الى شح كل بخيل

[معلومات العضو سعود بطحيه]

يا الله يا معطي الى شح كل بخيل=جزيل العطى لاشح من مدته بخسـه
انك توفقني السبحان والتهليــــــل=عسى طاعتك للقلب غاياته وهجسه
أنت الذي مغيرك اللي يعدل الميل=مناجاتك لاجاء التلاليل لوحشتي ونسه
يارب غفرانك خطاياي مثل السيل= زفتني امواجه وغطستبي مية غطسه
ياعين ياالي تمسح بدمعها المنديل=من خشية الله تبكي العين محتســه
تشكي كثير ذنوبها الله يعدل الميل =تبغي تـــتــوب لـربها دامـهـا فـــرصـــــه
دينـي بقلبي وظـواهـــرلها تشكيل=على نيتي ما لي معا المشتبه جلسه
منكرتنا دعوة ابراهيـــــــم الخليـــل=لاكن دعوة ابراهيـــــــــم مابدعوته دسه
كفايه كفايه يا هل مسلسل التمثيل=ترى ما خفا من العين معروف بلمسه
اللايا زمان تـعـبــت معاد فينــي حيل=الى قمتنا قــــوم الوني جاتني نكسه
صبرة لاكن كثر مصبرة طفــــح الكيل=صبور على الشدات وايامها النحســــه
الله يحب اهل الكرم والبخيل بخيل =عند الله بغيض والعــــــــرب جنبه وانسه
ترى كل راس راس وكل ذيل ذيـــل = مهما الرتفعت لاذيال ترجع على الخسه
جربتنا لاصيل واللي مهوب اصيــل =ولكن بعض لاحيان يا تي لاصل عكســــه
سلام على وقت المغازي وركب الخيل=ذايمنع المنيع وذا مامنع نفســــــــــه
عسى ديرة ضمة هل الخير تعطى السيل=اللي مجالسهم فوايد ولي ونسه
هذا واقول القول والقول بعده قيل=عسى لجنة الشعار تجتاز في فحســــــــه
بعض الشعر بالاسوالف حجايا ليل=مية بيت لوحللتها ماتجي خمــــــــــســــه
قلمي

 

 

 

 

[معلومات العضو الكاتم]

صح الله لسانك ملايين ياسعود
قصيدتك جزله ولاهي غريبه

 

 

 

 

[معلومات العضو منيس الشمري]

سعود



قصيده جزله

صح الله لسانك تسلم والله يا بعدي

 

 

 

 

[معلومات العضو نآصر البدراني]

صح لسانك لين ترضى

جزل ولايجي منك غير الجزل ..

 

 

 

 

[معلومات العضو سعود بطحيه]

شكرا الله يحفظكم جميعا ربي يسلمكم؟

 

 

 

 

[معلومات العضو موسى ابومشهور]

الله الله روعه وانتقاء عذب
صح لسانك شاعرنا