بدعت المثايل والمثايل لها بيبان (( قصيدة للشاعر/ شلعان بن ظافر الودعاني الدوسري ))

[معلومات العضو عبدالرحمن الشرافي]

بسم الله والصلاة والسلام على رسول الله



أضع بين ايديكم هذه القصيدة المشهوره

للشاعر الكبير / شلعان بن ظافر الوداعين الدوسري (( رحمه الله ))


يقول فيها

بدعت المثايل والمثايل لها بيبان = الى فتحت بيبانها حاك ما فيها
على القصد والمقصود بعدل القيفان = عسى راعي البل عند ذوده يغنيها
يغني بها في خايع ٍ عله الودان =بذيك النفود اللي عسى الغيث يسقيها
تهشم ربابه من طريف ٍ الى نجران = مداهيل عوج السيق ربي رضا فيها
تشوف الخزاما والشقاري مع المكنان = تخالف زهرها ساكنات ٍ ذواريها
تكبر قياع الرمث من زاهر الحوذان = كساها ولي العرش واحسن كساويها
مداهيل حلوات اللبن خلقة الرحمن = مجاهيم سود ٍ خالق الكون مسويها
مجاهيم جاذبها الفحل والوجيه زيان = وساع ٍ مرافقها طوال ٍ خطاويها
جليلات عظم الساق مرفوعة الحجبان = طوال الرقاب مشرهبات ٍ اذانيها
عراض الخدود اللي تماري بها البدوان = كبار الفقار موسعة صدر راعيها
مجاهيم رمليات لخشومها نيشان = ترافض بلادمها حداد ٍ نواصيها
هوى القلب خطوى نايفه والضلوع متان = تجي باالحلا والزين وترد به فيها
كبيرة مزر الورك فجحامن السيقان = تخنطل قوايمها كبار ٍ مواطيها
تمايح بذيل ٍ مثل دراهة الغـّران= نهار الطرب هذا لهذا يوديها
لها غارب ٍ متقدم ٍ شامخ ٍ مليان = يدافر حباك العيز والعيز حاليها
وساع ٍ منادغها من الزور للكيعان = بها كل شي ٍ زين والملح غاشيها
طيوح ٍ تحذف اشنافها واسعة بيعان = فروع ٍ فتون البيد عسم ٍ ايداديها
ولا رايعت كن المعنق على رمان = تعوجه من العانق خفوق ٍ لواحيها
سنود ٍ من الغارب فسيحه من الذرعان = عسى ربنا من شر خلقه ينجيها
والبل تراها السود والصهب ياالضفران = وشقح ٍ سواد اذيالها فاصل ٍ فيها
انا حب شوف الوضح وضاحة الالوان = مغاتير من جلد الوضيحي تحاليها
مغاتير جذابات ومكحلات اعيان = جميع الوصايف كلها كامله فيها
مغاتير فنس خشوم فيها الدريعي يان = عرانينها وشعوفها فاصله فيها
مغاتير معروفات وطبوعن زيان = على الصوت تبغي راعي الصوت يدعيها
الى شفتهن رتوع في خاطي الجيان = تشادي القنوف المرسيه بامر واليها
مغاتير لامن سمعت الصوت والدندان = لاكن الذيابه تهتوش عندتاليها
مغاتير لا غنى المغني على عليان = ضربها السطر لا صاح بالصوت راعيها
الى جلعت لاكنها شرد الغزلان = وراها المفرد يابسات ٍ علابيها
الى من ذعرها الصوت واستولت الميدان = يقوس ذرايب عجها من سماريها
ركد عجها من سجها والجرس رنان = تجي ذي مع هاذي وهاذي تباريها
{ترى البل فرح وسرور من خلقة الانسان } = { عسى الله يبور بواحد ٍ باير ٍ فيها }
كنوز البداوه منقذة راعي البستان = موارث جدود ٍباشهب الملح تحميها
مداخيلها عسره على بايع الرمان = ولا تصلح البل كون في مرح اهاليها
حلا ماحلا مرواحها تجذب الحيران = الى اقبل غروب الشمس والليل ضاويها
على بيت من هو يكرم الضيف والجيران = عشير النشاما كل ما حل طاريها
عسى من يسوق المال في غالية الاثمان = يبارك له الرحمن فيها ويذريها
انا قلتها وادخل على الله من النسيان = مع الناس صفر وزرق ماني بناسيها
وحمر ٍوشعل ٍتختلف بينها الالوان = الى تاه فيها الوصف تعرف باساميها
ترى البل تعز الرجل تكفون ياالشحعان = حرام ٍ عليكم تركها والطمع فيها
وصلاة ربي عد ما لاح برق وبان = بسود القنوف اللي غلاظ ٍ مثانيها
على الهادي المبعوث بسنه من الرحمن = شفيع امته لا نوديت بامر واليها

للشاعر / شلعان بن فهيد الودعاني الدوسري



وسلامتكم




تحياتي..


