|
|||||||
14-11-2005, 11:33 AM
|
#1 | ||||||||
|
محاورة البدوي والفلاح
بأبـدي بذكـر الله علـى مايكونـي=قـدام بـدع امثالـهـا واللحـونـي
وأعـدل القيفـان عـدل الغصونـي=من هاجس عنـا هناديـب الافكـار وأصب قافـي مثـل صـب الريالـي=وألعب بملحوني علـى شـف بالـي حيـث المعانـي تستـوي للرجالـي=وأتشوق اهل العرف واصحاب الانظار وترى القصيد أمجيد يا مستمع فيـه=لا جا من اللي باخص فـي معانيـه ويعدل القيفـان مـا هـوب يلويـه=معتاد فـي بـدع الملاحيـن بيطـار واللعـب لا منـي بغيتـه يجيـنـي=خذت الدفاتـر والقلـم فـي يدينـي وأسعره مـن بـاب سعـر مكينـي=وآخذ من الجزلات والزيـن واختـار وجاني اثنين من الرجـال المفاليـح=واحد خصيم عـن جميـع الفلاليـح والآخـر اللـي وكلـوه المصاليـح=أهل البكار اللي رعت عشب الاقفـار قالوا ترانـا يـوم جينـاك راضيـن=أحكم بحكم يقصر مناحـس الشيـن قلت أدعوا والحق ما يرضـي اثنيـن=لو كان انا في حكمكم صرت محتـار قلت ان كان راعي البل بدا بالخصومه=اركـد ترانـا فـي دوايـر حكومـه لا تحسب انك يـم هضبـة يعومـه=تجر صوتك عند اباعرك فـي غـار قال ابغاك تحكم لـي وتحكـم عليـه=واتشوف منا اللـي جـزع بالخطيـه وعـودت تلمزنـي بذكـر المطيـه=احسبك قاضي واثرك اليـوم عيـار قلت اقول لك بشويش لا ترفع الصوت=وحط العصا والخنجر اللي ورا الكوت وذولا المشايخ هايبين مـن المـوت=والبدو هم اللـي مقابيـس الاشـرار احتـج عنـدي بالكـلام المـقـادي=وكـب اللجايـج والخطـا والعنـادي ولازم تثبـت حجـتـك بالـوكـادي=هات الصحيح وكب تلفيـق الاعـذار ثم قال راعي البل لنا حـق وحقـوق=حنا هل الطالات وانـا هـل النـوق اللي تبعدنا عن المشي فـي السـوق=ولاعندنـا لوكـان غليـن الاسعـار الـزاد فيهـا والـكـلا والحليـبـي=اليـا لقـت مـع الشقـارا رطيبـي والا انت تاكل لـك تميـس وزبيبـي=حتى عشاك يخاشـرك فيـه عمـار ثم قال له راعـي النخـل والفلاحـه=الشكـر لله وسـط غـرس وراحـه مانـي بمثلـك يـا قليـل الرباحـه=انا مريح وانـت مـن دار فـي دار لا جا الربيع وحلت بالـذود للعشـب=امـا ورا الصمـان والا ورا كشـب للعبد يزري يظهر العـذق لا نشـب=اصرم واسعر وانت في زود محـدار واهل الفلاحه في النخل مستريحيـن=بين المكايـن والعنـب والبساتيـن والبـدو عذبهـم ركـوب البعاريـن=وشديدهم في الليل والصبح ما انطار عشرين شده في الضحا كـل يومـي=تقفـي وتقبـل والمظاهيـر تومـي والقيظ جاكـم والضمـا والسمومـي=مالك ومال اللـي يوديـك الاخطـار ازين تريـح عـن جميـع البـداوه=وعن النشايـب والعنـا والشقـاوه وان كان تبغـى راحتـك والطـراوه=انـزل مـع اللـي نازليـن بجبـار مع الرجال اهـل الغـروس الظليلـه=قبيلـة وا ويـهـا مــن قبيـلـه فكاكـة المرثـي نـهـار الدبيـلـه=لا جا لزلبات الرمـك فيـه معصـار ثم قال راعي البل ما ابيلـك تدابيـر=عيب على اللي يبدي الشور ما شيـر شفي قطيع فيـه رمـس المغاتيـر=حتيش يا غرسك ولـو كـان ثمـار حتيش لـو يثمـر وتكبـر عذوقـه=وحصيله اللي ينتجـه مـا يسوقـه لا جاك راعي الدين يبغـى حقوقـه=قام يتردد ما خلـص قطعـة امـرار والا ترى البل فـي ليـال الربيعـي=نشـرب لبنهـا وان بغينـا نبيعـي خذنا الدراهـم فـي يدينـا جميعـي=محتـاج يالفـلاح والبـدو تـجـار ثم قال له راعي النخل لـو تمـاري=مغبون لو عسيـت نقـع الخبـاري لا احداك عن ام السـرب والمقـاري=لا جيت تبغا لـك حشيـه ومصفـار هدب الجريد اللي قبـل مـا يروحـي=كبار الشباب اللـي يزيـد الفروحـي لو كان عنـدك خلفتيـن ومسوحـي=لو بعت ما جـن للمكينـه بمسمـار