ابن جدلان

[معلومات العضو النديب]

لســان حالـكم يقــول : ( ياقدمـــه )





انـــا بحكـي لكم قصــه حب غير عاديـــه ابداً طرفهــا الاول الشاعر : سعد بن جدلان
والمعــروف لايعرف .!
وطرفها الآخـــر : جميلـــه




سعـد اكتوى بنـــار فراق جميلـــه بعـد سنوات من العشق !

( يقــال ) ان والد جميلـــه كــان السبب في فراقهمــــا
( ما اعرفـــه ) ان سعـد ( سطر ) اجمل قصائـد الغزل في جميلـــه


بعـد الفراق قــال سعـد مخاطبــاً جميلـــه ووالدهــا او ( المداوي ) كما وصفـــه :

كل دارٍ ارجعـت وانـــا سناوي
عزتي للي سواتـي عزتي له

زادت الحمـى ورحنـــا ( للمداوي )
( والمداوي ) زود الحمـى مليلــه

ياجميلــه قام يطوي الحــال طاوي
واللـه ان كبدي على شوفك عليله

سجليني في بحــر حبك فداوي
انــا (مجنونـك) عقب مجنون ليلـى


وبعــد ان ( اضنـــاه ) الشوق وتقطعـت ( سبل ) الوصال قـــال :


انـــا وين ابلقى يالاجاويــد فاعل خيــــر
حريصٍ على سر المحبين لأرسلتــــه

من اول لو اصبر عــام مابان بي تأثير
وهالحين حتى صبــر يومين ما احتلته

صغيرٍ بسنــه مير عندي ماهوب صغير
يامغلاه في قلبي وياكبــر منزلتـــه

وقال :

آه ياقلب ياللي دايـــمٍ في ذهــول
واللـه انه ثقيلٍ لين جوه الثقـــال

كان (قدمي) حدٍ بالحب راح مهبول
والله انه خطيرٍ لايجيني هبـــال !

والذي ليلـة الاسرى عرج بالرسول :
ان حبـه لحال وحب غيره لحــال !!



( الحب عذاب ) :

ياوليفي لاتسويبي كذيّا
الخطايا لاتلحقها خطايا

مايبور بصاحبه عقب البغيّا
كود ناسٍ مالها بالله عنايا

كل شيٍ أعمله كود الجفيّا
الجفا يزعل وسيعين النهايا

ثاني سنــه فراق :

عامين والحال من فرقاك ملاّفه
لوف أشهب الال عشبٍ نبته أدقاقي

كمّ ليلةٍ من سببك العين ذرّافه
من غيبة الشمس لين الصبح ينساقي

فأدخل على امّك وأبوك من التزلافه
تبتنّي بالعذاب وتقطع أرزاقي .!


ثلاث سنين .. غايبين .!

ويش أسوي ياعيون الوحش عنق الغزال
لاحصل طاريك يفتح على قلبي أرواق

لي ثلاث سنين بين الحقيقه والخيال
وأخر اشهر ذ السنّه تكمل الرابع غلاق





حتى في العيــد لم ينسى جميلــه .. وخامس سنــه فراق !!

عيد الله عليك يعود يالمستكا والعود
اهنيك جعل الله بشوفك يهنيني

عيدية ضمير حط فية الفراق لهود
أجامل على الأنظار والهم طاويني

أجدد مع ذكراي عقب الغياب عهود
وأناو الله اني داري ما انت ناسيني

مواثيق خمس السنين ياناسع المردود
ويجيبها جزيل الشك من بينك وبيني

ولو كرهوا لحساد واهل القلوب السود
معزتك في قلبي وقدرك على عيني

محبتك عندي كل ليل ويوم تزود
تزيد وتجدد دام انا وانت حييني

ولو طولت فرقاك قلبي رعاة الدود
فخطر علي ادخل شهار المجانيني .!

