شعّار في خدمة رسول الأمة=والدين نرفع رايته وشعاره

[معلومات العضو راشد المسعري]

المشاركة الأصلية كتبت بواسطة ابن ذيب الودعاني

يقول من يبدأ بكل أشعاره = ذكر الله المعبود خير اتجاره
يازين شعرٍ فيه ذكر المولى = اللي خلق جنة وخالق ناره
اللي خلق الانسان باحسن هيئة = وبحكمته كل الفلك دوّارة
الشعر يالاخوان وهبة واهب = والرابح اللي يعتلي بأشعاره
فيازين مدحك يانبي الأمة = ياسترنا اللي نتقي بستاره
يا مطهّر الدين الحنيفي كله= ويا مذوّق الكفار كمّن غاره
يا هيبة الإسلام يااقوى هيبة= يامخاويٍ امهاجره بأنصاره
ياصاحب الخلق العظيم الوافي = ويا راحم الكافر عشانه جاره
حنا فداً لك يا نبي الأمة= من دون عرضك مانوينا البارة
لو حاول الرسام هز الصورة = عمر الجبل ما حرّكته الفارة
ولو سانده فالراي شعب وحاكم = أخلاقهم وسلوكهم منهارة
إخسو خسيتو يالشعوب الهلكى = نبينا ما ينتقص مقداره
ناقف لكم من دون عرضه وقفة = في العالم المسلم وكل دياره
التاجر يقاطع جميع المنتج =والشعب معْه مكمّلٍ لأدواره
حتى تعوّد صادراته صوبه = وترجع لداره منتجات أبقاره
أيضاً ولا ننسى مجال الشاعر = اللي يترجم بالقصيد أفكاره
حسان بن ثابت تراه القدوة = وابن زهير أيضا نعرف أخباره
شعّار في خدمة رسول الأمة = والدين نرفع رايته وشعاره

الله الله الله على هذه الابيات الرائعة جعلها الله في موازين حسناتك وصح الله لسانك مدد مهوب عدد وسجل اعجابي يا ابو محسن

وتقبل صادق تحياتي

ارحب يابن ذيب تراحيب المطر وجزاك الله خير يالقرم على كلامك الطيب تقبل ودي وتقديري ،،،

 

 

 

 

[معلومات العضو راشد المسعري]

المشاركة الأصلية كتبت بواسطة بوحمد الحمد

لاهنت وصح السانك

وبيض الله وجهك

دمت بكل خير

لك سلامي وتقديري

دمت بود

بو حمد الحمد هلا والله وغلا وبيض الله وجهك يالقرم لاهنت وتقبل ودي وتقديري ،،،

 

 

 

 

[معلومات العضو راشد المسعري]

المشاركة الأصلية كتبت بواسطة سباعي

ياسلااااام صح لسانك ياراشد وجعلها في ميزان حسناتك

شاعر غزير وليس غريب عليك هذا فأنت من بيت الشعر الكبير

وفقك الله

سباعي صح بدنك وما عليك زود ياطويل العمر وفقك ربي ،،،

 

 

 

 

[معلومات العضو راشد المسعري]

المشاركة الأصلية كتبت بواسطة خالد الخييلي

راشد صح لسانك

هذا القصيد المثمر

بيض الله وجهك .. وجعلها الله في ميزان حسناتك


تحياتي واعجابي

خالد الخييلي صح بدنك يابو حليس والثمرة هو إن القصيدة اعجبت شاعر مثلك تقبل ودي وتقديري ،،،

 

 

 

 

[معلومات العضو راشد المسعري]

