ترجمه للأمير محمد السديري وبعض القصائد

[معلومات العضو يحيى الودعاني]

	الامير محمد السديري : هوالاميرمحمد بن أحمد بن محمد بن أحمد بن محمد بن سليمان بن فوزان بن تركي السديري البدراني الدوسري , (أبو زيد) علم من أعلامهم البدارين , شاعر متميز ومن أعظم وأبرز شعراء الجزيرة العربية , نال شهرة واسعة , انتشرت قصائده بين ابنائها , طرق بشعره جميع اغراض الشعر وخاصة الفخر والحماسة والحكمة والغزل , ولد بمدينة ليلى عاصمة الأفلاج عام 1335 هجري , تقلد العديد من المناصب , منها إمارة الجوف وكان عمره لايتجاوز الخامسة والعشرين وذلك عام 1357 هجري , وفي عام 1364 هجري تولى إمارة جازان حتى عام 1367 هجري , وفي نفس السنه عين أمير لقواة المجاهدين السعوديين للقتال في فلسطين , وبعد ذلك عين محافظاُ على منطقة خط الأنابيب في الحدود الشمالية (التابلاين) لمدة سبع سنوات , وفي عام 1382 هجري عين مشرف على الحددود الجنوبية بمنطقة جازان حتى عام 1389 هجري , وتوفي رحمه الله في 1/3/1399 هجري , بعد حياة حافلة بلأحداث العضيمة , وله من الأبناء أثناعشر ولدا , وترك خلفه إرثاً زاخراً من الشعر الشعبي , وله ديوان مطبوع , وكذلك الملحمة الزايدية , وكتاب أبطال من الصحراء الذي حفظفيه تراث الآبا والآجداد بما فيه من شهامة وشجاعة وكرم وفروسية , رحمه الله رحمة واسعة . قال فيه والده الأمير أحمد بن محمد (الثاني) أبياتاً يعبر فيها عن ثقته فيه واعجابه بصفاته الرجولية, من وفاء وصبر وتضحيه , حيث قال : محمد ابني ماحصل منهالانكــــار = ماخاب ظني بـــه كعــام المصاطيـــر عز الله أنــــه نادر العــــش مابار = من شبته ماشفت منـــه المناكيــــــر هليع حرار ويكرم الضيف والجار = ويرخص لى النفس العزيزة بتصخير أنا أنشد أنه بالمــــــواجيب مابار = ولا يلفـــــق لــــى كثيــــــر المعاذير من قصائدة الله يرحمه : أنا من نجد يكفيني هواهـــــــا = ويبري لوعتي شربي لماهــــا وشوفي من نبيه ومـــن نوده = غـــزال تابع قلبــــــي هــــواها غزال ضيعت عقلي وروحي = رمت قلبي وقلبي مارماهــــــا لها بالروح وفؤادي مــــــودة = ولاشىء من احوالي خفاهـــــا تعرف أني لها مملوك طايـع = أبيع الروح في دورة رضاهــا أهيم بحبها واخفي جروحـــي = وقلبي ماعشق زول سواهـــــا توقد حبها باقصى فــــــؤادي = ونار الحب يحــــــرقني لظاها ملكني بالهوا عــــذب السجايا = ولااذكر ساعة قلبـــــي نساها نحيل الخصر وضــاح الثنايا = نظيم الدر منظــــوم بفاهـــــــا فجعني بالهوا ورقا حمامـــــة = وعيني منه جاهــا ماكفاهـــــا ورا دنيـــاي عقبه لـــــوعتني = من الفرقا تكر لـــــــي صفاها ويقول الله يرحمه: الله مــــن هـــــم بروحــــي سهجها = بخافي ضميري فــي كنين الحشا لاج أحــر مـــن نار تـوقــــد وهجهــــــا = منها خطر روحي علــــى سلك ديباج وعينٍ عسى المولــى يعجل فرجهــا = غيظٍ يكظ عبارها مثـــــل الأمــــواج كم واحــدٍ له غايـــةٍ مـــاهرجهــــــا = يكنها لــــو هــــو للادنيـــــن محتاج يخاف من عوجا طـــوال عوجهـــــا = هرجت قفا يركض بها كل هـــــــراج يقضب عليك المخطية مـــن حججها = حلو نباة وقلبه أسود مــــــن الصاج اللــــه خلــــق دنياً وســـــاع فججها = وعن مايريب القلب لك كم مــن هاج والـــــرجل وان شطت لياليك سجها = عسى تواليها تبشــــــر بالافــــــراج وقال