من حط نكه بنت ماهـوب رجـال

**معلومات** **العضو** · 14-07-2010, 03:28 PM

الكل يلاحظ كثرة هذه الظاهره وانا ارى ان من ينتحل هذه الشخصيه انما يكون صغير سن او مريض نفسيا" فقد كرم الله الرجل برجولته فلماذ يرضى ان يكون انثى.. وهذه القصيده للشاعر/براق وعلى ما اظن ان سبق وان طرحته ولكن يجب ان تطرح بين وقت واخر حتى يتعظ من يتعظ وهي في من يدخل بعضوية انثى وهو رجل

وين القلم هاتوه انا رايـق البـال=جني بنـات الفكـر ياعيـن ياليـل
والكل منهن ياملا سمـح الاقبـال=وانا لهن مشتاق بالحيـل بالحيـل
يزداد شوقـي بالمواقـف للامثـال=وقبلتهن وقـت المواقيـف تقبيـل
شعر المواقف لجله الهجس يجتـال=دعيتهن جنـي جهدهـن مقابيـل
قالن حظرنا قلت بالحـال بالحـال=طاعن وانا عسافهن عسفت الخيل
علمتهن يمشن لو بشهـب الـلال=في النظم والا في لحون المواويـل
ولاني من اللي يسرق الشعر لاقال=ويرز عنقه كـن عنـده محاصيـل
من شك في نفسه عليه الدهر مال=والواثق اللي فاللقاء يصهل صهيل
ياحبنـي للعـال ومـدور الـعـال=اللي منازلهم كما الجـدي وسهيـل
واليا كرهت اكره منافـق ودجـال=اللي مقامه كنه النجـم ابـو ذيـل
واشوف ناس(ن) كلها اخبال واهبال=ومثلي تميزهـم عقـول الرياجيـل
ياللي هدب عينك على خدك اظـلال=لاتصدقين اعوير واصوير واحويـل
امقلدين الصـوت مافيهـم امـال=ماباقـي الا يلبسـون الخلاخـيـل
من حط نكه بنت ماهـوب رجـال=مسكين عرض نفسه القال والقيـل
نضحك على شرواه بقفاي واقبـال=كل(ن ) يقول انه مسيكين واخبيـل
وانا اعرف انه شين لو يلبس الشال=راسه كما الجني وخشمه خشم فيل
اللي سواته ياعسى مالـه اعيـال=مهبول واعيالـه بتطلـع مهابيـل
يالله عساهم في البشر مالهم تـال=والا عليهم ترسـل اطيـور ابابيـل
والله مسوقلهم مع النـاس فنجـال=ينسـاق والله للقـروم المشاكيـل