إلى عنده قوة ملاحظة ؟؟

[معلومات العضو الشـيخه]

إلى عنده قوة ملاحظة؟؟ وش الغريب إللي تلاحظونة في هذه القصيده..!؟ دققوا جيداً يوجد بها شيء غريب..!!

اول كـلام الله عــلام الاســرار= العالـم الاول علـى كـل معهـود
له السما مع الوطـا وكـل = و له الملا ركـاع والكـل مـردود
الواحـد المحـمـود لـلـدور دوار =امره مطاع وكامل الصـح حاصـود
سلط عصى موسى على كـل سحـار= وأوصى المسامع كلهـا لحـس داوود
درس المـدرس للمـلا در محـار=والدارس السامع له العلـم ممهـود
حلو الكـلام لمسمـع الكـل هـدار =حامـل دروس وحللوكـل مـورود
وطعم العسل على السحل هد الامرار= كاس الحلى مع واله الطعم مـردود
ولم السطور وسطرهـا وحطها عـار= على معـد الطلـح لاصـار لاهـود
دار الدهر لاهل الوطا وللعلا سـار= دام المسامـع مالهـا حـكـم رادود
المـدح وارد للهوى مهـو محـدار =واحمل مـوده دوم لمسلهـم السـود
واهل المـوده والهـوى دوم سهـار= الكل سارح ماعـس الهـم موعـود
لولا الهوى مارح حلو الكرى وطار =ودمع المدامع والسهر مالـه حـدود
حوى وكاد سهوم سـوده لهـا كـار= والاسر صار لكامـل الـدل ماكـود
ولد الملوح دمـره حسـم الاعمـار =وللروح طالع سلـم الهـم صاعـود
عصر الاحد مر المولع على الـدار= سلم وعدى والامـل صـار مـردود
دار الحوار ومـد للـروح مسمـار= مسمار هم الـدور للـروح ممـدود
صار الوداع وهل دمعه كاالامطـار= كما المطر لاهل مع حـس راعـود
معصوم وحدود الموده لهـا اسـوار= وسور الموده والهوى ماهو مهـدود
وصلوا على المرسل عددكل ماسـار=على الرسول اعـداد ماعـد عـادود

انتظر اجاباتكم ..

 

 

 

 

[معلومات العضو نايف الخييلي]

القصيده لايوجد بها حروف تحوي نقط او نقاط

ظني هذي الملاحظه على القصيده

 

 

 

 

[معلومات العضو تغلبي-الكويت]

السلام عليكم




صحيح القصيده مافيها ولا نقطه

 

 

 

 

[معلومات العضو الملك الادريسي]

قصيدة جزلا يا الشيخه تستاهلين كل خير واضح الغريب

وهذا راس بيت مثل ما اوردتي



اسمك ورسمك والمدامع حورا **عطا حر رسمك اسم ولا صورا

 

 

 

 

[معلومات العضو بدر ابن نايف]

السلام عليكم

اتوقع مثل ماقالو الربع القصيده مافيها نقط

صح الله السانك والسان شاعرها

ولاهنت على جهودك الواضحه

تقبلي


تحياتى

 

 

 

 

[معلومات العضو ابومبخوت الدوسري]

انا مع الربع في الملاحظه وأيضا" البيت هذا داخل على القصيده

لـه السمـا مـع الـوطـا وكــل =و له الملا ركـاع والكـل مـردود

 

 

 

 

[معلومات العضو عقاب بن هذال ال بريك]

اول شيء صح لسانك ولسان شاعرهآ ..

ثاني شيء أوافق رأي ابو مبخوت !!

كل الود !!

 

 

 

 

[معلومات العضو ابو عمر الشمري]

والله مانتبت ,, لموضوع الحروف فعلا الشوف بالقلب

 

 

 

 

[معلومات العضو مسعود الدوسري]

اول شي لك كل الشكر

وصح لسانك ولسان شاعرها

وثانيأ انا لي ملاحضتين على القصيده

الاولى 00 القصيده بدون نقط

والثانيه 00 كلمة 00 كل متكرره في القصيده عدة مرات

ولك فائق احترامي

 

 

 

 

[معلومات العضو دانة المحار]

ما شاء الله القصيدة ما بها حرف فيه نقطة
يعطيج العافية