في الغزل : كــــل ماجـــــريت ونات الحشـــا = زادت الـــــونات قلبـــــي جـــــروح من هوى اللي ما على الدنيا مشا = مثل زوله لا ومنشــــي فلك نــــوح يوم شفته فــز قلبـــــي وانتشـــا= وابدلت روحــــي بعد شــــوفه بروح قــال طامــــع قلت لالالا حشـــــا = بس ابي من فاك يالغالــي صبـــــوح نور خدك مثـــل بـــــراقٍ نشــــا = ضاح لي في نور وجهك نور ضوح ياحبيبي لا تطاوع مــــن وشــــا = من حكى بفــــراقنا قلـــــه يــــــروح ومن قوله في الحكم : مرقا العلا خطيرٍ عسيـــرٍ صعــــوده = مايطلعه من لاتجــلد علــــــى الكـــــــود والــــبيت مايبنـــــى بلــيا عمــــوده = والحيف يزعل من عن الحـــق مــــردود والحر يجزع يـــوم تـــوطأ حـــدوده = وتشرهه نفسه علـــى الطيب والـــــزود ولايشتكي من لا تضــــــره لهـــوده = إن شاف جور الحيف والــــعدل مفقـــود والوقت شفنا كل بيضـــــه وســوده = وشفــنا نهــــار مـــــع لياليه مضهــــود والغيم لو تسمع صواعــــق رعـوده = لاممطـــــرٍ وبـلٍ ولا هــــــوب مـــريود يامدورين الطيب قيســــــو عــدوده = والطيب عــــــدٍ بين الجــــواد مـــــارود والناس بأرض الله تراهـــم شهــوده = وحق بلا فعل على الرجـــل مجحــــــود والنذل حيــلات الـــــردى ماتكـــوده = واليا بغا الطولات مايـــــــدرك الجـــــود عن المـــراجل قاصــــــرات زنــوده = طير العشا يصبر على كــــــل منقــــــود الخيل ماتشتكــــي مضاريب عــــوده = وبالقيض ماركب النضا مثل صاهـــــود يعيــش فـــــي دنياه همــــه رقــوده = ولا نفضنـــه قـــرح الخيــــل والقـــــود لا عل رحمــــة خالقـــــه ماتعــــوده = وعساه مع زمــرة هـــل النار بخلـــــود هــــــذا زمـــان هـــــايبات فهــــوده = والناس نادو عنــترة بســــم مسعــــود واشوف لــي رجـــلٍ يعدد جــــدوده = لو أن أبوه وجده اضعف مـــــن الـــدود كلت من المأطاء رواســي حيـــــوده = والبـــــوم شاش ولابـــــسٍ درع داوود والنيص حط لهامة الــراس خـــوده = عقب المذله له طــــــــوابير وجنــــــود ماكن شـــيء فــــي زمانه يكــــوده = شاهد بها الــــــدنيا سلامات وركــــــود وحتى الغراب اليوم يفخر بجـــــوده = والفأر بذراعـــــه قطع كـــــل بالــــــود والشري والحرمـــــل تباهت وروده = وقامت تشيل غصونه الماس وعقــــود وله ايضا في الحكم : يقول من بايات فكــــره تكلـــــــم = ايات مصــدرها خفــــــي الضمايـــــــر ان دك بي داكـــوك قمت اتعـــــزم = اخفيه لو أنه علــــــى الروح جايــــر اخفيه عن ماكان لو هو ولـــد عم = لاقابــلٍ شـــــوره ولا هـــــو بشايـــر اخاف أبـــوح الســـــر ثم اتنــــدم = ويـــــدري بســــري الســــر بايـــــــر الناس بلوى الناس بالحكي تظـــلم = وبعض الصغاير يجعلــــونه كبايــــــر كـــم قالةٍ بالحكي قامـــت تعظـــــم = كبرت ولو هـــــي من صغار الصغاير تلفح وعنـــــد ولادها ينثر الـــــدم = ويلفحك من حامي هــــــــواها سعاير تالد كسوب وبين الأشــرار تتـــوم = تتــــوم باتلاها تجــــــر الجــــــــراير واليا ندهني واحـــدٍ قلت له ســـــم = بالطيب قلبــــي ماتمهــــــل يخايــــــر ياما على الشدات نصبـر ونجـــــزم = ان ضيعت بعض الـــــــرجال البصاير ان قامـــت الاريا تفـــــرق وتلتــــم = لاضائــــعٍ رائــــــي