ضـيـفـنـا ذالـلـيـل ضـيـف أنـضـيـف مـن عشـاه

[معلومات العضو نادر الناهشي]

مرحبا بسلطان الخير قصيدة قلتها هذه اللحظة

البسي يالعاصمة بالفرح ثوب جديد=ضيفنا ذالليل ضيف أ نضيف من عشاه
الكريم ابن الكريم الحميد ابن الحميد=الامير اللي ذرانا يذري من ذراه
شعبنا في المملكة شال بالصوت الوحيد=كلنا سلطان بالروح بالغالي فداه
جعل عمرك يابو خالد على الدنيا مديد=ياندي الكف والعرف واسوار النجاه
ياطيور الحب بالحب والحان النشيد=جاك محبوب الجزيره وغيث من سماه
مرحبا ياقمة الخير وعيون القصيد=من يسابق راعي الجود مايلحق مداه
ياذرى المحتاج والناس بافعالك تشيد=ماسح دمعة يتيم عقب ماهي جداه
ياعظيم القدر والساس من راس الفريد=الموحد راعي الخير نمشي في قداه
فيك من رحمة نبينا وصالات العنيد=جامع لين المحنك وبركان العداه
مرحبا ياضيفنا عندنا ذلليل عيد=ضيفنا ذالليل ضيف نضيف من عشاه

 

 

 

 

[معلومات العضو فهد الغريري]

جعل عمرك يابو خالد على الدنيا مديد=ياندي الكف والعرف واسوار النجـاه ياطيور الحب بالحب والحـان النشيـد=جاك محبوب الجزيره وغيث من سماه الشاعر الكبير صاحب القوافي القويه نادر الناهشي الله الله على هذي القصائد التي تغمر الفوأد وتشرح الخاطر والله يانادرمهما قلنا في مقامك العالي جعلك المعزه منوفيك حقك انت من الشعراء المميزين الذين نكن لهم كل محبة وتقدير الابداع والجزاله معتاده في شعرك والحمد لله على سلامة ابوخالد سالم غانم لأرض الوطن وننتظر جديدك المميز جعل من ارثك في الجنه وتقبل تقديري واحترامي واعتزازي في شخصك الكريم اخوك / فــهــد الــغــريــري

 

 

 

 

[معلومات العضو محمد بن سالم الخضراني]

صح لسانك واعتلا شانك وجعل عمرك اسنين

وبيض لله وجهك على هذه القصيده التي تليق بقدم

صاحب السمو الملكي الامير سلطان بن عبدالعزيز ال سعود

على عودته سالما معافا الى ارض الوطن

اخوي نادر الناهشي

تقديري واحتراامي

 

 

 

 

[معلومات العضو الزين]

صح لسانك يا الناهشــــى على القصيده الجزله

والحمد لله على سلامتك الامير سلطان

 

 

 

 

[معلومات العضو راشد المسعري]

البسي يالعاصمة بالفرح ثـوب جديـد
ضيفنا ذالليل ضيف أ نضيف من عشاه
الكريم ابن الكريم الحميد ابن الحميـد
الامير اللي ذرانـا يـذري مـن ذراه


الله الله

صح لسانك يانادر وسلمت على القصيدة التي تعبر عن المشاعر الصادقة لنا جميعاً تجاه أمير القلوب وأميرنا المحبوب سلطان بن عبدالعزيز نسأل الله أن يتم العافية والصحة عليه.
تقبل ودي وتقديري ،،،

 

 

 

 

[معلومات العضو عبدالله الحافر الغييثي]

النــــــــادر

ليس غريب هذه النوادر لاجات من النــــــــادر صح لسانك واعتلى شانك ياكحيلان جزل جزل جزل جزل كعادتك يابوسعود خالص التقدير والاحترام لشخصك

 

 

 

 

[معلومات العضو دغش محمد الصخابرة]

