القطيني يمدح الامير الشيخ حفيظ(شيخ(ن) له الفنجال الاول يمدا)

[معلومات العضو عازف شجن]

شيخ(ن) له الفنجال الأول يمدا
وجهها الشاعر فيصل القطيني للشيخ حفيظ بن عجب آل حفيظ الدوسري

أبدا بذكر الله وذكره مبدا**** رب العباد بكلمتين(ن) وجدها
يا ربنا ياللي عليك انتقدا**** رحمتك من نار(ن) شديد(ن) وقدها
من بعد ذكر الله بنينا على الدا**** والشطرالآخر من ضمير(ن) علدها
يوم استوى لي قافها واجرد هدا**** نظمتها تنظيم ما احد(ن) نقدها
تسعه وعشرين العمر ما تعدا**** لكن بقعا علقتني بيدها
بقعا تعشا فالرجال وتغدا**** ما احد(ن) سلم من شرها لو طردها
جيتك وانا اشكي وقتي اللي تردا**** شئ(ن) يشيب طفلة(ن) في مهدها
ماغير حفيظ(ن) في لزمها يسدا**** كفه بفعل الخير كل(ن) حمدها
شيخ(ن) له الفنجال الأول يمدا**** تعيش يا ذخر الرجال و سندها
إن مد مد(ن) ما بغى له مردا**** يبرد كبود(ن) ما احد(ن) قد بردها
يقود ما ينقاد قايد مقدا****داهي دواهي ما ذكر مثله أدهى
أن شاف عدوانه تقوم وتحدا**** فزع وحيضان المنايا وردها
سواة حر(ن) للهدد مستعدا**** عنه الحرار الشقر تقصر هددها
ند المراجل ند وللند ندا**** والمرجله جاته تمشى وحدها
يا بن الفحول اللي يصدون الاعدا**** ولا فتلت الاشناب تحمي بلدها
قال المثل من جاب فالعلم ودا**** وهرجه بليا فعل غايب سندها
شعر فيصل بن علي القطيني

 

 

 

 

[معلومات العضو ناصر بن فهد]

صح لسان فيصل ويستاهل المدح والطيب الشيخ حفيظ بن عجب ال حفيظ
ولاهنت يا عازف على النقل وبيض الله وجهك وتقبل موروري

 

 

 

 

[معلومات العضو عبدالله الحافر الغييثي]

يستاهل الممدوح وهو اهلا للمدح ولاهنت ياعازف شجن

 

 

 

 

[معلومات العضو عازف شجن]

شكرا على الاطلالة الطيبة