سلام والملعبه تبغا شجيع العيال

[معلومات العضو الكاتم]

سلام والملعبه تبغا شجيع العيال
واللي شجيع يجي ذاللي بنفلّها

من قال انا جاهز في كل حاله وحال
اقول يازينها لا جات في حلّها

 

 

 

 

[معلومات العضو فيصل ضيف الله الكبرا]

مرحبا يامرحبا في كل الحوال
تبي شجيعها ولا تبي فحلها
ليلك اليوم طيب ياطيب الفال
سل يمناك في يميني سلها

 

 

 

 

[معلومات العضو الكاتم]

فيصل صح لسانك وماجبت اللحن ولا القافيه
شكلك استعجلت انا فداك

 

 

 

 

يامرحبا من خفوقن يا خفي الفعال
ياللي تدور شجيعن عارفن دلّها

دونك دلالن مباهيرن ودونك غلال
اختر هوا ما بدالك و الصرر فلّها

 

 

 

 

[معلومات العضو الكاتم]

استلم استلم

إبك البقا يالمرحب ياحسين الدلال
ومن قدّم الطيبه يلقى مثيل لها

خل السوالف تروّح بيننا عال عال
كان الحمول الثقيله تقدر تشلّها

 

 

 

 

[معلومات العضو ابومبخوت الدوسري]

ياسلام ,,, حّي ذا العين

الكاتم ,,, صح لسانك يالجزل وتسلم يمناك

باحوص ,, صح لسانك وتسلم يمناك ع الرد الجزل


صراحه كلكم شعار جزلين ووافين وغالين , وانا محتار من اجي في صفه

ذا المره انا ما نيب جاي في صف احد يكفي اتابع واستمتع بالمحاوره

بس واصلوا واصلوا ولا تحرمونها من ابداعكم ,,,


وينك ي باحوووص ننتظرك

 

 

 

 

دام البقا يا رفيقي يا صبي الحلال
وطبعي مثيل المراية عاكسن كلّها

"ابتاع كلّه" وللـه الولي الكمال
من جاد جاب الهنا له والعقد حلّها

--------------------------------

ابو مبخوت ارررحب والله انك دافع معنوي كثر الله امثالك يا ذيبان ولا هان اخوي الكاتم .

 

 

 

 

[معلومات العضو ابومبخوت الدوسري]

ياسلام ياسلام ,,, الله يبقيك يالغالي ,,,

وحّي ذا العين من المحاورات اللي تطرب الراس وتطيّر النعاس


وينك يالكاتم وينك ي صديقي

 

 

 

 

اليوم راح يالكاتم في انتظأإأإأإأأإرك

 

 

 

 

[معلومات العضو الكاتم]

ارحب يبومبخوت

وياباحوص
ما ابطا بالسيل اللي إلاّ كبره
هههههه


انشغلت واعتذر منك ومن المتابعين


اصلي وراجع لك

 

 

 

 

[معلومات العضو الكاتم]

ليل المعاني بداله يارفيقي اشتعال
لازم تسامر بروقه واحذر تزلّها

وش رايك بشجرتن مالِقي فيها ظلال
رغم انها مزهره بالورد مع فُلّها

 

 

 

 

[معلومات العضو ابومبخوت الدوسري]

الله يبقيك يالكااااتم

ياسلام ياسلام صح السانك


وينك يا بااااحوص

الليل ليل المعاني يارفيقي تعال

 

 

 

 

[معلومات العضو ابومبخوت الدوسري]

الكاتم

سلام والملعبه تبغا شجيع العيال =واللي شجيع يجي ذاللي بنفلّها
من قال انا جاهز في كل حاله وحال=اقول يازينها لا جات في حلّها

باحوص

يامرحبا من خفوقن يا خفي الفعال=ياللي تدور شجيعن عارفن دلّها
دونك دلالن مباهيرن ودونك غلال=اختر هوا ما بدالك و الصرر فلّها

الكاتم

إبك البقا يالمرحب ياحسين الدلال=ومن قدّم الطيبه يلقى مثيل لها
خل السوالف تروّح بيننا عال عال=كان الحمول الثقيله تقدر تشلّها

باحوص

دام البقا يا رفيقي يا صبي الحلال=وطبعي مثيل المراية عاكسن كلّها
"ابتاع كلّه" وللـه الولي الكمال=من جاد جاب الهنا له والعقد حلّها

الكاتم

ليل المعاني بداله يارفيقي اشتعال=لازم تسامر بروقه واحذر تزلّها
وش رايك بشجرتن مالِقي فيها ظلال=رغم انها مزهره بالورد مع فُلّها

 

 

 

 

اسمع دبيك الحروف اللي تشير الهبال
نـوبـن يحــذر ونـوبــن بالغـوا هـلّها

والمشكلة في عيونك مابها اعتدال
تــل الـرشا يــا رفيقي تلّها تلّها

 

 

 

 

[معلومات العضو سعود بطحيه]

الله يصح السنتكم جميع محاوره جزله الله يحفظكم؟؟