صح السااااانك يانادر واعتلى شانك

قصيدة جزله من شاعر جزل


والحمد لله على سلامتك الامير سلطان


تقديري وأحترمي لك

 

 

 

 

[معلومات العضو ناصر فياض الودعاني]

شعبنا في المملكة شال بالصوت الوحيد=كلنا سلطان بالـروح بالغالـي فـداه

صح الله لسانك ياأمير

ابو محمد مبدع كعادتك

الله يخارجنا


لك مني أرق التحآآآآآآيا

 

 

 

 

[معلومات العضو خلاّد الزايدي]

الحميد ابن الحميد
فيك من رحمة نبينا

الأخ المكرم نادر :
حسب علمي أنك من حملة العلم الشرعي
فلدي سؤال واستفسار لللإستفادة فقط وليس الإعتراض أو الانتقاد :
هل يجوز قول العبارتين أعلاه ؟
يعني تسمية أحد المخلوقات باسم من أسماء الله ؟
أو وصفه بصفة من صفات نبينا عليه الصلاة والسلام ؟
حبذا تنويرنا حول ذلك من واقع الأدلة الشرعية وأقوال العلماء المعتبرين ؟

والله يديم أفراح المسلمين ونهئكم بعيد الأضحى المبارك بعد الزحمة

 

 

 

 

[معلومات العضو الشـيخه]

نادر الناهشي

وقصيدة تنبض من قلب كل مواطن في هذه البلاد الغالية
ليس بغريب الوفاء على شعب الوفاء الذي هذا ديدنه منذو ان صخر لله لنا هذه القياده الحكيمه
حمداً لله سلامة سمو ولي العهد ونسأل الله تعالى ان يلبسة ثوب الصحة والعافية وكل مرضى المسلمين...
اشكرا لك هذه المشاعر الغير مستغربة من مواطن حمل كل الحب والخير والولاء لقادة هذه البلاد..
دمت شاعرا وساحرا للبيان يانادر

 

 

 

 

[معلومات العضو درعان بن عبدالله]

الحمد لله على سلامة سلطان الخير والله يخلية لهذه البلد يارب العالمين وصخ لسانك يابو محمد مليون مليون ولا يكفون أشهد أنك جزل وأنت في غنى عن شهادتي لأنك من يقيم الشعراء بيض الله وجهك يا كحيلان .. أخوك / درعان بن عبدالله بن عريعر بن درعان

 

 

 

 

[معلومات العضو فارس الدبالين]

صح لسانك واعتلا شانك وجعل عمرك اسنين

وبيض لله وجهك على هذه القصيده التي تليق بقدوم

صاحب السمو الملكي الامير سلطان بن عبدالعزيز ال سعود

على عودته سالما معافا الى ارض الوطن

اخوي نادر الناهشي

تقديري واحتراامي

 

 

 

 

[معلومات العضو ابوبدر المصارير]

الشاعر الجزل نادر الناهشي الودعاني

صح الله السانك واعتلى شانك قصيده جزله من شاعر جزل

في امير القلوب لاهنت وبيض الله وجهك والحمد لله على سلامة الامير المحبوب وعودته للوطن

 

 

 

 

[معلومات العضو نادر الناهشي]

المشاركة الأصلية كتبت بواسطة فهد الغريري

الله يطول عمرك يابوراشد


مجرد اطلالتك شرف ودافع للابداع رحم الله والديك ودمت بالخير والعافية


ومن تحب آآآمين

 

 

 

 

[معلومات العضو نادر الناهشي]

المشاركة الأصلية كتبت بواسطة محمد بن سالم الخضران

صح لسانك واعتلا شانك وجعل عمرك اسنين

وبيض لله وجهك على هذه القصيده التي تليق بقدم

صاحب السمو الملكي الامير سلطان بن عبدالعزيز ال سعود

على عودته سالما معافا الى ارض الوطن

اخوي نادر الناهشي

تقديري واحتراامي

اخي ابوسالم الله يبيض وجهك ولك مني الحب والتقدير