|
|||||||
26-04-2005, 04:31 PM
|
#1 | ||||
|
رد الحقباني على العصيمي *قصيده*
هذي قصيد الشاعر نابت بن حسن بن شجاع الحقباني التغلبي الدوسري
قال العصيمي انت من أيه الناس =اصلك وفصلك انت باية قبيله __________________________________________________ _________قلت احتر المردود باكر بقرطاس =بعطيك ردي وافي في مكيله حنا بني تغلب بوايل لنا ساس =أهل العلوم الطيبه والجميله من عصر ابن كلثوم والناس تحتاس =لا قيل تغلب جات حزة رحيله والزير سجل باالتواريخ نبراس =للتغلبي والوايلي من طويله وكليب ذيب الحرب لاشم مقباس =مقباس حرب قام شب الفتيله وان كان تبغى علم بقريب الساس =اللي بتغلب تلتحم به تجي له حنا عددنا جاك ياالذيب بخماس =خمسة قبايل تغلبيه اصيله لاد العياضي لاغدا الريق يباس =ترسي وتحري باالعلوم المهيله يشهد لهم هية ملاقاة عفاس =يومه هوى محد تبرع يشيله يومن*ابوليلى غدا له تغطراس =مايدري ان الزود يرث بديله ولاد الحبيبي موقفه يوم الادواس =واضح كما البراق كل يخيله قاسين علقم للعدوين الانجاس =حلوين سمن للخوي والقبيله متعودين في اللقا قطعة الراس =بسيوف بتارة طويله صقيله وانبيك بطليفح ذيب على ساس =ذباح ابن عبود من فوق خيله يومه على الفنجال من بدت الناس =شربه ولا هابه سبق للنفيله وعمور لامنه غدا الفكر محتاس =يرسون مايرضون غير البديله الضد لامن زارهم دوم ينداس =يرجع يجر العار ويا الرذيله واما الخييلي بين حر وقرناس =كل ابلج يحري بذب الطويله افعالهم عز لنا راس نوماس =وافعالهم تنشاف وقت الدبيله والمشوي اللي له على قب الافراس =صوله وجوله باالضحا والمقيله حنا تغالب نسقي الضد من كاس =كاس الندم والخوف كاس الفشيله ولاكبرت القاله وضاقن الانفاس =زايد لنا ضلع بعيد مسيله هم لنا لاجاك وقت به امراس = وقت الصمايل والامور الهويله كل ابلج في مرقب الطيب عساس =يبغى فعول الطيب لو مات حيله ونا وهم في الدوسريه لنا ساس =دواسر ياناس نعم القبيله دواسر في الضيم وقت التعوماس =وقت الحروب الطاحنات الطويله ناقف مواقف دونها الضد جلاس =ونشيل حمل غيرنا مايشيله هذا عطيتك موجزي وسط قرطاس =يفهم به الجاهل بليا دليله *ابوليلى هذا شيخ قبيله آل مره لان كانت هناك هيه بين الحقبان وال مره في الاحساء والسالفه والقصيده اعتقد الكل يعرفها
|
||||
|
|
|
|
26-04-2005, 05:45 PM
|
#2 | |||||||||||||||||
|
الزير سالم عساك على القوه
ولك الشكر على اكمال القصيده والسموحه على التنسيق ومنك نستفيد
|
|||||||||||||||||
|
|
|
|
26-04-2005, 05:50 PM
|
#3 | ||||
|
|
||||
|
|
|
|
26-04-2005, 11:26 PM
|
#4 | ||||
|
ارحب ياالشكري ولاهنت على التنسيق
|
||||
|
|
|
|
27-04-2005, 03:06 AM
|
#5 | ||||
|
لاهنت يالزير سالم وصح لسان الشاعر الحقباني ونعم بالتغالبه كلهم
|
||||
|
|
|
|
27-04-2005, 03:11 AM
|
#6 | ||||||
|
صح السانك يالزير سالم واللسان الشاعر نابت بن شجاع الحقباني
|
||||||
|
|
|
|
27-04-2005, 03:11 AM
|
#7 | ||||||
|
ما عليكم زود يابو مبارك
|
||||||
|
|
|
|
27-04-2005, 02:55 PM
|
#10 | ||||
|
لاهنت يالزير صح لسانك ولسان الشاعر وبيض الله وجهك على المجهود والمشاركه الطيبه ,,,
|
||||
|
|
|
|
28-04-2005, 01:44 AM
|
#11 | ||||||
|
صح لسانك ولسان قايلها ونعم وسبعة انعام بالتغالبه
|
||||||
|
|
|
|
30-04-2005, 08:29 PM
|
#14 | ||||
|
صح السانك والسان قايلها
|
||||
|
|
|
|
13-03-2007, 10:53 PM
|
#15 | ||||
|
رد: رد الحقباني على العصيمي *قصيده*
ونعم بالحقبان
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 3 ( الأعضاء 0 والزوار 3) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عمار الحقباني يحقق المركز الاول بحسب تصنيف الاتحاد الامريكي | && القناص && | :: قسم مناسبات وأخــبار الـدواسـر :: | 13 | 03-09-2010 04:03 AM |
| دعم ومساندة لأبن العم / عبدالله بن حمد الحقباني | خالد المشاويه | :: قسم مناسبات وأخــبار الـدواسـر :: | 13 | 18-07-2010 01:23 PM |
| التغطية المصوّرة (الحصريّة) لحفل الشيخ بادي بن ناصر آل بوزمام المساعرة تكريماً لموقف الشيخ هذّال بن راشد بن هذّال الحقباني . | الإداره | :: قسم اللقــاءات والفعاليات والتغطيات الخاصة:: | 24 | 28-06-2010 09:57 AM |
| بيّض الله وجه الشيخ هذال بن راشد الحقباني على ماقام به من تنازل عن قاتل ابنه لوجه الله تعالى [ لقاء حصريّ + تغطية مصوّرة ] | الإداره | :: قسم اللقــاءات والفعاليات والتغطيات الخاصة:: | 42 | 21-06-2010 03:23 AM |
| قبيلة الدواسر تساند وتدعم مرشح الدائرة العاشرة - الصباحيّة السيد بدر بن ناصر بن خالد بن ادريس الحقباني الدوسري | الإداره | :: قسم الإنتخابات البرلمانية والبلدية ومجلس الأمة :: | 8 | 09-06-2009 01:49 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 01:53 AM