يالبـدو عذبكـم شـراب الملاحـي=وانا نزلت بغرستـي فـي القراحـي والليـا رقاهـا عبدهـا بللقـاحـي=ثـم نشـرت يازيـن ذاك التنشـار ولا جا يعدلها لقاهـا علـى الكيـف=وسع تخاريـص الجريـد المهاديـف يا زينهـا لا نظفوهـا عـن الليـف=مثل الهنوف اللي تهنصـر تهنصـار وغرسي رواسي ما يصيبـه جفالـي=ماهوب يعقـل بالمـرس والحبالـي يا زين نومي فـي طويـل الظلالـي=في وسط دالـوب حوابيطـه اكبـار والا انت مـا تعـرف تدبـر حلالـك=في الليل ذودك عازب عـن عيالـك تمشي مـع الخليـان دايـم لحالـك=وان مت مـا تلقـا مغسـل وقبـار لا جا العصير وجت حلول المراويـح=والناس قامـت تذكـر الله بتسبيـح لينك تعدي فـي المراقيـب وتصيـح=ما كنك الا مـن المجانيـن بشهـار ثم قال راعي البـل تسمـع جوابـي=لا قـل مـاك ويبسـن الجـوابـي ووصل مجـم البيـر حـزم صلابـي=قالـوا تولـم هـات للبيـر حفـار ضلـع نكـاز مـاه ماعـاد ينـاش=وحولـت بالمقـلاع تبغـاه ينهـاش ويوم الصبي شافه قوي فض وانحاش=وامسيت في هم النخل جعلك مجـار ياما جـرا لاهـل النخـل والكـداده=امن التعايـس والمحـن والزهـاده تلهيك حتى عـن فـروض العبـاده=عن الصلاه وعن مقامك بالاسحـار والا تـرى البـل مستمـر سعدهـا=كم خلفة ما اصرهـا عـن ولدهـا واليا ضوت على العرب في وعدهـا=غبقتهم لـو يمتلـي البيـت خطـار يا ما حلا لا روحت عقـب مسـراح=على فريقي والمطر تـو مـا طـاح ما غير ندفعها عن العشـب سمـاح=كن الجمل في وسطها يظرب الطـار ثم قال له راعي النخـل والزروعـي=ما أسمع كلامك في كبار الفروعـي في غرسي اللي في المسيله شروعي=يا غـردق وأكثـر طلاعـه تبكـار ما أطيع في سب الجبابير مـا اطيـع=اليـا طلـع مثـل البنـي المفاريـع وكلـه تبكـر بالعـذوق المهانـيـع=وكانه بعد غير العنب حطوا اشجـار الغرس كـل اهـل المراجـل تحبـه=قدامنـا ابـن جويريـه مـا يسبـه واليا طمـع بـه واحـد مـا يسبـه=ما مثل الغـرس فـي كـل الاقطـار لا جت ليال القيض والبـدو مبطيـن=كبـو جميـع ادباشهـم والمقاطيـن على العدود ومقعـد فـي المعاطيـن=لو كـان ذودك كـل حيرانـه ابكـار كبوك لا قالوا ترى اللون قـد شيـف=يبغون مقيـاظ النخـل والمخاريـف وأكل الرطب امن العذوق المراديـف=وياراعي النوقات ما عاد لـك كـار ثم قال راعي البل عسـى الله يعينـي=ومن راح عنـي لازم انـه يجينـي والله ما اكـب مجروعـات الحنينـي=واني لاصـدر عندهـا بـام كـرار واليـا وردت مطلوحـات العـدودي=امن الشفا والا من اقصـى النفـودي دليـت لـي دلـو سنـاه القعـودي=العـرب عليهـا نيهـا كنـه اجـدار ولا صـدرت مـن عدهـا مستمـره=تبغـا مكـان فـي شواويـه غـره يا زيـن حـذف اديودهـا للاصـره=في مرقم جـا للزهـر فيـه نـوار ورعي النخل خطر من الهم والويـل=لا قالوا الوايـت تعطـل ورا السيـل ثم قلت شوفوا وش بعـد فالبراميـل=قالوا لنا يومين ناخـذ مـن الجـار ثم اهجـرت كـل المكايـن وقوفـي=وسـط البيـار ملحفـات صفوفـي وغرسك تعرض للخطر والصدوفـي=ولا خير في شئ طعامـه فالامصـار وان جيت تبغا لـك معاويـد عييـت=حتاك تدري عن خطاك انك اخطيـت البل تعينـك كلمـا طحـت وازريـت=على النخل تعيـن وافيـن الاشبـار البـل لهـا عنـد النشامـا محبـه=ما أخبلك ياللي تلحـق البـل مسبـه أخير مـن بيـر تبـي منـك صبـه=عاقبـك ربـي بالنخـل والتخسـار يـا حبنـي لمقرقعـات الـتـوادي=اللـي تبعـد عـن وخـام البـلادي ما أزين جملها في ليالـي الهـدادي=ما ينردع عن جلهـا كـود بهجـار ثم قال راعي الغرس علـم بتوكيـد=ياراعي البـل مـا نبيلـك معاويـد بآخذ مكينه مـن الزراعـه بتقصيـد=واسوق بستاني