ولا نيب حايـــــر وان كان بعض الناس بالضيق تهتم = امشي بدربي بأوسط الضيق سايــــر وان شفت من هو من زمانه تهضم = قلت الهظايــــــــم للعـــــــذاري براير وان شفت ميلات الزمان وتضخـــم = بالعزم هو والحــزم شفت البشايــــــر احدٍ بفعل الطيب يذكــــر ويحشــــم = واحــــــدٍ عــــن الطولات حاير وخاير لعل بيتـــــه بيـــن الأبيات يهـــــدم = هذاك حواش الــــــردى والخسايــــــر يابعد فرق الناس كافـــر ومسلـــــم = تخيــــروا يامــــــــدورين الذخايــــــر وله ايضا: لزيت نفسي ميــــر عيت تلـــــزا = وقهرتها غصبٍ على غير ماجــــــــاز مير إنها شامت تبي درب عــــزا = وتبي من الأحــــراز تظهـــــر للابراز ان صار من بعض المشارب تكزا = النفس ما تغصب علــــــى غير ماجاز وش حيلتي لاصار فكري مجــزا = وقتــــه رماه وفـــــرقه مثــــــل عناز كن المناشر له تعـــــط وتحـــــزا = وكنــه قالـــــــع الضــــــــرس بالكاز عيني إلى نامت عيــون الأعــــزا = ياقف لها عـــــن لذة النـــــــوم حجاز وعن الهموم إلـــى بغيت اتعـــزا = تجهز علي جموعها فرد واجــــــواز راياتها وســـط الضماير تــــرزا = ليته يذاودها عن النـــــوم حـــــــواز اكنها ولها بصـــــــدري مــــوزا = اخاف يقضب غيبتــــي كــــــــــل لماز حلو كلامه ميـــــر قلبه مخـــــزا = وده يحطك وسط نارٍ مــــــــــن الغاز واسهر وعندي شنف تقـــل وزا = وأن لهن مع ضيقة الصـــــــدر معتاز فنجالهن بيــــن الشــــفايا يمـــزا = اشقر ومشــــــروبه عن الخمر يمتاز وأفرح بعلــــم صاق مبرهــــــزا = ونبــــي علــى سكانة القـــدس ملكاز وللأمير محمد السديري هذه الرائعه : يقول من عدا عــــلى راس عالـــــي = رجم طــــــويل يــــدهله كل قــــــرناس في راس مرجـــوم عسير المنالــــي = تلعبـــــــه الأرياح مــــع كـــــل نسناس في مهمه قفر مــــن النس خالــــــي = يشتاق له من حــــس بالقلب هــــوجاس قعدت في رأســــــه وحيدٍ لحالــــــي = براس الطـــــويل ملابقة تقل حـــــراس متذكر فــي رقبـــــي وش غدالـــــي = وصفقت بالكفيــــــن ياسٍ علــــــى ياس اخـــــذت أعـــــــد أيامها والليالـــــي = دنيا تقلــــــب ماعـــــــرفنا لهــــا قياس كم فـــرقت مابين غالـــــي وغالــــي = لوشفت منها ربح تـــــرجع للافــــــلاس ياما هفا بــــه مــــن رجالٍ مـــــدالي = ماكنهم ركبوا علـــــــى قب الأفــــــراس ولا قلطوهــــــن للكمين الموالـــــــي = ولا صار فوق ظهورهن قطف الأنفاس ولا رددوا صــــم الرمـــك لتوالـــــي = كلٍ يبي مـن زايد الفعـــــــل نــــــوماس من بينهم سمــــــر القنا والسلالــــي = مثل البروق بــــرايح ليلـــــه ادمـــــس يقطعــــك دنيا مــا لها أول وتالـــــي = لو اضحكت للغبن تقـــرع بالاجــــــراس المستريح الي مــــــن العقل خالــــي = ماهــــو بلجات الهواجيــــس غطــــاس ماهوب مثلـــــي مشكلاته جلالــــــي = ازريت اسجلهن بحبـــــرر وقــــــرطاس حملــــي ثقيل وشايلــــه بحتمالـــــي = واصبر على مـــــر الليالــــي والاتعاس وأرسي كما ترسي روس الجبالـــــي = ولا يشتكي ضلــع عليه القــــــدم داس يابجاد شـــــب النار وادن الدلالــــــي = واحمــــــس لنا يابجاد مايقعـــد الراس ودقه بنجـــرٍ ياظــــــريف العيالـــــي = يجذب لنا ربعٍ علــى اكــوار