سجـــــــل حضــــــورك ببيـــت قصيــــــــد .. - الصفحة 54

**معلومات** **العضو** · 22-11-2012, 10:46 AM

أن رضينا نشعل الكون اشعار وغزل
وان زعلنا تنحدر شمس لاحضان المغيب
وان تلاقينا تضيع السوالف والجمل
وان تفارقنا غدا الكون مهموم وكئيب

**معلومات** **العضو** · 18-12-2012, 01:59 PM

الكلمـه اللـي تضايقنـا نعديهـا
وإن جاتنا من سفيه العقل طنشنا

مـادام نقـدر نمشيهـا نمشيهـا
من خوف نبلش مع الجاهل ويبلشنا

ولو كل عوجاء تجينا نلتفت فيهـا
ماكان سرنا مع العالـم ولا عشنـا

**معلومات** **العضو** · 26-12-2012, 03:31 AM

لاهنت يابوفهد على الطرح الطيب

تطلب نشارك وانت تغرف من بحور ****** لاتحسبن كل المخاليق شــــــعار
تنحت بيوت الشعر للشعر دكتـــور ****** من غير نقص في طويلين الاشبار[/size]

**معلومات** **العضو** · 09-01-2013, 06:49 AM

يارب وفقني على رضا والديني واستنير
و عني على الدنيا ليّا من كشرت با نيابها
وعذني من النفس ومشاهيها ومن موت الضمير
وزدني وصل من روضة المسجد ومن محرابها

**معلومات** **العضو** · 09-01-2013, 06:51 AM

ماني في حاجة عطايا مخاليق
ان مانوى الله بالعطا ما عطاني
و اللي شرى بالمال مدح المطاليق
والله ما يشري بالدراهم لساني

**معلومات** **العضو** · 09-01-2013, 07:59 AM

الذيب ماهرول عبث والطق في الميت حرام
والحر تكفيه الأشاره لا بغيت تعامله
انا ما اسج الرجل للي يرتخي وقت الزحام
اسجها للي علومه طيبه وازامله

**معلومات** **العضو** · 09-01-2013, 10:39 AM

يالله طلبتك لا تردي لنا راي
و لا لنا يارب تعمي بصيره
وتجملني بعيون احباي واعداي
واطلبك نفسي عن عذابك تجيره

**معلومات** **العضو** · 09-01-2013, 12:16 PM

من عقبكم مانبكي الحي لا مات
ولاني على الدنيا كثير الحسوفي
ياطول ماجريت بالصدر ونات
على فراق معطرين السيوفي

**معلومات** **العضو** · 09-01-2013, 01:59 PM

لا واهني اللي حياته عباده
قلبه معا ربه وجسمه مع الناس

**معلومات** **العضو** · 09-01-2013, 02:39 PM

الشاعر اللي ما يثمّن بيوته
ليته يكّرم سمعنا منه بسكات
واجب على المبدع يحطم سكوته
ويكتب عن اللي يلامس الناس بالذات

**معلومات** **العضو** · 09-01-2013, 02:42 PM

أنا الذي عاتب الدنيا ومن فيها
لأنها سمعت من غير حاديها
لأنها سمعت من غير شاعرها
شعرا عن الله يغويها ويقصيها

**معلومات** **العضو** · 11-01-2013, 06:59 AM

يحسب الموت في سن المشيب
واكثر اللي يموتون الشباب
تغرب الشمس و يشوف اللبيب
انها ترمز لموعد غياب

**معلومات** **العضو** · 12-01-2013, 04:48 AM

هـذا الزمـن يبغـالـه لـسـان دلاّل !
مـن يستحـي هالوقـت واعـزتـي لــه

وقـتٍ بـه ( الراعـي ) غـدى راعـي دلال
كـلٍ علـى طاريـه ينفـض شليـلـه !!

ومـن كـان ساسـه للـردى مضـرب امثـال
اليـوم يحسـب مـن كبـار القبيـلـه !!

المال !!المال يابن حنيف ملعون ابو المال
ذل العزيـز وعـز نـاسٍ ذليـلـه .!!

**معلومات** **العضو** · 13-01-2013, 09:14 AM

تايه ولا أدور من المقتدي راي
تاخذني العزه بالإثم وتراني
خايف من اللي راح أكثر من الجاي
الدرب طال وعادني في مكاني

**معلومات** **العضو** · 13-01-2013, 10:22 AM

ياشين مس الشوق في كبد مشتاق.. مثل الجمر لاشب من تحت ،، [دله]..

يبطي به العاشق من الشوق مافاق..ويذوق من مره ،الصبر ألف عله....

الذين يشاهدون محتوى الموضوع الآن : 45 ( الأعضاء 0 والزوار 45)

		منتديات صحيفة وادي الدواسر الالكترونية