ياسيد املوك الجزيرة سلامات ..

[معلومات العضو الجـــــــــآدل]

السلام عليكم ورحمة الله وبركاته ..

اتمنى ان تنال هذه القصيدة على اعجابكم

لكل من ينادي بثورة حنين او من يتبعها دون التفكير في ابعادها او من يقف خلفها اقول له الوطن غالي علينا ومليكنا غالي على قلوبنا فلا نتبع مهاترات زمرة حنين !

في مملكتنا موج خير ومسرات = من عودة اللي قد ذبحنا غيابه
الوالد الغالي زبون الثقيلات = مليكنا اللي نحترمه ونهابه
الحمد للمولى بديع السموات = اللي شفاه من المرض واعتنى به
ياسيد املوك الجزيرة سلامات = سلامتك ياستر نجد وهضابه
في غيبتك ندعي بكل الدعوات = والله كريم وخصنا بالأجابه
ندعوه في كل الأمور المهمات = يشفيك ويردك لنا بالرحابه
ياسيدي حنا بناتك ليا جات = الغائبه درب الخطر مانهابه
وارجالنا وقت الأمور الشديدات = شيبانه اتدوس الخطر مع شبابه
نجدد البيعه لحظرتك مرات = لا تشغلك زمرة حنين وهبابه
أهل الفتن متعددي الديانات = مامنهم اللي طاهرات ثيابه
ماعندنا إلهم غير مقبرة الأموات = ندفن اثرهم كن مااحد درابه
اقولها بأسمي وبأسم العفيفات = وتقولها عنا قبيلة عتابه
من غير قاصر فى رجال المروات = والشعب كله دون سيف وحرابه

وسلامتكم

اللهم احفظنا بالأسلام وعزنا بالأسلام

واحفظ وطنا ومليكنا

الجــــــآدل

 

 

 

 

[معلومات العضو دغش بن حمد بن منصور]

وش ثورة حنين !!!! اول مره اسمعبها ؟

حنا ثورتنا ثورة حب وغلا الله يديم الامن والامان ويطول عمر ابو متعب ويلتفت للشعب الله يحييه وللبطاله ولاهل الابل ههههههههه

صح السسانك والله يعطيك العافيه يالجادل ابدعتي بحق ,, تحياتي

 

 

 

 

[معلومات العضو شافي بن راشد النتيفات]

يعطيك العافية وصح لسانك ملايين
والله يحفظ بلدنا وقادته

 

 

 

 

[معلومات العضو محمد العبداللطيف]

صح السانك ...ابدعتي قصيده قمه ...

 

 

 

 

[معلومات العضو مبارك بن شافي النتيفات]

صح لسانك يالجادل وعسى الله يحفظ ابومتعب

تحياتي وتقديري

 

 

 

 

[معلومات العضو ابو شبيب ال بريك]

صح لسانك ولا هنتي اختي الجادل

ويستاهل الوطن واللهم اعز بلادنا بالدين امين

 

 

 

 

[معلومات العضو فهد فارس الصخابره]

الله وكبر عليك مبدعة وصح لسانك
والله يحفظ لنا وطنا وقادتنا
ويكفينا شر الفتن