اوصيك ياللي بالغلا صرت قده

[معلومات العضو ناصر بن درعان]

قصيده فيها معاني بتعجب اللي مابعجبه العجب

اوصيـك ياللـي بالغـلا صـرت قـده


ياواحـد حبـه تـربـع عـلـى الـجـاش


اوصيـك فـي ربـك عقيـده وسـجـده


ورجلا بدون الدين لاعاش لاعـاش


واوصيـك فـامـك كـل وقـت ومــده


اللـي تحـط كفوفهـا عـنـدك فــراش


والرجـل فـي عـمـه وخـالـه وجــده


يوفي ويصبر وان لحق بالتجـراش


بعـض القـرايـب كــل مــازاد بــده


تزيـد شرهاتـه وتاتـي علـى ادنـاش


ورفـيـق جنـبـك بــدة الـنـاس بـــده


فالحـر يرقـى فـي جناجيـن بريـاش


رجــل بـــلا ربـــع زمـانــه يـهــده


حتـى ولـو مالـه كثـيـره والادبــاش


وحــذراك بـابــك للمـسـيـر تـــرده


فلة حجاج وضحكـة الوجـه ببـلاش


الوقت فـي حاتـم عصـف بـه وهـده


ويمنـاه ضـراهـا بقـعـدان واكـبـاش


ذاخــرك فــي بـيـت فعـولـه تـسـده


مانتـه بحاتـم لكـن الطـيـب ينـتـاش


واحـذر علـى جــارك لـسـده تـحـده


لاخيـر فـي رجـل خـدوع وغشـاش


واحـفـظ عـنـوة كــل عـانـي نـــوده


يقطعك رجلا عاش عمـره تخشـاش


واحفظ لسانك واعرف الهرج زبده


اياك مـن سمجـة فضوليـن وخبـاش


خلـك علـى بحـر مثـل بـحـر جــده


سره عميق وهيبته ترعش ارعـاش


وان جيت فـي فزعـه وجـوده ونـده


حـاول تجمـل بالرجاجـيـل بالـكـاش


تــرا الذخـيـره كلـهـا نـقـول عـــده


وماطلقـة البلجيـك تصلـح بـرشـاش


وتــرا المـهـار بسرجـهـا والاشــده


وان اصهلت فشاجع الراس ينداش


واحذر مـن الجاهـل بمزحـه وجـده


ترا الثعل مـع الاسـد صـار يعتـاش


وايـاك مـن الشتـمـه وقـولـة مـسـده


يمكن يدور الوقت ويجيك وشـواش


ولاكـل مـن صافـيـت يبـديـك ســده


حتى ولو قلبك له ابيض من الشاش


ولاكـــل رجـــال صــديــق تــعــده


يمكـن الا منـه بـدا الشـان ينـحـاش


ولاكـل سيـف لـي شهـر بـان حــده


يمكـن يعـود فـي جفيـره علـى لاش


وحـبـل الـوفـا تــر السنـافـي يـمـده


حتى ولو جات الليالـي علـى مـاش


مما راق وبقوه

((بن درعان))

 

 

 

 

[معلومات العضو محمد بن سالم الخضراني]

 

 

 

 

[معلومات العضو ناصر بن درعان]

الله يسلمك اخوي محمد بن سالم

والله لايهينك على مرورك

اخوك ناصر بن درعان

 

 

 

 

[معلومات العضو عبدالله الحافر الغييثي]

ابن درعان صح لسان الشاعر ولاهنت على النقل ياذيبان كل الشكر

 

 

 

 

[معلومات العضو ناصر بن درعان]

المشاركة الأصلية كتبت بواسطة خميس مطر الغييثي

اخوي الغالي خميس ياكحيلان ومشكور على المرور


صح بدنك

ولاأنت


ولك العفو

اخوك بن درعان

 

 

 

 

[معلومات العضو معجب الناهشي]

اشكرك يابن درعان

الشاعر منهو

 

 

 

 

[معلومات العضو ناصر بن درعان]

اخوي معجب العفو

والشاعر والله مدري لكن حاول اجيبه يالغالي

اخوك بن درعان

 

 

 

 

[معلومات العضو معجب الناهشي]

اشكرك اعجبتني كثير

لا تكلف على عمرك

 

 

 

 

[معلومات العضو ناصر بن درعان]

الله يسلمك وهذا من طيبك

وانا بشوف اذا لقيت اللي قال القصيده انزله هنا واعلمك

اخوك بن درعان

 

 

 

 

[معلومات العضو معجب الناهشي]

اشكرك ماعليك زود

لو حصلته ارسل اسمه رساله خاصه

 

 

 

 

[معلومات العضو برنسيسه الريــــاض]

صــــــــح لسان الشاعر ....ولاهنت على النقـــــــل ,,,,,,,,,,

 

 

 

 

[معلومات العضو عســافةالخيل]

صح لسانك الشاعر وحسن الذائقه

واشكرك على النقل

 

 

 

 

[معلومات العضو ابن شميعان]

صح لسانك يابو درعان وبيض الله وجهك ولاعدمناك



تحياااااااااااااتي لك



نايف ابن شميعان