سلطان الشعر في سطور .. - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أرشيف منتدى قبيلة الدواسر الرسمي .::: > :: أرشيف المسابقات الشعرية الضخمة والمنتديات الموسميّة :: > :: منتدى شاعر المليون لنسخته الثالثة ::

إضافة رد
انشر الموضوع
 
أدوات الموضوع انواع عرض الموضوع
قديم 28-02-2009, 11:08 AM   #1
 
إحصائية العضو







سـ ع ـد غير متصل

سـ ع ـد is on a distinguished road


:e-e-7-: سلطان الشعر في سطور ..

السلام عليكم ورحمة الله وبركاته ...

سلطان بن حسين المسعري الدوسري شاعر صغير في سنه ابن الثامنة عشر
نجم صاعد وانطلق بقوة الصاروخ لساحة المحاورة ...



بدأ في مجال المحاورة فكون قاعدة جماهيرية كبيرة وفي مدة وجيزة ...


قد اشاد به وراهنوا على نجوميته كبار الشعراء في المملكة والخليح ...
من ضمنهم الشاعر رشيد الزلامي وفيحان القيعاني وحبيب العازمي وعلي ابن قحصان


*اطلقت عليه عدة القاب من اهها:

( سلطان الشعر - - شاعر القلوب )
هذي محاورة اختصرت ابياتها.. بين سلطان وفيحان القيعاني

فيحان القعياني
ياسلام الله على أهل الوادي اللـي مانمـره00غير في وقت المصيف اليا بغينا أبها وهلها
صاحبي سلطان ماله في طوارف هيت جره00لو يمر العاصمه في ربع ساعـه مانزلهـا

سلطان المسعري
مرحبا ترحيبة فيها المسرة والمضـرة00ياصحيبٍ ننقض بيوتـه ليامّنـه فتلهـا
كان يافيحان في تالـي ليالينـا تشّـره00دام جبت الكايدة من بدع راسك فاحتملها


_يجيد الشعر بنوعيه النظم والمحاورة وبمستوى مبهر ...

كانت بداياته منذو سنتان من الان ..
ورث الشعر من بيئة شعرية بحته ..
قال الشاعر في احدى لقاءاته : ان المسابقات الشعرية بااعتقادي انها للكسب المادي
ولكنها خدمة الشعر والشعراء في نفس الوقت ...


_ من اصعب المحاورات مرت عليه امام الشاعر رشيد الزلامي
الجدير بالذكر انه سلطان شارك بمسابقة شاعر المليون ..
بعدة قصائد وتأهل للمرحلة الثانية وخسر المسابقة

سلطان اثبت للجميع وعيه وادراكه للشعر جيدا...
وان الشعر لاعلاقة له بـ العمر ..اتوقع له مستقبل باهر


وله ايضاً

ياهل الابل لاجيتوا السوق والظل مال =واجتمعتوا وذا بايع وذا مشتري
بلغوا هالاجابه يم راعي السؤال =الاجابه بلا والعلم ماهو صري
لو وطالي على خشم الذهب والريال=بكرتي ماتساويها فلوس الثري
بكرتي في مقدم ضافيات السبال=والعوايد تجي قدام ماهي قري
وكان زاد التنافس لجل زين الحلال= كنها اتقول للتقييم وش تحتري
لاشماله ولا تحليق حتى الجلال=مالبسته وجيتك بالجمال الطري
كان تعرف مقاييس الحلا والجمال =عطني الاوله ويصير بختك بري
كيف ابابيعها والله مالي مجال =ويش عذري مع نفسي ومع دفتري
حالفن ماتنازل عن علوم الرجال =دام عندي ضمير ومرجعي دوسري
يوم غيري يبيع ويشتري باحتيال=تحت مبدأ لحد شايف ولحدن دري
قولي ويش عذرك ياكريم السبال=يوم تكسر زجاج الحق يامفتري
وبنتك اللي اتنادي لك وتصرخ تعال=كيف تدفن صداها قول ياعبقري
انت بالفعل هذا تعطي اكبر مثال=ان جيب الامانه والوفا منفري
جيت وارد على الجمه بخمة احبال=ذا قصيّر وذاك اجبع وذا مهتري
مقتنع في كلام مرجين الهزال=منت مرمر زماني انته المرمري
روح والله حسيبك والوفا لايزال=مير طلي ياشمس انجازنا واسفري
امّنا ماتموت ومن وراها عيال =لو عقوق البعض سبب شلل وجدري
ودانها في ذرى قايد وخمسة اجبال =اضحكي يادواوين العرب وابشري
الرشا ركب ياهل الخيل فوق المحال =فيه لذة حلاوة بعد طعم الشري
وصلوا هالاجابه يم راعي السؤال=وسلمولي على البشار والبحتري

