مساجله بيني وبين الشاعر /شافي النتيفات

**معلومات** **العضو** · 01-12-2010, 12:42 AM

هذي مساجله بيني وبين الشاعر \ شافي بن راشد عسى ان تنال اعجابكم
اقول فيها

الصاحب اللي على الشدات ماشيفي= ووقت الرخا دايم حولي وميلافي
الله يقطـــع رفيـــــق رفقتـــه زيـفـــــي= في الوجه طيب ولاقفيت حذافي
بترك ردي المـــعرفه حيثــه ظـــــعيفي= واختار رفقة مثل شرواك ياشافي
عــلــومــك الطــيــبــه فخر لنــا وريفي= جمعت كل المراجل عد واصنافي
رفقة هل الطيب مطمع يالـعواريــفـي= خويهم قط مايشكي من خلافي

ورد ابوشـــــــــــــالح

خط لفاني يكفيني عن الكيفي= بلسم وطب ودوا للجرح ومعافي
من صاحب يكرم الخطار والضيفي= مبارك اللي لفعل الطيب حوافي
يامبارك الرجل في ماجوبه يضيفي= فعل الجمايل على اللي قدم يظافي
ابن ادم مرجعه لو طول ظعيفي= هذا ترا الوقت ياما بين الخافي
من فاته الطيب باول عمره سخيفي= لاكبر مايدركه لو قام وان طافي
هذا مثل وانت تعرف بارق الصيفي= ولا انت وافي يابن شافي ومن وافي

**معلومات** **العضو** · 01-12-2010, 01:04 AM

صح لسنتكم انت وبوشالح

ولاهنتم على هذه الرائعه

**معلومات** **العضو** · 01-12-2010, 11:30 AM

اررررررررررحب ياخالد

لاهنت على المرور العذب

تحياتي وتقديري لشخصك الكريم

**معلومات** **العضو** · 01-12-2010, 06:29 PM

صح الله السنتكم جميع
شعراء جزلين

تحياتي واحترامي ~~

**معلومات** **العضو** · 01-12-2010, 07:39 PM

صح لسنتكم انت وبوشالح

ولاهنتم على هذه الرائعه

**معلومات** **العضو** · 02-12-2010, 01:58 AM

الاخوان ابوشافي الدوسري وشافي النتيفات
الله لايهينكم على تلك الابيات الموجزه والمعبره

وصحت السنتكم جميعا ولكم من كل التقدير

**معلومات** **العضو** · 02-12-2010, 02:02 AM

صح لسانك يا أبو شافي وأبو شالح .

والله لا يهينك على نقلها لنآ .

**معلومات** **العضو** · 02-12-2010, 01:59 PM

الله الله

صحت السنتكم جميع ولاهنتوا

صوت وصدى جميييل

تحياتي وتقديري.

**معلومات** **العضو** · 02-12-2010, 02:20 PM

صح الله لسنك وبيض الله وجهك
ولايهون ابوشالح
والله يبارك في الجميع

**معلومات** **العضو** · 02-12-2010, 10:45 PM

الندواي

صح بدنك ولاهنت على المرور العطر

تحياتي وتقديري

**معلومات** **العضو** · 03-12-2010, 04:41 PM

صح لسانك يابوشافي ولسان ابو شاااااااالح

مبدعين والله يوفقكم يالذيابة ........

**معلومات** **العضو** · 03-12-2010, 08:08 PM

صح الله لسااااااااانك يابوشاااااااافي

وصح الله لسااااااان ابو شالح

مبدعان ويشهد الله
إجتمعتم واجتمع الشعر بهله...
يسلم منطوووقك يا مبارك ويا شافي
وكلكم اكتمال للجمال وشاعرية مليئة بالجزالة
سعدت بمروري يا سمي تقبله نفداااااك....

**معلومات** **العضو** · 04-12-2010, 12:21 AM

مشرفنا الغالي غازي المسعري

لاهنت على المرور العذب

تحياتي وتقديري

**معلومات** **العضو** · 04-12-2010, 10:38 AM

صح السنتكم يالجزلين
مبدعين والله لاعدمناكم

**معلومات** **العضو** · 04-12-2010, 12:31 PM

ارحب ياعامر

وصح بدنك يالقرم

لاهنت على المرور العذب

تحياتي وتقديري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية