قبيلة الدواسر وقبائل الجزيزة العربية يناشدون قبيلة الشينة بالعفو عن نايف بن عساف الغييثات

[معلومات العضو الإداره]

الحمدلله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين إخواننا أعضاء وزوّار الموقع الرسمي لقبيلة الدواسر يامن يجيب العلم ويبشر بخير =من لاد لشين كاسبين الجمايل نبا العوض منهم وسوق التباشير=في رقبة بن عساف والشك زايل يقول الله في محكم تنزيله : (( ومن أحياها فكأنما أحيا الناس جميعا )) يقول الله تعالى( فَمَنْ عَفَا وَأَصْلَحَ فَأَجْرُهُ عَلَى اللَّهِ) عن أبي هريرة‏:‏ ‏(‏عن النبي صلى اللّه عليه وآله وسلم قال‏:‏ ما عفا رجل عن مظلمة إلا زاده اللّه بها عزًا‏)‏‏.‏ رواه أحمد ومسلم والترمذي وصححه‏.‏ وعن أنس قال‏:‏ ‏(‏ما رفع إلى رسول اللّه صلى اللّه عليه وآله وسلم أمر فيه القصاص إلا أمر فيه بالعفو‏)‏‏.‏ رواه الخمسة إلا الترمذي‏.‏ وعن عقبة بن عامر رضي الله عنه قال قال رسول الله صلى الله عليه و سلم (من أعتق رقبة مؤمنة فهي فكاكه من النار ) الشاعر : مشيع بن فهيد الغييثات يالله ياللي لك رفعنا يدينا =يامن بذكرك فالبدايه بدينا ياحي ياقيوم ياذا الجلاله=انك توفقنا الهدى وأتهدينا واختر لنا التوفيق مع كل يمه=أنت الذي لاغاب رشدك غوينا يالله طلبتك دعوةٍ مستجابه=حظ كبير وقدوةٍ صالحينا تطفي غضب فتنه وتجلا مصيبه=وتهون الدعوى على مدعينا يالاد لشين يامقر الشهامه=نرجو من الله ثم منكم رجينا يالاد لشين ياهل العفو عفو=العفو يذكر في الكتاب المبينا العفو عند الاستطاعه شجاعه=أخذو بنا ثنتين دنيا ودينا دارت بنا الايام فجأه وصارت=واللي عليكم من فجيعه علينا ماقبلها بغضا ولابه عداوه= أبليس أخذها فرصةٍ مادرينا ياربعنا الغالين يأهل المهمه=اليوم جينا نطلب العفو جينا تكفى يابن فرحان وعيال عمه=جينا نقدم نخوة المنتخينا تكفون يالفرجان يأهل الحميا=حنا تبلانا القدر وأبتلينا تكفون يا الفرجان ياأهل الحميا=أنتو محازمنا ومنا وفينا ياربعنا الفرجان ياأهل الحميا=حنا عليكم فاللزوم ارتكينا جاهية شيوخ القبايل تثمن=يدعون للاصلاح ومشاركينا وجوك الدواسر يرفعون النخاوي=حنا الدواسر نخوة العرب فينا انتو هل الشيمات واهل المروه=وأنتو ورى الهقوات لامن هقينا جينا بجاه الله في ماتبونه=نرجو من الله ثم منكم رجينا الشاعر: شافي بن راشد النتيفات الله واكبر وارفع الصوت تكبير =الله واكبر خالق الانس والجان في موقف ماعنه صده وتبرير=ارفع بصوتي بالقوافي والاوزان بلسان من حده زمانه على الكير=سجين ومكبل وعاجز ومنهان نايف قضى عمره ورى الباب ماغير=مهموم ومن امه تغربل وحيران هم يجيه الصبح وهم مع عصير =وهم حرمه النوم الى وقت الاذان يقول ياربعي عذاب الطوابير=وقفاتكم تبعد عن القلب الاحزان ينخى الدواسر محزمه في المعاسير=لاصك جال جال رجالهم بان وينخى القبايل كلهم ماله مجير =بعد الله الا فزعة تقضي الشان ينخى قحطان وشمر وحرب ومطير =وينخا عتيبة والخوالد وزهران وسليم والسبعان واللي بهم خير=كربي ويامي والشلاوى وهمدان وينخى الظفير وزعب وكل المناعير=الصيعر وبني عطية وشمران والحارثي والاسمري دون تقصير= بجهينة وباكلب ولو كان ماكان وبني تميم ولاد وايل مغاوير =ولاد الحويطي وال مرة وعجمان وينخى البقوم وغامد وفكره يحي=وثقيف وبلقرن وبلي دون نقصان ويالاد زيد والاحمري حثو السير =ويالمالكي مر العسيري ولاهان جمع الشراري والرشيدي مغاوير=وبني عقيل وعمر وينخى لشهران تكفون بعد الله ولي التدابير=ردوله الامل ترى موعده حان لا احد يتراخى لو تطول المشاوير=الخير والناموس في عتق الانسان الفو على اللي يكرمون المسايير=اللي لهم في سلم المجد مسكان الاد الاشين محتمين المظاهير=للعرف عرافه وللحرب ظفران وال الشريطي خص ماغيرهم غير=اللي لهم فعل النواميس عنوان قولو لفيناكم بجاه المناعير=نبغى العفو بالجاه والمال والشان واختامها عد السحاب المزابير=صلو على اللي خصه الله بغفران ومن هذا المنطلق ومن هنا من منبر وصوت القبيلة ( موقع الدواسر الرسمي ) : فإن( قبيلة الدواسر ) وكافة (قبائل الجزيزة العربية ) تنـاشد ويطالبون بوجـيهم وجاهم وينخون قبيلة الشينة ويناشدون أبناء واخوان المرحوم بأذن الله هادف بن فرحان آل شريطي الشينة وشيخ قبيلة الشينة الشيخ فهد بن فارس الشينة في اعتاق رقبة نايف بن عساف الغييثات اعتق الله رقابهم من النار ,حيث نزغ الشيطان بينهم بدون عداوة سابقه بين الاسرتين ، وهذى قضاء الله وقدره ، وانا لله وانا اليه راجعون. وقبيلة الشينة ( الاد لشين ) من قبايل الدواسر التي نفتخر بها وبأمجادها في الماضي والحاضر ولها من الأفعال والأمجاد مايشرفها ويشرف الدواسر بشكل عام وليس غريباً منهم اعتاق رقبة ابن عمهم . وباقي على تنفيذ القصاص في نايف بن عساف الغييثات وقت قليل، علما ً انه مسجون في هذه القضية من 16 عاما ً. مناشدة الشيخ شجاع بن سعود الدوسري قبيلة الشينة الكرام فتكفــون يا (يالاد لشين ) تكفـــون يا ( الشينة) تكفـــون يا (يالاد لشين) تكفــون ياأهل الحمـــيه بنـــي عمــــكم الــــدواســــر يطلبـــونكم وقبايل الجزيزة العربية تطلــــبكم بعتق رقبة ابن عــمكم اعتقــــكم الله من النــــار وموقع الرسمي لقبيلة الدواسر يناشد الشينه الكرام بالعفو والصفح والتنازل عن القصاص وإحتساب ذلك عند الله - عز وجل (صوت قبيلة الدواسر) منتدى قبيلة الدواسر الرسمي www.alduwaser.org/vb

 

 

 

 

[معلومات العضو فهد الغريري]

(( ومن أحياها فكأنما أحيا الناس جميعا )) تكفــون ياأهل الحمـــيه تكفون يالشينة نناشد أبناء واخوان المرحوم بأذن الله هادف بن فرحان آل شريطي الشينة وشيخ قبيلة الشينة الشيخ فهد بن فارس الشينة في اعتاق رقبة نايف بن عساف الغييثات اعتق الله رقابهم من النار هذا بن عمك وولدكم الثاني والله يعوض ولدكم الجنه قال الرسول الله صلى الله عليه وسلم : " من أعتق رقبة مؤمنة فهي فكاكه من النار "

 

 

 

 

[معلومات العضو شافي بن راشد النتيفات]

تكفون يالاد الاشين
تكفون يالاد الاشين
تكفون يالاد الاشين
نطلبكم بجاه الله ثم جاه القبايل
ان تعفون عن بن عمكم
وانتم اهل العفو والشيمة والصفح والكرم
واخذا في السجن ماكفاه وبنته كل يوم ترجاه
تكفى يابن فارس حث ربعك وعيالك
على العفو

 

 

 

 

[معلومات العضو شافي بن راشد النتيفات]

يالله اللي ماتكودك حلول المستحيل
وحل كل اشكال في يدك ماهو في يدي
ودي أدخل صلب موضوع وابياتي سبيل
وقبل ذكري لأي موضوع ذكر الله بدي
يابن فارس ياحمر العين مزبان الدخيل
العرب يمشون للمجد والا انت تعدي
جاك مني بوح شاعر يموت ولا يميل
عن محبة كل طيّب وتقدير اجودي
وصّله لعيال عمً يشيلون الثقيل
عصبةً تاصل مناها وجمعً يحتدي
وصله لال الشريطي هل الفعل الجميل
يادهس والا لفرحان عوق المعتدي
لاد الاشين فزعة الظيق مروين الصقيل
من يقدونه على الطيب ماهو بيغدي
لاد الاشين يوم حاصل معاديهم قليل
مجدهم فوق الثريا ومن فوق الجدي
لاد الاشين عصبة الراس بالوقت المحيل
لاد الاشين محزم الجنب لاهاب الردي
لاد الاشين ثورة الجود لا قل الحصيل
لاد الاشين بهجة العين لاقيل بعدي
ان دمحتو فعل نايف كسبتو حب جيل
وفزتو بفعلً ينومس وطيبً سرمدي
اللعفو طبع الاكابر ولا تلقى مثيل
للدواسر والدواسر سنادي وسعدي




الشاعر / لبنان بن عبدالله الرجباني.

 

 

 

 

[معلومات العضو بدو]

يالله ياربي ماعليك صعب انك تلين قلوب الشينه وتهديهم للعلم الغانم وهم اهله
الله يعتقك يابو عساف
نبي موقف واحد من شيوخ الدواسر والقبايل لعل الله يسهل امرهم

 

 

 

 

[معلومات العضو عبدالله الحافر الغييثي]

تكفون يابني عمنا تكفون يامحزم الظفر تكفون ياعزوه نتفاخر بها
والله لاقبلها ولا بعدها نزغة شيطان راحوا عيالنا ضحيتها
والله لو ان موته بيرجعه كان ذبحناه بيدينا,لكن يروح اثنين ضحية زله.
تكفون يبني عمنا فكوا ذبيحه عند جزارها.
تكفون ثم تكفون ثم تكفون.والله لاهوب غريبا" عليكم الطيب وانتم تحرون به.تكفون قدروا وجيه بني عمكم اللي لفوكم
لاد الاشين ياعصابة الراس,كلهم عيالكم وانتم اهلهم..ارحموه لأجل بنته.اللي مالها الا الله ثم هو..
تكفون يالسلاطين تكفون ياعصابة الراس..

 

 

 

 

[معلومات العضو عبدالرحمن بن فلاح آل بريك]

اسأل الله العلي القدير أن يلين قلوبهم وان يعفو عن ابن عمهم .. والعفو من شيم الكرام ونناشدهم جميعاً بأن يعفو ويصفحو لوجه الله عز وجل ..

 

 

 

 

[معلومات العضو مناحي المصارير]

(( ومن أحياها فكأنما أحيا الناس جميعا ))


الله يفك عوقه ويعتقونه ويكتب له حياه جديده

العفو عند المقدره , , تكفون تكفون تكفون يالشينة انتو اهل الشهامه واهل العلوم اللي تنومس

 

 

 

 

[معلومات العضو نآصر البدراني]

اللهم أصلح بينهم على خير وألّف بين قلوبهم


اللهم فرّج عن نايف بن عساف وأسعد ابنته وزوجه وذوييه بفرجه


تكفـــون يا يالاد لشين بني عمك الدواسر وجميع القبائل تناخكم تكفـــون