مشكلــه اذا كنت تحـب وما فيــه احد يحس فيــك
اسمعـوا ابن جدلان وش يقـــول :


الا يارسولي بلغّه ماقدرت أجيه
سلملي عليه وخذ سلامه وعطنياه

لاقالو تحبه .. قلت : ماعادني بأبيه
وأنا أشفق له أشفا من سقيم المرض لدواه !!

أقوي عزومي كن ماعاد عندي فيه
وأنا والله انّي مونسٍ البلا وأكناه !





في احد المرات ( كسرت ) ساق ابن جدلان فقيــل لــه ان جميلــه ( تنشـد ) عنـــه
فقــال :

ياللي على شان معكازي تبيـن لـي
رجلي على حالها وانا علـى حالـي

والكسر ما هوب في رجلي علي كلي
وانت السبب في الغرابيل اول وتالي

تكفي مراسيلنا العجـلات يـا خلـي
عن مخذ الاخبار والا شوف الازوالي

قلبي وقلبك توصل لك وترسـل لـي
والله انها اشد من موجات الارسالـي

خلوني اسج عن موضوعه احسن لي
والا الغلا.. والله ان يبطي هو غالـي
الحب ( اقشـــر ) اسمعــوا :

مدري متى تقدرين المشي يارجلي
حتى لامنّي بغيت اللازم أنهج له

أمرّ راع العيون النعّس النجلي
الليّ لذا الحين وجروحي منه وجله






ياشينهــا .. اذا كان الخيـــار : موتـــك

يامرحبا يادهر قلبي ورجعانه
ابكي لقربك وبعدك مني يسنيبي

يابو عيون بخمر الحب سكرانه
ياجرح قلبي عليك ويافري جيبي

دامت حياتي وموتي عندك ارهانه
الموت اريح لي من قهري وتعذيبي

والا اركزي فوق حيد القبر ريحانه
واقضي علي ياجميله مافعلتي بي

والا اوقفي وقفة الوافي لديانه
واعاملك لين نمشط روسنا شيبي

والله مايشفي غليل القلب واحزانه
الا سجود السهو بين التلابيبي !

والا ليا راح ابوي يخلص اثمانه
والا يصك الشبيري في عراقيبي

مالك الا الدعـــــاء :

لعل ربٍ جمــــع يوسف ويعقوبي
يلمني مع وليفي واتهنــابه

اللي من اجله ماغير احسّب ذنوبي
والقلب كن الدعا الحنان يرعابه .!
انتهـى الموضوع .. ولم تنتهي قصائد ابن جدلان في جميلــه
فالقـــادم مذهل اكثــــر .!
[ ان اصبت فمــن اللــه وان اخطــأت فـ مني ]
منقول والله اعلم

 

 

 

 

[معلومات العضو مبارك بن شافي النتيفات]

صح لسان ابن جدلان ولسانك يالنديب

ولاهنت على النقل

 

 

 

 

[معلومات العضو عقاب بن هذال ال بريك]

مرحبابك أخوي النديب وصح لسانك ولسان الشاعر الكبير أبن جدلان !!

مقتطفات جزله من شعر ابن جدلان أهنيك على هذا الاختيار !!

لكن لتوضيح :

قصة وقصيدة (( جميله )) فهي ليست كما تظن <<< فالمعنى في هذه القصيده هي (( الزقاره )) ,,

 

 

 

 

[معلومات العضو شافي بن راشد النتيفات]

صح لسان ابن جدلان ولسانك يالنديب

ولاهنت على النقل

 

 

 

 

[معلومات العضو برق الدواسر]

صح لسان ابن جدلان ولسانك يالنديب

ولاهنت على النقل

 

 

 

 

[معلومات العضو النديب]

يعطيكم العافية على مروركم وتستاهلون وان اصبنا فمن الله وان اخطأنا فمن انفسنا والشيطان

 

 

 

 

[معلومات العضو عبدالله الخطل]

لاهنت على القصيده الطيبه