وله محاورة مع الشاعر مبارك ابن سيف منها

مبارك الدوسري
اجتهد في مقبـل الوقـت والدنيـا كفـاح00والمواقف ما تخلـي علـى الدنيـا خفـا
شفتنا صورتك في المختلف بيـن الليـاح00ياحسن وقفتك في الصف والصافي صفـا
سلطان المسعري
الجهد مبـذول وطويـق لايمكـن يـزاح00ما يضره كلمـة الحاقـدة وأهـل الجفـا
صورتي تاجٍ لراسي مع طيـور الفـلاح00يومك تجيب السوالف علـى وجـه وقفـا
مبارك الدوسري
لانقلت أسم القبيلـة تـرى منـت بمبـاح00حاول انك تاخذ العلم مـن روس عرفـا
احتمـل للكايـدة فـي مجيـك والمـراح00لين تظعر بك لياليـك فـي روس الشفـا
سلطان المسعري
انقـل اسـم اّلا زايـد مداويـة الجـراح00والعلم مصدره موثوق واخبـر مـن لفـا
واحتمل للكايدة لـو بهـا زرق الرمـاح00واضحٍ نـوري ونـورك لعلـه ماطفـا


قال في احد قصائده المميزه بعد خروجه من مسابقة شاعر المليون

جيت من (وادي الدواسر) وانا قلبي شغوف=مطمعي في العلم الاول ماهو بنك الغناه
ويش ينفع لو كسبت الدراهم والاولوف=كان مالي لابدى لازمي وجهٍ وجاه
جيتنا (]شاعر قبيلة) واداحم لي صفوف=رغم سني اجرح الجرح واعين دواه
دوسريٍ لى على القمه العليا وقوف = في ذرى (زايد وتغلب )تعلمت الحياه
لابتي يوم المكاسيب خاطف ومخطوف=المعادي للقبر والخوي ناسم عصاه
اسمنا (خطلان الايدي) مكرمة الضيوف=يشهد جريس اليماني وشعره من وراه
وجارنا وجدارنا والاصايل والسيوف=الوفا منا ومناك تطويع العصاه
يافخر فتح عيونك على دوسر وشوف = السلوم اللي تنومس مع كل اتجاه
يعجز التاريج وتجف محبرة الحروف=مجدنا لو كمل الشعر ما يلحق مداه
والقبايل كلها عز والعز معروف= وكل شاعر يطرق الشعر ويظهر نباه

وهذي قصيدة للملك والوطن:



وله ايضاً في ولي العهد اطال الله بعمره

رد الثنا واجب سواءاً جيز ولا ما اجيز = ومادام شعر ويحكي رموز العرب لازم يجاز
**=**
سلامتك ياسيدي وانت العزيز ابن العزيز = بسلامتك فاز الكرم والشعر والتاريخ فاز
**=**
يكفي فخر لا قلتنا سلطان ابن عبد العزيز= غنا الخليج وجاوبت صوته تهامة والحجاز
**=**
خيرك تعدى الشرق الاوسط والعرب والانقليز = تملك قلوب الناس بفعولك بتقدير امتياز
**=**
والله لولا الوقت يدركني وانا وقتي وجيز= لكتب بسلطان الكرم معلقه باحدث طراز
يقول ابو حسين

اللي يلوم اهل الولع في هوى نجد=ماحط له في وسط نجدٍ تواجد
نجد العروبة ديرة العز والمجد=فيها مراابينا وضحك النواجد
دارٍ غلاها حط له فالحشا بجد = مابين جبنون المعاليق باجد
هي دارنا يوم الرمك جالها سجد=يوم الحروب ويوم ملي المناجد
من دونها نهجد كبار العرب هجد=وكم شيخ قوم عن مناويه ساجد
لاجيتها وعديت في عالي الرجد= وهموم قلبي فوق صدري تراجد
اجر صوتي وانظر التختخ البجد=واسلى عن همومي ولوكان واجد
واخير من ذكر المحبين والوجد=دعوتك لامن صرت لله ساجد