جــــــلاس وزلة إلــى منه رقـــــد كل سالـــــي = وخله يفـــوح وقنـــــن الهيــــل بقياس وصبه ومـــده ياكـــــريم السبالـــــي = وروابعٍ تضرب بها أخماس واســداس لا خاب ظنــي بالــــرفيق المـــــوالي = مالـــي مشاريه علـــــــى نايــــد الناس لعـــل قصــــر مايجيلـــــه اضلالــــي = ينهد مـــــن عالـــــي مبانيــــه للساس لا صار ماهـــو مدهــــل ٍ للرجالـــــي = وملجا لمن هو يشتكي الظيـــم والباس بحسناك يامنشي حقـــــوق الخيالــــي = ياخلقٍ أجــنـــاس ويامفنـــي اجنــــاس تجعل مقــــره دارس العهــــد بالــــي = صحصــــاح دوٍ دارسٍ مابــــه أوناس البـــوم فــــي تالي هدامــــه يلالــــي = جزاك ياقصـــــر الخنا وكـــــر الادناس متـى تــــــربع دارنــــا والــمفالــــي = وتخضر فياضٍ عقــــــــب ماهيب يباس نشــوف فيها الــــديدحان متوالــــــي = مثل الرعاف بخصر مدقـــوق اللالعاس وينثر على البيدا ســـوات الـــــزوالي = يشرق حماره شــــــرقة الصبغ بالكأس وتكبر دفــــــوف معبسات الشمالــــي = ويبني عليهن الشحـــــم مثل الاطعاس وله ايضا : وله في الغزل : في منامي زارني طيـــــف الحبيب = قلت لـــه يامــــرحبا وش ها لبطا الجفايا ياصاحبـي منكـــم غـــريب = وانت ماعــــودتني كثـــر الخطــا ليه تنسى الحـب يالغض الـــرطيب = ليه تنسـى نـــــومنا تحـــت الغطا حبكم وسط الحشا جـــرحه عطيب = في ضميري يابعد روحــــي سطا من جميع الخلق ما غيـــرك قريب = من مشى تحت السما فـوق الوطا ياطبيب الــــروح ماغيــــرك طبيب = بالــــــرضا عودتنـــي زين العطا جض قلبي في الحشا عقب اللهيب = مـــن فــــرقاك مثل ماجض القطا وله ايضا : الصدر ضاق وحاير والدمـــع دفاق = من ناظرٍ مـن جاير الدمع مــــــرهوق دمعٍ تكبـه عين عاشـــــقٍ ومشتاق = ارعد سماها بالغضب وأمطـــر الموق إلى سفحٍ من فوق الوجان وانساق = تسيق منه معيلــــه مـــــرتع النــــوق ماحدٍ رحمني يوم الاقدام غــــرراق = من جور عبراتٍ تكســــر بصنـــــدوق صدرٍ من الفرقا رمــــع فيـــه دقاق = واوجس معاليق الحشا يشعلن فــــوق إلـــــى بغيت ادله تذكـــرت لفـــراق = طفلٍ على شل المعاليـــــق مطفـــــوق طفلٍ نفل بالــــزين شخصات الاعناق = عز الله أنه طالنــــــي منه ملحـــــوق فيما مضـــى دنياي جتلـــي بالأوفاق = وردت عــدٍ قبل ماهــــو مطــــــروق جيت الحبيب دالــــه بالكـــــرى راق = ومجوهرات مبيسمـــه ذقتهــــن ذوق يوم أنتبه لـــي صاحبي عقــب مافق = دلى يعاتبني علــى الغــــدر والبــــوق يقــــول مامثلك للأ جــــواد ســـراق = ولا انتب على هذا من الناس مسبـوق قلت اعذرو من زاركـــم ما له ارفاق = وروس الافاعي بالقدم حطهن ســوق مالـه صديـــقٍ وبه يضيعــــن الافاق = وليا جفيته مايبـــــي كـــــل مخلـــوق واسفر حجاجه وابدل الوجه باشراق = وافتر عن بيض تكاشف بها بــــروق منهن سقانــي كأس خمـــرٍ بتـــرياق = زود على مافات بالغـــــدر مســـروق احباب الاحـــباب تعاطـــوا بالاريـــاق = وارواح تحيا بين عاشق ومعشــــوق هو حط ذرعانه لي فـــراش وارواق = وأنا لويت العضــــــد لمعنقه طـــــوق عليه مــــن شقـــــر العكاريش دلاق = تزها لجسم فارع الطول ممشــــــــوق ثوبـــه نظيفٍ ولا وطا فيـــــه عشاق = وثوب الخنا يجوزبه كـــل منطـــــوق شيوخ وشعراء ج/2 الهاجري

