قصيدة للشاعر :شافي بن ناصر بن محيل ال بريك

[معلومات العضو عاشق الربوا]

بسم الله الرحمن الرحيم

شكواي للي يعلم السر والغيب
.....هو فارج الكربات رب العبادي
ولا البشر مالي وراهم مطاليب
.....اود توفيق الولي واجتهادي
ارميبها واقول ياربي تصيب
..... واطلب من المولى الكريم الجوادي
اضربها شرق وشمال وتجانيب
.....على التهو مافيه شيئاُ وكادي
ومراً تصيب وتنثر الورد والطيب
.....ومراًدهر وغبار برضاً حمادي
ونلقى موعشتنا بروس المراقيب
.....بعز وكرامه والوفاء والمبادي
واجنب دروب الردى لوفضى الجيب
.....لوشفتها قررت منها ابتعادي
رزقاًحلالاً لو قليا اللي يطيب
.....ولا كثرتاً بالذل تاتي نكادي
ونفسي منزها ولاتقبل العيب
.....ولا هيب دناعه على كل زادي
ماطاب لي خذته واعرف المواجيب
.....ونشان نرميبه بسوق المزادي
يالله ياللي تجبرالعظم ويطيب
.....تقبل دعاء منهو بلطفك ينادي
ياقدراًياسمع الصوت يامجيب
.....يارافعاً سبعاً خلقها شدادي
افرج لمن جاء في زمانه شواذيب
.....درب الصحيح يشوف فيه اظتهادي
قالو تعلم من زمانك الاساليب
.....وخلك فطين وانتبه للمعادي
قلت الغلط قالو ترا عادة الذيب
.....يلقى عشاه بمدلهم السوادي
قلت البلا يوجد حساباً وتعذيب
.....ياناس فوقو لا متى ذا التمادي
الذيب حيوان خلقه الله بنيب
.....والله جعل رزقه بنابه عمادي
للناس يرصد في جهنم قواضيب
.....احداً نجا واحداً حريقا رمادي
قالو هجل خلك على ماانت وتشيب
.....محتار مابين الخطا والقوادي
وصارو يلموني بكثر المطاليب
.....واليك شكواي وعليك اعتمادي

 

 

 

 

[معلومات العضو نآصر البدراني]

صح لسانك واعتلى قدرك وشانك


بيض الله وجهك على القصيده الجززززززله ولاهنت ..

 

 

 

 

[معلومات العضو راشد المسعري]

الله الله

صح لسان الشاعر شافي بن ناصر

وبيض الله وجهك اخوي الكريم على نقل هذه القصيدة الثمينة والمليئة بالجزالة والحكمة واختتمت بتعظيم الله والخوف منه

هكذا الشعر ولا بلاش ،

تقبل ودي وتقديري ،،،

 

 

 

 

[معلومات العضو عاشق الربوا]

صح بدنك يعطيك العافية

 

 

 

 

[معلومات العضو عبدالرحمن بن فلاح آل بريك]

صح لسان الشاعر :شافي بن ناصر بن محيل ال بريك . ولا هنت على النقل المميز . ننتظر المزيد منك .

 

 

 

 

[معلومات العضو ابونورين الودعاني]

كفو والله اخوي بارك الله فيك شعر والنعم وفى وكفى