ويقول في حال الامة

مابيـن تطبيـق السـلام وبيـن تحـديـد المصـيـر=نشـعـب ركايبـنـا ونحـداهـا عـلــى رد الـبــرى
يسوقها ضـرب العصـا ويهجهـا حـس الصفيـر=وتدبك بنا واللي علـى الركبـي يهـرول مـادرى
تمشى بنا والقيض يشويهـا مـع طـول المسيـر=وتبرك بنا في وسط سوق بيـن بيـع ومشتـرى
وليـا التفتنـا للجمـل حـن ورغـى بـعـد الهـديـر=وحتى الصميل اللي على جنب المطيات انفـرى
وحنا نحسـب انـا بلغنـا القصـد والخيـر الوفيـر=مانـدرى ان الوقـت وقفنـا علـى بــاب الــزرى
ونـدور مـع نـاس تقـول الـوقـت لازم يستـديـر=ونصبـر علـى بيـت قبـل ستيـن عـام بـلا ذرى
نقـول نتبـع دورنـا يالله عـسـى مقـسـوم خـيـر=نمسك سرى ونموت موتة ضيم ماجانا السرى
نرقب متى علم الفرج ياتي مـع الصبـح المنيـر=من شان عين فـي الظـلام وفـي متاهاتـه تـرى
يـانـاس لـيـه الـكـذب مــادام ان واقعـنـا مـريـر=ليـه نتجاهـل ماحـصـل لـيـه نتنـاسـى مـاجـرى
يانـاس ليـه اسكاتنـا والصـد عـن جـرح خطيـر=يعنـي بضحكتنـا بـرى والله ليبـطـى مــا بــرى
ياناس زاد الحمل مـا يقـدر علـى القـوم البعيـر=وان قام موته جـاه فـي الهفـه بعـد طلعـة كـرى
يكفـي قهـر يكفـي سهـر مابيـن نـار وزمهريـر=يكـفـي حـيـاه بـيـن تـجـار ومشـايـخ وشـعـرى
يكفي حكي ياللي تضد القـوم بالسيـف الشطيـر=وتقول ابوي الشيخ وجدودي مناصب واومرى
لـد النظـر فالـلـي خــذا حـقـك ولافــك الاسـيـر=علـى عيـون منظمـات الامـن والسلـم جـهـرى
اليـا متـى نصبـر مـادام انــا نجـيـر المستجـيـر=وتوحيـدنـا واحــد ونظـرتـنـا الـــى ام الـقــرى
صحيح نملك مـال بـس احساسنـا حـس الفقيـر=واللـي يواسيـنـا صــلاح الـديـن لامـنـه طــرى
وصـلاح مـات وجاتنـا الدنيـا عبـوس قمطريـر=واحـد رقـد منـا والاخـر مــات مــاذاق الـكـرى
نبغي الحضـارة ليـن مركزنـا طلـع بعـد الاخيـر=ولاعاد به غيره سوات اللي على الذلـه ضـرى
وان كاننـا مليـار مسلـم مابنـا صـحـوه ضمـيـر=بكتـب نهايـة امــه تعـيـش مــن تـحـت الـثـرى

بعض ما قيل في ابو حسين


توكل على الله و انتهض و انفض الجنحان = و دوس المخاطر كلها يا عريب السـاس
يا سلطان سلطان الشعر فارس الفرسـان = سفير القبيله و انت كفوٍ(ن) لرفع الـراس
بحور الشعر غصها و جب غالية لثمـان = و مثلك يميز في ذهبهـا مـن الالمـاس
مسفر المصارير
تبينت ياسلطان فـي الموقـف المشهـود=يـوم الخليـج اليعربـي لــدّ باعيـانـه
ترقب حضورك ذاك ناشـد وذا منشـود=وكلـن يقـول إن الشعـر جـاه سلطانـه
سميت بقصيـدٍ مالحـق شاعـره منقـود=ويرجح إلى قـدم مـع الشعـر ميزانـه
فداه القصيد إللي علـى شاعـره مـردود=إلى من وصل سوق الجزل بارت أثمانـه
غشيم ٍ جلب لـه سلعـة ٍ ماوراهـا فـود=سواة التنـك مافـاد لـو تبـرق ألوانـه
إلى من حضر سلطان والشعر ورث جدود=يجـمّـل بميقـافـه ويفـخـر بجـدانـه
بعيد ٍ عـن التقييـم بالنقـص ولا الـزود=يكفيـك ياسلطـان: ( صـح الله لسانـه )
نايف المسرع


اختم موضوعي ببيت محاورة من الشاعر
:

ان كان ربي حماكم كلكم من شر الاقـدار
الشكر لله والعالم مـا تـدري بالسريـره..


 

 

 

 

 

 

التوقيع

..

آخر تعديل سـ ع ـد يوم 28-02-2009 في 11:22 AM.

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 05:54 PM


Powered by vBulletin® Copyright ©2000 - 2024, Jelsoft Enterprises Ltd.
---