قصة يا سهيف الذرعان منيب مرجوج.. بين بندر بن سرور وبن جلوي وبن ربيعان

[معلومات العضو ابومبخوت الدوسري]

الشاعر المعروف بندر بن سرور العتيبي رحمه الله شاعر فحل وتحفظه كتب التاريخ للابد كان بندر في حياته مشاغبا ومزعجا للسلطات في المملكة اثناء حكم الملك فيصل حيث كان يهرب البضائع من الكويت ليكسب من خلال ارباحها لاختلاف السعر في ذلك الوقت .. وكان أمير المنطقة الشرقية سعود بن جلوي غاضبا من بندر حيث قبض عليه اكثر من مره ويخرجه أمير عتيبة تركي بن ربيعان امير الفوج التاسع بالحرس الوطني وهو من شيوخ قبيلة عتيبة اللي لهم كلمة عند الملك والحكومة وكان ياخذون تعهد على بندر بعدم التهريب الا انه مطنشهم ولا يسمع الكلام .. المهم وصل للامير بن جلوي ان بندر هرب بضاعه ولا قدروا يمسكونه فحلف بن جلوي ان يقتل بندر اذا قبض عليه ومعروف عن بن جلوي قسوته وشدته وجبروته اثناء حكمه للمنطقة الشرقية .. ووصل لبندر كلام الأمير وتهديده بس ما ارتدع .. وفي يوم وبعد المغرب بشوي كان بندر نازل مع النفود بسيارته الونيت وتفاجأ ان حرس الحدود مخيمين اسفل النفود وأيقن انه مقبوض عليه لا محاله فهو لا يستطيع العودة لأن النفود عالي وإذا نزل معناها مسكوه فأوقف السيارة وترجل منها ورجع على أقدامه وصادف سيارة وركب معاه وطلب منه يوصله لبيت الشيخ تركي بن ربيعان ووصل له حوالي الساعة وحده بالليل وقام يطق الباب بقوه والليل هادىء وصحى كل اللي بالبيت وكان الشيخ بن ربيعان بالدور العلوي وراحت بنته تفتح الباب وبندر يطق الباب بقوه وفتحت الباب وهي ما تعرفه ولا قد شافت بندر وقال لها ابوها من اللي عند الباب يا بنت قالت رجال كنه مرجوج يبغاك ( وسمعها بندر وهي تصفه بالمرجوج ) قال خليه يدخل للمجلس وغير الشيخ ملابسه وقامت البنت تسوي القهوه ولما دخل المير تركي بن ربيعان وخلفه بنته معها القهوه التفت عليها بندر وقال

يـا سهيّـف الذرعـان مانيـب مـرجـوج = رجّـتـنــي الأيــــام جـتـنــي بـحـيـلـه
يا بنت لـولا اللـي علـى تاسـع الفـوج = تـركــت نــجــد وعــــزوةٍ بالقـبـيـلـه
لاشــك حاديـنـي عـلـى نـجـد هـيــدوج = مسقـي الفيافـي ليـن يـدرج مسيـلـه
تركـي ليـامـن الـبـلاوي غــدن عــوج = حـمــله عتـيـبـة كـلـهـا مـــا تـشـيـلـه
يرسي كما مينا البواخر علـى المـوج = ومنـيـن مــا صــك البـحـر يرتكيـلـه
مـــادام تـركــي حـــيٍ مـــا ودي أدوج = وإن غاب غبت من الرجوم الطويله

عرف الشيخ بن ربيعان من الأبيات ان بندر في مشكلة ويبي الفزعة وأبتسم الشيخ وقال أبشر يا بندر وش طلبك وأخبره بالسالفه وأنه خايف ينمسك ويبيه يشفع له عند ابن جلوي قال له أبشر يا بندر وركب بندر مع الشيخ بن ربيعان بسيارة الشيخ وراحوا للدمام ووصلوا لقصر الأمير بعد صلاة الفجر بدقايق وكان الامير سعود بن جلوي متعود كل يوم بعد الفجر يجلس بالمجلس يتقهوى ويسمع صفحتين من كتاب الحديث فأوقف بن ربيعان سيارته مقابل المجلس بس بعيد وكان الوقت لا زال ظلام ونزل لوحده وسلم على الامير وجلس بجانبه ولما صب المقهوي الفنجال للشيخ بن ربيعان انزل على الأرض ووالتفت عليه بن جلوي وقال وش فيك نزلت الفنجال قال بن ربيعان لي طلب قال اشرب فنجالك واللي تطلبه جاك فشرب بن ربيعان الفنجال وقال طلبه وزعل بن جلوي وقال والله لو اني داري انك جايه علشان بن سرور كان ما عطيتك طلبك وأنت تدري اني غاضب منه لكن دامك شربت الفنجال فطلبك جاك وهذه قصة القصيدة تراها منقول

 

 

 

 

[معلومات العضو خيالية]

يعطيك العااافيه على نقل قصة القصيده............

