قصه تفطر الــــــــــــكـــــــــــــــبــــــــــــد

[معلومات العضو بشير بن نايف]

السلام عليكم ورحمته الله وبركاته

القصة صارت على إحدئ شواطئ الخليج
فيه اثنين شباب راحوا البحر جلسو على الشاطئ ومعاهم عشاهم.
وهم جالسين يتعشون جتهم عجوز كبيره في السن وقعدت تلقط الأكل المنثور على الأرض وتأكل.
ولما شافوها قالولها أنتي جوعانة قالت أنا هنا من الصبح وماأكلت شئ جابني ولدي من الصبح وراح وخلاني وقالي راح أجي آخذك بعدشوي.
المهم جابوا لها عشاء وتعشت. وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي يآخذك .
قالت العجوز إيه معي الرقم في ورقه .
ولما طلعت الورقه .
ايش تتوقعوا مكتوب فيها ؟؟؟؟؟
مكتوب ( من يجد هذه المرأه يآخذها لدار العجزه)
انصعقوا الشباب من المكتوب في الورقة وجلسوا ساعة يترجون العجوز تمشي معاهم.
ويحاولون فيها إنهم يوصلوها أي مكان هي تبيه .
أكيد العجوز رفضت أنها تروح معاهم لأن ولدها وعدها إنه يجي يأخذها وتبي تنطره لما يجي.
وكانت تقول ولدي راح يجي يآخذني وأنا راح انطره . > >ماتدري المسكينه إن ولدها تنكر لها ورماها في الوقت الي هي فيه محتاجه له
المهم راحوا الشباب عنها وأتركوها على أمل إن ولدها راح يجي يآخذها حسب وعده لها.
واحد من الشباب قعد يتقلب في الفراش وماقدر يرقد يفكر في مصير العجوز المسكينه وقام من فراشه وغير ملابسه وركب سيارته وراح للشاطئ.
ولما وصل. شاف الاسعاف والشرطة والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له أرتفع معها الضغط وماتت.
ماتت من خوفها على ولدها يمكن يكون صار له شئ.
ماتت وهي تنطره ولدها يجي يآخذها.
ماتت وهي بعيده عن أهلها.
الله يرحمها برحمته ويدخلها من أوسع ابواب جنته.

 

 

 

 

[معلومات العضو فهدالمحيسن]

جزاك الله خير على هذا الموضوع المحزن

 

 

 

 

[معلومات العضو بشير بن نايف]

ون يقول وشاكر مرورك اخوي فهد

ودمت لي سالما

 

 

 

 

[معلومات العضو لين]

أعوذ بالله من الشيطان هل معقول أنه فيه عيال بهذي القسوة
الله لايوفقه اللي يسوي بأمه هالسواة
مشكور أخ بشير على هالقصة اللي من المفروض أن نأخذ منها العبرة
تقبل مروري

 

 

 

 

[معلومات العضو بشير بن نايف]

العفو شاكر مرورك اخوي lane

ودمت سالم

 

 

 

 

[معلومات العضو أبونواف الدوسري]

الأخ العزيز بشير بن نايف

جزاك الله خير على هذا الموضوع المحزن

تقبل تقديري وأحترامي

 

 

 

 

[معلومات العضو بشير بن نايف]

حياك الله يا بو نواف ومن يقول
اسعدني مرورك ودمت سالم

 

 

 

 

[معلومات العضو الخضراني2]

بشير نايف

الله لايبلانا

والدنيا الله يكافينا شرّها

يالله العفو

وجزاك الله خير

ويجعله في ميزان حسناتك يابو نايف