وين الرجال و وين ذيك العناتيت؟؟؟؟ قصيدة للشيخ علي بن منديل الحراجين

[معلومات العضو متحري الصدق]

إخواني أعضاء و زوّار المنتدى

السلام عليكم ورحمة الله وبركاته .......

أضع بين أيديكم قصيدة للشيخ : علي بن منديل الحراجين التي قالها عندما سجن أخوه خميّس والقصيدة تعبر عن نفسها و أرجو أن تنال على إعجابكم

البارحة في مرقدي ما تهنيت = كني كسير الساق ينّس وجلها
عليك يا اللي بأوسط السجن حطيت = في الغرفة ادخل والمحابس قفلها
وأصبحت مشتان بشاني ومديت = أمشي سريع فوق سابر عجلها
ركبت لشيوخ القبايل تعنّيت = أمراء القبايل والمراكز واهلها
أحداً ليا من جيتنا سكر البيت = ويوصي الهندي بكلمات قلها
وأحدٍ ليا من جيت تلقا سرابيت = اتحسن لحاها وتنسل قذلها
وأحدٍ تجيه وعنده ان كنك ما جيت = لامنه قال السالفه ما عدلها
وأحدن ليا من لبس بسام وبشيت = تقول ما به عملةٍ ما عملها
لامن هرجت بقصتي قال ما أقويت = مراجعة سلمان من الراس شلها
وين الرجال و وين ذيك العناتيت = تراجع الحاكم ويدرا زعلها
هذاك مثل عمر ما منه سجيت = وألا مثل راكان حامي كفلها
وألا مثل شيبان و وليد وبخيت = ومسلط مع الحاكم لسبلا عقلها
وألا ابن حشرٍ وابن زيد الشفاليت = فكّاكة اللي ناشبٍ في وحلها
وأشكالهم واجد لو أعد ما أحصيت =و محمدٍ ما أحصي فعولٍ فعلها
يراجعون اللي حداها على هيت = بغا شرابه والدليله جهلها
نصى الرياض وقال ما عنه صديت = والدار ما يصلح لها كون أهلها
وين الرجال اللي لهم سابقٍ صيت = رجّالهم للمايلات يعدلها
يا ليتني في طرقتي ما تعنيت = خليتنا تمر الشيوخ بنخلها
قال المثل لا منك للضيق حدّيت = ما يظهرك لامن نشبت بوحلها
كون الحرار وخل منك السفاريت = ترى الحمول الكايدات لجملها
يا ((خميّس)) اصبر لو في سجنك أبطيت = لا ترجي إلا الله وصالح عملها
لا ترتجي ناسٍ ضعوفٍ خراتيت = راحوا الرجال اللي يجلل جللها
ما من الشيوخ اهل المراكيب خليت = لا قلتنا سلمان ربي خذلها
من هيبته ذلت رجال وعفاريت = يتراعدون تقول فيها شللها

وتقبّلو تحيّة أخوكم

متحري الصدق

 

 

 

 

[معلومات العضو ابو زيد الغييثي]

وأشكالهم واجد لو أعد ما أحصيت =و محمدٍ ما أحصي فعولٍ فعلها


لاهنت يا متحري الصدق

على نقل هذه الابيات

وفيها ذكر لشخصيات لها

مواقف مشرفه ولكن " محمد "

اسم لا كثر من شخصيه مشرفه اتمنى

ان توضح لي من هو

اخوك / ابو زيد

 

 

 

 

[معلومات العضو عبدالله الحافر الغييثي]

لاهنت يامتحري الصدق وجعلك تسلم ونبغى من الاخوان من كان عنده قصيده لربعه ان يطرحها ويوثقها بالمنتدى واضم صوتي مع اخوي ابوزيد وياليت نعرف منهو محمد

 

 

 

 

[معلومات العضو خيالية]

صـــح لســـاااان قايلها ،، وتســـلم على نقلهااا ..

 

 

 

 

[معلومات العضو متحري الصدق]

ابو زيد وابو مطر وخياليه الله لا يهينكم على المرور وللتوضيح الشاعر يقصد محمد بن هندي بن حميد

 

 

 

 

[معلومات العضو أبو ريم]

لاهنت و صدق الشاعر لكن ياليت تجيب اسماء اللي ذكرهم كلهم ومنهم منه؟

 

 

 

 

[معلومات العضو خالد المشاويه]

صح الله لسان الشاعر علي بن منديل الحراجين

ولاهنت على النقل اخوي متحري الصدق


جزيل الشكر والتقدير

 

 

 

 

[معلومات العضو ابو زابن المسعري]

صح الله السان الشاعر والسانك وبيض الله وجهك على النقل

 

 

 

 

[معلومات العضو فهد المقابله]

صح لسانك ولسان علي بن منديل

ولاهنت على النقل

 

 

 

 

[معلومات العضو دغش محمد الصخابرة]

صح الله لسان الشاعر علي بن منديل الحراجين

ولاهنت على النقل اخوي متحري الصدق

 

 

 

 

[معلومات العضو محمد مطلق آل بريك]

صح الله السان الشاعر ابن منديل

والسانك وبيض الله وجهك على النقل