قصيدة الشريف عمرو بن راجح الشنبري في الدواسر 1212 هـ

[معلومات العضو محبكم الدوسري]

قصيدة الشريف عمرو بن راجح الشنبري

قصيدة الشريف:عمرو بن راجح الشنبري،
بعد هزيمة الأشراف على يد الدواسر بعد أن أجاروا ابن مطرف ،
وقد أورد ابن بسام أنها حدثت في عام 1212هـ.

الله لايسيك يومٍ على ورا تين
يومٍ غدينا يا شجيع به اقطاع
جانا الدواسر مثل وردٍ محيمين
كلنا لهم بالمد فأوفوا لنا الصاع
يا شيب عيني يوم قالوا عقالين
ود الذليل أنه تراب مع القاع
حطيت بالرجلين زين التوامين
ووسطتها من بينهم تقل مزّاع
والخيل مثل مغلشات الشياهين
والقلب من كثر المثارات يرتاع
نبي نرد ولا اودعونا الوداعين
ربعٍ تحب القتل ما هوب الأطماع
يا شوفة الله ليلة الغزو ملفين
لو تجمع الستين عشاهم الصاع
لحقوا على مثل الرياح البدارين
ويا ما وطوا منا على صحصح القاع
يا فضحنا في لا بسات السباهين
اللي يديرنّ الشويرع بالأصباع
والأشراف لانوا عقب ما كان قاسين
والشق ما يرفيه خمسة عشر باع

 

 

 

 

[معلومات العضو ابومبخوت الدوسري]

اولاً ارحب بك ترحيب ما له حد

والله يحييك في منتداك ومحلك

واتمنى لك قضاء اجمل الاوقات وامتعها

ويعطيك العافيه على النقل الطيب ولاهنت


تقبل تحياتي وتقديري ,,

 

 

 

 

[معلومات العضو محبكم الدوسري]

ارحب واسهل اخوي الغالي ابو مبخوت
المهلي مايولي
المنتدى ما شاء الله شامخ بادارته واعضائه ومشاهديه
واتمنى ان اتعلم الكثير من اخواني واخواتي , مع محاولة طرح ما نستطيع لخدمة الجميع .
ان شاء الله