تصحيح قصيدة الخريصي الحقباني !!

[معلومات العضو ولد العياضي]

السلام عليكم ورحمة الله وبركاته

اخواني الأعضاء ..

يشرفني الأنضمام معكم في هذا المنتدى المتميز وارجو ان تضيف مشاركاتي لكم شيء جديدا ..

ومن احد العوامل التي حفزتني للأشتراك معكم هو قراءتي لقصيدة الخريصي عندما تحاكما عنده ابنائه ناجي وحسين..

وودت أن أصحح بعض الأبيات كما سمعتها من كبار الجماعه..

وإليكم القصيدة مصححه ....

يالله يامن هو علي منزله=أمره يقلط في السماء ويطاعي
ترى الصلاه هي والصيام امر الهدى=للي فطين القلب واللي واعي
لابد من كل(ن) يقدر منزله=في عرض شبرين(ن) وطول الباعي
ولابد من كل(ن) تكتفيه ذنوبه=يجيه عبدين(ن) وهو ما ياعي
يجيه عبدين(ن) في يديهم مخاطر=يسوون في راعي الخطا الافناعي
فالصدق يانعماك اللي يدهله=والكذب لوجيه الرجال طباعي
انا هاضني ربع(ن) تناصوا بكلمه=يقولون شايبنا به المقناعي
قمت اتمثل بينهم مثايل=ماتجهل المتفطن اللي واعي
البل ياناجي تسوق لك النخل=جلودها لظهورها تباعي
جلودها تجعل غروب(ن) للنخل=وتظهر لنا الماء من صليب القاعي
البل إلا للبل غدينا عيله=كنا دراويش(ن) طعام سباعي
البل إلا للبل تحيروا العرب=ضاقت على النطاش والزراعي
ياماحلا البل يوم هد بها الجمل=قد هو بجل عشارها صواعي
تاخذ اسبوعين(ن) وعقبه تنثني=وتبين لك الحايل من المقراعي
عام (ن) مجارير(ن) وعام(ن) درها=والعام الاخر حاشي(ن) ينباعي
ياماحلا البل يوم يدرج ذريها=حيرانها مثل الريال اتباعي
ياماحلا البل يوم تنقض جزيها=قد سنمها قعس(ن) من المرباعي
وياماحلا البل يوم تكهف مارد=سرفاتها تغشم على القراعي
يرد ذي ويهد كل صخيفه=وكنه لها من حوضها فراعي
اويها لولا دهور(ن) شفتها=يصبح حلال البدو منها قطاعي
اويها لولا الهيام وشيه=صيحة عصير (ن)مالها فزاعي
يمسي راعيها بكبده كيه=ويصبح بها متنومس الطماعي
من كان يبغي البل يشري سابق=قب(ن) تسابق حذفت المصراعي
اما يجينا سابقه معقوره=ولا يجينا نايس الاطماعي
عزيل من ماله فسيل(ن) ناعم=لاغلي في دار التجار الصاعي
لاهوب خايف (ن) ان القوم تخزه=ولا بغادي (ن) الى خطاه الراعي
المال غنا في السنين المربعه=والرابحه الناعمه في القاعي
ياطول مانا نزعبه طول الدهر=حتى اشترينا البل من البياعي
البنى ستر الغرس فيام القسي=بعواجي كسارة الانصاعي
مثل الحنش متغطرس (ن) في عدته=ويحط باروده براس جزاعي
يبغى لاجا نهار(ن) دويسه=لهو لقروم شيوخهم شلاعي

 

 

 

 

[معلومات العضو بوخالد]

السلام عليكم ياولد العياضي
وجزاك الله خير

 

 

 

 

[معلومات العضو العماني]

بيض الله وجهك ياولد العياضي على التصحيح وسلمت يمناك يالقرم

تقبل تحياتي،،

 

 

 

 

[معلومات العضو فيصل الشكري]

مشكور أخوي ياولد العياضي على التصحيح

ويعطيك العافية

وتقبل تحياتي

 

 

 

 

[معلومات العضو سعد المقابله]

لاهنت يالقرم وبيض الله وجهك

على التصحيح الطيب

 

 

 

 

[معلومات العضو ولد العياضي]

الاخوان: ابو خالد و هايف و فيصل و سعد
لاهنتو و بيض الله وجيهكم يالقروم.

 

 

 

 

[معلومات العضو عبدالله الدوسري]

ارحب


يالعياضي ابن العياضي




لا هنت و لا تحرمنا من ذي و امثالها




تقبّل فائق احترامي،،،

 

 

 

 

[معلومات العضو مـنـيـر آل راكـان]

العياضي



لاهنت يالقرم


وبارك الله فيك على جهودك


ننتظر جديدك


أبــــو فـــــــــارس

 

 

 

 

[معلومات العضو لافيزي]

مشكوووووووووووووووور عل النقل


وتقبل تحياتي