبـر "سلمـى " حجرهـا
ولو دارت الدنيا على مـر الازمـان
تبقى المشاعر صادقـه فـي نحرهـا
وأبقى أنا وطويـق النجـم جيـران
اكتب حروفـي .. والبشـر تعتبرهـا



مخرج





(( مابه صدوقن طول الايام شاري
ولافيه شرايّن على طول الايام ))


اخوكم بـــــــــــــــــــــــراك السديري


م ن

 

 

 

 

[معلومات العضو ابو فهد الغييثي]

صح السانك وعتلى شانك

قصيده رائعه وجزله

تحيااااااااااتي

 

 

 

 

[معلومات العضو أبن جلوي الشكرة]

(( مابه صدوقن طول الايام شاري
ولافيه شرايّن على طول الايام ))

موجود يا براك السديري
لاكن وانا اخوك انتبه من المظاهر
ونعلم غيرك ... منك نستفيد يابراك

القصيده كلها درر في درر جزله وراقيه من رقي صاحبها
وتعبير عن ما في نفس الشاعر
لاكن مثل ما قلت
أظرب على الكايد اليا صرت بحلان " واسمع صدى صوت الضمير بدررهـا

ومثل ما قال السديري محمد الأحمد
والرجل لا شطت لياليك سجها ,, عسى تواليها تبشر بالفراج



شاعر اطربنتنى وحركت ما في داخلى من ما عانيت
وفي انتظار جديدك المميز

تحياتي وتقديري

 

 

 

 

[معلومات العضو شافي القويسي المخاريم]

يعطيك العافيع على النقل
لاهنت
تحياااااااااااااتي

 

 

 

 

[معلومات العضو بنت الشايب]

صح لسانك اخوي

دمت بوود

 

 

 

 

[معلومات العضو ابو سلطان الشكرة]

الامير محمد السديري رحمة اللة يقول بالملك فيصل طيب اللة ثراة
اضرب على الكايد ليا صرت بلشان ,,,,,,,,,,,, وعند الولي وصل الرشا وانقطاعة

 

 

 

 

[معلومات العضو عقاب]

المشاركة الأصلية كتبت بواسطة ابو سلطان الشكرة

الامير محمد السديري رحمة اللة يقول بالملك فيصل طيب اللة ثراة
اضرب على الكايد ليا صرت بلشان ,,,,,,,,,,,, وعند الولي وصل الرشا وانقطاعة

الامير محمد السديري قال بالملك فيصل
اضرب على الكايد ولانيب ناهيك .......... وسجل عظيمات المكارم بدنياك
اما الشطر الثاني الذي ذكرتة ( وعلى الولي وصل الرشا وأنقطاعة ) فهو من بيت لقصيدة للامير خالد السديري والشطر الثاني منة هو معبودنا الي رفع العرش ترفيع , ومطلع القصيدة هو
ودعت من لارغبتي في وداعة ........... والعرف بين الناس وقفة وتوديع.

 

 

 

 

[معلومات العضو محمد الولامين]

براك السديري لا هنت على ماقدمت


وصح لسااانك مليااار


في انتظار جديدك