 

 

 

 

[معلومات العضو محمد البليهي]

لاهنت أخوي يحي على المعلومات النيرة عـن أحد رجالات قبيلة الدواسر الشاعر الامير محمد بن أحمد السديري أحد فطاحلة الشعر العربي،سيرة مميزة بالأمجاد والبطولات والرجولة الغير خافية على الجميع..
أبوزيـد الرجـل الشجــاع الذي مـازالت سجـاياه وبطولاته وكرمه وجزلة شعره حديث مجالس الرجال فرحم الله أبازيد فقد كان نعم الرجل المغوار00

 

 

 

 

[معلومات العضو أبوفهيد الودعاني]

المشاركة الأصلية كتبت بواسطة ودعـان الشماس

لاهنت أخوي يحي على المعلومات النيرة عـن أحد رجالات قبيلة الدواسر الشاعر الامير محمد بن أحمد السديري أحد فطاحلة الشعر العربي،سيرة مميزة بالأمجاد والبطولات والرجولة الغير خافية على الجميع..
أبوزيـد الرجـل الشجــاع الذي مـازالت سجـاياه وبطولاته وكرمه وجزلة شعره حديث مجالس الرجال فرحم الله أبازيد فقد كان نعم الرجل المغوار00

بيض الله وجهك اخوي يحيى الودعاني على هذه النبذة البسيطه العطرة

ولاتبطي بجديدك ،،،،

 

 

 

 

[معلومات العضو يحيى الودعاني]

ياهلا بخوي ودعان الشماس .
وياهلا بخوي ابو فهيد .

شرفتوا الصفحه .

 

 

 

 

[معلومات العضو الودعاني]

لاهنت ياولــــــــــد العم على المــوضـــوع المتميز
وبيض الله وجهك...

 

 

 

 

[معلومات العضو محمد الغريري]

يحيى الودعاني


شكرا لك على هذه السيرة العطره للامير محمد الاحمد السديري يرحمه الله

الشاعر الفحل الذي سخر موهبته الشعريه في ذكر امجاد وتاريخ الدواسر والذي له العديد من

القصائد التي تمتاز بالجزاله والحكمه والنصيحه ..



يحيى الودعاني شكرا لك مره اخرى على اجتهاداتك البارزة في المنتدى ..



اخوك في الله

محمد الغريري

 

 

 

 

[معلومات العضو يحيى الودعاني]

حياكم الله أخوي الودعاني.
وأخوي محمد الغريري.

كل راس منكم يستاهل راس

 

 

 

 

[معلومات العضو ((عبدالله))]

أخوي يحيى الودعاني


كتبت فأبدعت وأخترت أجزل المواضيع

ورحم الله الامير محمد السديري ابو زيد

ألف شكر وتقبل تحياتي

 

 

 

 

[معلومات العضو يحيى الودعاني]

ياهلا بخوي عبدالله حياك الله يذيب

 

 

 

 

[معلومات العضو فهدالمحيسن]

موضوع اكثر من رائع

 

 

 

 

[معلومات العضو يحيى الودعاني]

حياك الله اخوي فهد المحيسن

 

 

 

 

[معلومات العضو عبدالرحمن بن عويس]

(( يــــحـــيى الــــودعـــــــــانــــــي )) !!

أقــــدم شـــــكــــري وتــــــقــــديــــــري لـــــكــــــم !!!

واهـــنـــيـــــك مــــن :

قــــلــــبـــــي عــــلـــى ذوقــــك وحــــسن أختــــيارك للـــــكلمات والــمــواضــيع

الــعــــذبــــة وكــل جـــــديـــــد !!

وإبــداعـــكــم فــي صــياغة نـــقـــــل وطــــرحــهـــا بالمـــنتــــدى

إلـــى الأمـــام وبــــالـــتــــوفــــيــــق إن شـــاء الله وتـــسلم يمــــينك !!

أخوكــم/ عبدالرحمن بن عيسى بن عويس 10/2/1429هـــ

 

 

 

 

[معلومات العضو البدراني نت]

اولئك ابائى فجئنى بمثلهم = اذا جمعتنا ياجرير المجامع

 

 

 

 

[معلومات العضو فهدالمحيسن]

أقــــدم شـــــكــــري وتــــــقــــديــــــري لـــــكــــــم

أخي يحي الودعاني

 

 

 

 

[معلومات العضو يحيى الودعاني]

حياكم كلٍ براسه

و لاهنتوا على المرور