ولو صـار ماصـار وايضـا حكومتنـا لنـا مستـعـده=جت بالمكايـن عانهـا وسـط جـده والبنك فاتح فيـه مـن كـل عـده=وفي عهـد فيصـل للفـلاح تطـوار بأقوم في غرسـي ولانـي بمليـوم=والله لاجاهد عنـده الصبـح واليـوم واقومـه بعـزوم واطيـح واقــوم=لو كان صرت من التعب فيه جضـار المرجله مـا حـد خذاهـا بهونـي=ولا أحد كسبها بالهـوى والخمونـي كود الرجـال اللـي قبـل يتعبونـي=وغمر على صكـات الايـام صبـار ياراعي البـل ظـن قلبـك هبيلـي=لوكان تملا مـن لبنهـا الصميلـي والغرس ماله في المراجـل مثيلـي=ربي جعل في الغرس جنات وانهـار ويوم ان مريم جت بعيسـى تشيلـه=جعـل لهـا ربـي نخلـة ظليـلـه تسقط عليهـا مـن رطبهـا هليلـه=وهذا دليل الغـرس لـه زود مقـدار قلت اسمعوا يأهل الظفـر والحميـه=الكـل منكـم مـا بقـا لـه دعيـه يا حبنـي لأهـل الوجيـه الرضيـه=اللي يطيعـون النصيحـه والاشـوار وانـا بأواسـى بينكـم يالعـوانـي=عنـدي حشـام وكلبوكـم خوانـي والصلح خير وسيـد كـل المعانـي=واللي يعيي ما يبـي الصلـح بـوار ياراعي البل مـا لقينـا لـك امثـال=أم الجمايل هـي فـي كـل الاحـوال وهيه طرات الوقت والعـز والمـال=اليا رزقها الله من الوسـم بامطـار واما ان ياراعي النخـل والزراعـه=لا جت ليالي القيض عنـدك طماعـه مخـارف تكتـهـا كــل سـاعـه=لاهل الركاب اللي من البعـد ظمـار وصلاة ربي عـد ماناحـت الـورق=فاقصى الشمال ويمت الشام والشرق وعد الرعود وما اختفق لايح البـرق=علـى نبـي عـزه الله عـن النـار وعدود ما جـرت لحنهـا الحمامـه=على شفيـع النـاس يـوم القيامـه يوم ان كـل مـا يبـي الا السلامـه=في موقف نهار شخصـات الابصـار
|
||||||||
|
|
|
|
14-11-2005, 01:16 PM
|
#2 | ||||||
|
الشاعر +المشرف +المبدع+محب الجميع
يسرني ان اكون اول من سجل حضوره في متصفحك الله يبيض وجهك والجزل معروف مايجي منه الا الجزل تقبل تحياتي
|
||||||
|
|
|
|
14-11-2005, 01:25 PM
|
#3 | |||||
|
اقتباس:
كفو يستاهل
|
|||||
|
|
|
|
14-11-2005, 04:37 PM
|
#5 | |||||||||
|
اقتباس:
المسعري
مرحباً مليون × مليون ولايكفون وأنا يسرني ويسعدني ويشرفني حضورك ياذيبان جعل عيني ماتهل عليك يالقرم وجعل من أرثك في الجنة عاطر التحايا لشخصك النبيل من محبك الدائم : دغش بن بطي
|
|||||||||
|
|
|
|
14-11-2005, 08:01 PM
|
#6 | ||||||
|
اررررررررررحب يابومحمد
|
||||||
|
|
|
|
15-11-2005, 08:29 AM
|
#7 | |||||||||
|
اقتباس:
صعوط المجانين
أررررررررررررحب يالقرم وعلومك كلها غانمة لاعدمتك ولاعليك زود ياذيبان شرفني مرورك الرائع وأسعدني تعقيبك الفاخر لاهنت وبيض الله وجهك تحياتي العطره من محبك ومحب الجميع
|
|||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| محاورة اتركي 2000 وبن عتقان | شافي بن راشد النتيفات | :: قسم المــحــاورة والألــغـاز:: | 15 | 22-07-2011 08:06 PM |
| محاورة الأصمعي والعاشق | راشد المسعري | :: قسم المــحــاورة والألــغـاز:: | 6 | 01-04-2011 01:58 PM |
| محاورة لي مع البقمي(في احد المنتديات ) | مبارك بن الجوير | :: قسم المــحــاورة والألــغـاز:: | 16 | 06-03-2011 07:27 PM |
| محاورة : فلاح القرقاح وسلطان المسعري ,, قوية | غازي المسعري | :: قسم المــحــاورة والألــغـاز:: | 20 | 31-12-2010 09:34 PM |
| محاورة شعريه بين عريس وزوجته لليلة الدخله (ادخل واضحك) | محمد بن فهد الرجباني | :: قسم قصــه و قـصيــده :: | 5 | 08-08-2010 01:32 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 05:55 AM