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة خيالية

يعطيك العااافيه على نقل قصة القصيده............

الله يعافيك ولمكة يوديك أشكر مرورك الكريم

 

 

 

 

[معلومات العضو الملك الادريسي]

الله يعطيك العافيه على نقل قصة القصيده.....بس نبي القصيدة يبن الحلال


ملاحظه يا بومبخوت

ياراجل فعل الارسال الخاص حقق لا هنت

 

 

 

 

[معلومات العضو دغش محمد الصخابرة]

	ابو مبخوت لاهنت وبيض الله وجهك على النقل ودمت بحفظ الرحمن يالغالي........

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة الملك الادريسي

الله يعطيك العافيه على نقل قصة القصيده.....بس نبي القصيدة يبن الحلال


ملاحظه يا بومبخوت

ياراجل فعل الارسال الخاص حقق لا هنت

أرحب يالملك أرحب يالغالي أشكر مرورك الكريـــم ولاهنت أبشر طال عمرك بفعله وأنا ماعرف أفعله بس بخربط وأحاول يمكن يتفعل واللي يعرف كيف يتفعل يفيدناء مشكوووووووور

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة دغش محمد الدوسري

أرحب يادغش أرحب يالسنافي وجهك أبيض أشكر مرورك الكريـــــم لاهنت تحيــــاتي وتقديــــري

 

 

 

 

[معلومات العضو يحيى الودعاني]

قصه رائعة و اختيار موفق

لكن القصيدة اطول من ذلك


لاهنت

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة يحيى الودعاني

قصه رائعة و اختيار موفق

لكن القصيدة اطول من ذلك


لاهنت

أشكر مرورك الكريـــم أخوي الودعاني إذا تعرف القصيدة كامله ياليت تزودناء بها لاهنت

 

 

 

 

[معلومات العضو محمد بن سالم الخضراني]

لاهنت يابومبخوت على القصه والقصيده

 

 

 

 

[معلومات العضو الشقرديه]

لاهنت اخوي على اختيارك القصيده الرائعه

 

 

 

 

[معلومات العضو خلاّد الزايدي]

الله يرحم بندر ويجزاك خير يااشكري
والسالفة اللي نقلتنتها الله اعلم بصحتها لان الناس تالي قاموا
يحطون السوالف والقصص حول بعض القصايد المشهوره
وبعدين استبعد ان بندر قالها بذا السرعة رغم علمي بشاعريته ولكن
ذا الابيات تبي لها رواقة وتركيز وعاد بندر الله يرحمه راعي تركيز
وبالمناسبة سمعت ان بندر قال في البداية ياصخيف السيقان او الكرعان
فقال ابن ربيعان : ارفعها يابندر فقال بندر : يااصخيّف الذرعان ,,, والله أعلم

وبالمناسبة راعي الموضوع الأصلي يقول ابن ربيعان امير عتيبة وكلنا
نعرف الخلاف حول مسمى امير عتيبة ...ونعم والله بعتيبة الهيلا

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة محمد بن سالم بن فهيد

لاهنت يابومبخوت على القصه والقصيده

أرحب يابوسالم أشكر مرورك الكريــم ولاهنت

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة الشقرديه

لاهنت اخوي على اختيارك القصيده الرائعه

الشقردية أشكر مرورك الكريــــم

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة خلاّد الزايدي

الله يرحم بندر ويجزاك خير يااشكري
والسالفة اللي نقلتنتها الله اعلم بصحتها لان الناس تالي قاموا
يحطون السوالف والقصص حول بعض القصايد المشهوره
وبعدين استبعد ان بندر قالها بذا السرعة رغم علمي بشاعريته ولكن
ذا الابيات تبي لها رواقة وتركيز وعاد بندر الله يرحمه راعي تركيز
وبالمناسبة سمعت ان بندر قال في البداية ياصخيف السيقان او الكرعان
فقال ابن ربيعان : ارفعها يابندر فقال بندر : يااصخيّف الذرعان ,,, والله أعلم

وبالمناسبة راعي الموضوع الأصلي يقول ابن ربيعان امير عتيبة وكلنا
نعرف الخلاف حول مسمى امير عتيبة ...ونعم والله بعتيبة الهيلا

الزايدي أرحب أشكر مرورك الكريـــم وتعليقك الطيب لاهنت