(آلاد شكرٍ) لاتعاوت في ضحـى الكـون الذيـاب .

[معلومات العضو عبدالرحمن بن فلاح آل بريك]

أبيات رائعة للشاعر المبدع فراج بن فهد الشكرة الدوسري .

نغيـب وألا مانغيـب أقدامنـا فـوق السـحـاب =وأهل المكر فـوق البسيطـة ماضربنـا حسابهـا
إليا رضى عن فعلنـا الأبيـض رفيعيـن الجنـاب =رقـط الحيايـا خلهـا إتمـوت بسمـوم أنيابهـا
الحر يشهر في السما والبوم ينعق فـي الخـراب =شتـان مابيـن الطيـور أشكالـهـا وأسرابـهـا
لابارك الله في حضـورٍ يستـوي معـه الغيـاب =نـاسٍ مـع العالـم تجـي وإتـروح مايدرابـهـا
وإن طلّت الشمس الرفيعة من وراء روس الهضاب =غابت إنجومٍ فـي الدجـا محـدن شعـر بغيابهـا
مـا أقولهـا ناتـج غـرور أقولهـا رد وجـواب =علـى القنـاه اللـي تبـث الشوشـرة بألعابهـا
مايوقـظ الفتنـة ويفتـح للـردى سبعيـن بـاب =ألا حـثـالات البـشـر ورخومـهـا وأذنابـهـا
المجد يحضابـه ارجـالٍ طافـوا آفـاق الصعـاب =صلـب العزايـم للمفاخـر يشعبـون إركابـهـا
أما تقيٍ يرجـي الجنـة ويخشـى مـن العـذاب=إدموع عينـه فـي قيـام الليـل يامـا أصخابهـا
وألا حكيمٍ ثاقب النظـرة علـى الـدرب الصـواب =لاعمسـت أريـا لابتـه زينـات الأريـا جابهـا
وألا شجيـعٍ ثابـت الوقفـة وقلـبـه مايـهـاب =حامـي غناديـر البنـات وسترهـا وإحجابـهـا
وألا كريـمٍ مايدفّـن الأرصـدة وسـط الحسـاب =إمكبّـر الضيفـة بــدارٍ ماتـصـكّ أبوابـهـا
واللي جمعهـن كلهـن ياخـذ الأمـاره بإكتسـاب =طرقٍ على عـوج الخشـوم اللـي تشـم ترابهـا
وباقي الأوادم ( مشّ حالك) والحياة أكل وشـراب =مثل الدواجن تاكـل وتشـرب وتنسـى أصحابهـا
المرجلة من لاقدر يلحـق عليهـا فـي الشبـاب =ماهـوب لاحقهـا لشابـت لحيـتـه وأشنابـهـا
والشعر وهبة من لدى ( الوهاب) ماهوب إغتصاب =قولـوا لشعـار المهـايـط لاتــرزّ أرقابـهـا
الشعر مايرفـع مقـام الـلاش وأفعالـه سـراب =لاشـان فعلـه مايحـرك فـي الرجـال إعجابهـا
الشعـر ماهـوب البطولـة والذخيـرة والزهـاب =حتـى المـره تقـدر تقولـه مـن ورا جلبابهـا
لذا على الشاعـر يسمّعنـا القصيـدة بإقتضـاب =والحكـم للجمهـور يشـرح سلبهـا وإيجابـهـا
أحدن قصيده في الحلا : درّ المصاغيـر العِـذاب =لاروّحـت مـن روضـةٍ نبـت الوسـم يزهابهـا
وألا شفايا غـادةٍ فـي ريقهـا الشهـد المـذاب =طب الهـواوي لاسـرى ليلـه علـى ( عنّابهـا)
وأحدن قصيده يرفع الضغـط ويجيـب الإكتئـاب =علـة وريــدٍ ماتعالجـهـا جمـيـع أطبابـهـا
ومن لايفكر في عواقـب كلمتـه نـال العقـاب=مـن ( الله ) أول ثـمٍ أقـوامٍ يثيـر أعصابـهـا
قلته على وضح النقا مـن دون شـكٍ وإرتيـاب =والكلمـه اللـي بأستحـي مـن قولهـا بأبدابهـا
ياللي تفاخر بالمغازي في المخـازي : والتـراب =لوكـان ربعـك والنعـم بأفعالـهـا وأنسابـهـا
انشد عن القصـة مـع العقـال يامـال الذهـاب =حتـى عيونـك تبـصـر اليـمّـة ولايغدابـهـا
محـدن غزانـا والليالـي كنهـا لـون الغـراب =خلْ عاد والدولـة علـى راسـك تشـد أطنابهـا
هذي ( الحمر) من دونها (حمر) الشلافي والحراب =و(حمر) السيوف اللي صناديد الحـروب إتهابهـا
(آلاد شكرٍ) لاتعاوت في ضحـى الكـون الذيـاب =فزعاتهـم تشبـع سراحيـن الخـلا بأسبابـهـا
مير اركد وقلّل من الجرعـات وأجـواء الضبـاب =لاتقطـع إسيـولٍ تداحـم مـع مفيـض إشعابهـا