أخوكم / عبدالرحمن الشرافي

 

 

 

 

[معلومات العضو الموحد]

مراقبنى العزيز

عبدالرحمن الشرافي

لاهنت ولاهان غاليك على نقل هذه القصيده الجميله

لشاعر الفحل في حرش العراقيب

 

 

 

 

[معلومات العضو العماني]

الله يرحم الشاعر الكبير شلعان بن ظافر ويسكنه فسيح جنانه واموات المسلمين

ولاهنت اخوي بوسالم على نقل القصيدة النادره

تقبل تحياتي،،

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة الموحد

مراقبنى العزيز

عبدالرحمن الشرافي

لاهنت ولاهان غاليك على نقل هذه القصيده الجميله

لشاعر الفحل في حرش العراقيب

ولا انت يالغالي

وبيض الله وجهك

تحياتي

 

 

 

 

[معلومات العضو حمد دخيل الودعاني]

{ترى البل فرح وسرور من خلقة الانسان }={ عسى الله يبور بواحـد ٍ بايـر ٍ فيهـا }
كنـوز البـداوه منقـذة راعـي البستـان=موارث جـدود ٍباشهـب الملـح تحميهـا
مداخيلهـا عسـره علـى بايـع الرمـان=ولا تصلح البل كـون فـي مـرح اهاليهـا

رحــــمــة الــلـــــه عــلــى
الـشـاعــــر / شــلـعـان بـن فـهـيـد الـــودعـانـي.

لاهنت ياعبدالرحمن الشرافي
على نقل قصيدة تعتبر من اجمل القصايد
في وصف الابل (عـــــطايا الـــلـــــه)


تـقــبـل تحـياتــــي

 

 

 

 

[معلومات العضو يحيى الودعاني]

تسلم يمناك على النقل الطيب

وبيض الله وجهك

الله يرحم الشاعر شلعان الودعاني

 

 

 

 

[معلومات العضو طالب المجد]

الله يرحم الشيخ شلعان الودعاني وبيض الله وجهك يا الشرافي

 

 

 

 

[معلومات العضو ابومبارك الدوسري]

مرقبنا الغالي// عبدالرحمن الشرافي

مدخـل .. جمـيل
و إختــيار .. جـزل .. و رااائـع
تسلم الآيــادي
على .. إبـداعك .. الدااائم
و روعــة .. حضورك

لك الود

خلف الدوسري

 

 

 

 

[معلومات العضو راعي الصره]

اخوي عبدالرحمن عندك خطا في البيت الاول الي فتحت بيبانها حاك مافيها وهي جاك مافيها

 

 

 

 

[معلومات العضو قناص الرمله]

بسم الله الرحمن الرحيم

اخوي عبدالرحمن الشرافي بيض الله وجهك والله لايهينك.

والله يرحم ابوفهيد وجعله الجنه والمغفره.

والبركه في عياله اللي يمشون على نهج شايبهم رحمه الله.

 

 

 

 

[معلومات العضو الرجباني 2]

لاهنت يبو سالم على نقل القصيده والله يرحم الشاعر شلعان الودعاني
تقبل تحياتي الرجباني2

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة هايف العماني

الله يرحم الشاعر الكبير شلعان بن ظافر ويسكنه فسيح جنانه واموات المسلمين

ولاهنت اخوي بوسالم على نقل القصيدة النادره

تقبل تحياتي،،

اميييييييييين


وشكراً ياهايف عالمرور

تحياتي

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة حمد دخيل الودعاني

{ترى البل فرح وسرور من خلقة الانسان }={ عسى الله يبور بواحـد ٍ بايـر ٍ فيهـا }
كنـوز البـداوه منقـذة راعـي البستـان=موارث جـدود ٍباشهـب الملـح تحميهـا
مداخيلهـا عسـره علـى بايـع الرمـان=ولا تصلح البل كـون فـي مـرح اهاليهـا

رحــــمــة الــلـــــه عــلــى
الـشـاعــــر / شــلـعـان بـن فـهـيـد الـــودعـانـي.

لاهنت ياعبدالرحمن الشرافي
على نقل قصيدة تعتبر من اجمل القصايد
في وصف الابل (عـــــطايا الـــلـــــه)


تـقــبـل تحـياتــــي

اميييييييييين الله يرحمه


وصدقت .. هذه القصيدة افضل قصيدة وصف فالبل


تحياتي

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة يحيى الودعاني

تسلم يمناك على النقل الطيب

وبيض الله وجهك

الله يرحم الشاعر شلعان الودعاني

من قال سالم

و وجهك ابيض


شاكر مرورك

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة طالب المجد

الله يرحم الشيخ شلعان الودعاني وبيض الله وجهك يا الشرافي

اميييييييييييييييييين


ولاهنت عالمرور


تحياتي