 

 

 

 

[معلومات العضو مبارك بن شافي النتيفات]

الاد شكر لا تعاوت في ضحى الكون الذياب = فزعاتهم تشبع سراحين الخلا باسبابها

كفو كفو

صح الله لسانه ولسانك وسلمت يمينك ع النقل الرائع

تحياتي وتقديري

 

 

 

 

[معلومات العضو ظافر الأمير]

لابــــــــارك الله فــــــــي حــــضـــــورٍ يـــســـتـــوي مــــعـــــه الـــغـــيـــابنــــــــــــــاسٍ مــــــــــــــع الــــعـــــالـــــم تـــــــجـــــــي وإتــــــــــــــروح مـــايـــدرابــــهــــا
وإن طلّـت الشمـس الرفيعـة مــن وراء روس الهـضـابغـــابــــت إنـــجــــومٍ فـــــــي الـــدجــــا مــــحــــدن شــــعــــر بـغـيــابــهــا
مــــــــــــا أقــــولــــهــــا نــــــاتــــــج غــــــــــــرور أقــــولــــهـــــا رد وجـــــــــــــوابعــــــلـــــــى الــــقــــنـــــاه الــــــلـــــــي تــــــبـــــــث الــــشــــوشـــــرة بــألــعـــابـــهـــا


الله يصح لسانك ولسانه قصيده جزله من شاعر جزل
تحياتي وتقديري استاذ عبدالرحمن

 

 

 

 

[معلومات العضو ظافر الأمير]

لابــــــــارك الله فــــــــي حــــضـــــورٍ يـــســـتـــوي مــــعـــــه الـــغـــيـــاب
نــــــــــــــاسٍ مــــــــــــــع الــــعـــــالـــــم تـــــــجـــــــي وإتــــــــــــــروح مـــايـــدرابــــهــــا
وإن طلّـت الشمـس الرفيعـة مــن وراء روس الهـضـاب
غـــابــــت إنـــجــــومٍ فـــــــي الـــدجــــا مــــحــــدن شــــعــــر بـغـيــابــهــا
مــــــــــــا أقــــولــــهــــا نــــــاتــــــج غــــــــــــرور أقــــولــــهـــــا رد وجـــــــــــــواب
عــــــلـــــــى الــــقــــنـــــاه الــــــلـــــــي تــــــبـــــــث الــــشــــوشـــــرة بــألــعـــابـــهـــا


الله يصح لسانك ولسانه قصيده جزله من شاعر جزل
تحياتي وتقديري استاذ عبدالرحمن

 

 

 

 

[معلومات العضو محمد راشد النتيفات]

صح الله لسانه ولسانك وسلمت يمينك ع النقل الرائع

تحياتي وتقديري

 

 

 

 

[معلومات العضو شافي بن راشد النتيفات]

اشكرك جزيل الشكر على نقلك الرائع والمميز
بتميزك الدائم
تحياااااتي لك

 

 

 

 

[معلومات العضو عبدالرحمن بن فلاح آل بريك]

شكراً لكم جميعاً على تواجدكم الجميل .

 

 

 

 

[معلومات العضو نآصر البدراني]

لا يا ابو فلاح شخليت من جزل وروائع القصيد !


جعل يمناك سالمه على النقل وأهنيك على ذوقك


صح لسان الشاعر المبدع الجزل الرائع / فراج بن فهد الشكرة الدوسري


في ذمتي ونعم به وبربعه آلاد شكر سقم المعادي ..