المشاركة الأصلية كتبت بواسطة فهد بن هادي الغريري

يقول من يبدأ بكل أشعاره = ذكر الله المعبود خير اتجاره
يازين شعرٍ فيه ذكر المولى = اللي خلق جنة وخالق ناره
اللي خلق الانسان باحسن هيئة = وبحكمته كل الفلك دوّارة
الشعر يالاخوان وهبة واهب = والرابح اللي يعتلي بأشعاره
فيازين مدحك يانبي الأمة = ياسترنا اللي نتقي بستاره
يا مطهّر الدين الحنيفي كله= ويا مذوّق الكفار كمّن غاره
يا هيبة الإسلام يااقوى هيبة= يامخاويٍ امهاجره بأنصاره
ياصاحب الخلق العظيم الوافي = ويا راحم الكافر عشانه جاره
حنا فداً لك يا نبي الأمة= من دون عرضك مانوينا البارة
لو حاول الرسام هز الصورة = عمر الجبل ما حرّكته الفارة
ولو سانده فالراي شعب وحاكم = أخلاقهم وسلوكهم منهارة
إخسو خسيتو يالشعوب الهلكى = نبينا ما ينتقص مقداره
ناقف لكم من دون عرضه وقفة = في العالم المسلم وكل دياره
التاجر يقاطع جميع المنتج =والشعب معْه مكمّلٍ لأدواره
حتى تعوّد صادراته صوبه = وترجع لداره منتجات أبقاره
أيضاً ولا ننسى مجال الشاعر = اللي يترجم بالقصيد أفكاره
حسان بن ثابت تراه القدوة = وابن زهير أيضا نعرف أخباره
شعّار في خدمة رسول الأمة = والدين نرفع رايته وشعاره

وبك البقاء يابو راشد ، مرحبا والله ومسهلا ومرور شرفني كلام طيب أفتخر به من أخ كبير وعز وغالي وماعليك زود يالقرم وبيض الله وجهك ملايين على الكلام الطيب والمعذرة على تأخري في الردود وتقبلوا عذري وودي وتقديري ،،،

 

 

 

 

[معلومات العضو راشد المسعري]

المشاركة الأصلية كتبت بواسطة شافي القويسي المخاريم

اخوي راشد



بيض الله وجهك على القصيده الرائعه


صح لساااااااانك

اخوي شافي ارحب يالقرم ووجهك ابيض نافداك لاهنت وتقبل ودي وتقديري ،،،

 

 

 

 

[معلومات العضو بنت الشايب]

حنا فداً لك يـا نبـي الأمـةمن دون عرضك مانوينا البارة

صح لسانك ياراشد

دمت بود

 

 

 

 

[معلومات العضو بنت العرنية]

قصيده تتعدى حد الوصف وخصوصا انها لسيد الانام عليه افضل الصلوات واتم التسليم صح لسانك اخوي والله يجعل لك في كل حرف الف حسنه
تقبل مروري
أختك:

بنت العرنية

 

 

 

 

[معلومات العضو الـــــــــذرب]

شعّار في خدمة رسول الأمـة...والدين نرفع رايتـه وشعـاره
صح الله السانك اخوي راشد المسعري الله لايهينك
الله هم عز الاسلام والمسلمين
وتقبل مني وافي التحيه والسلام


الــــــــذرب

 

 

 

 

[معلومات العضو ســـطام الروقي]

راشد بيض الله وجهك تستاهل المجد يالشيخ

 

 

 

 

[معلومات العضو محمد الولامين]

ابو محسن

صح لسانك مليون وعساك ماتهون ابيات جزله وكاتبها جزل

وسلمت يمناك على ماقدمت من ابداع

في انتظار جديدك

 

 

 

 

[معلومات العضو راشد المسعري]

صحت ابدانكم جميعا

وترفع لقرب موضوع القصيدة من مواكبة الحدث هذه الأيام


نسأل الله أن ينصر الإسلام والمسلمين ويذل الشرك والمشركين

 

 

 

 

[معلومات العضو شافي بن راشد النتيفات]

الشاعر الكبير ابومحسن

صح الله لسانك ملايين وبيض الله وجهك على القصيدة الرائعه، والله يجعلها في موازين حسناتك

 

 

 

 

[معلومات العضو راشد المسعري]

أرحب يابو شالح

صح بدنك وتشرفت بمرورك العطر

تقبل ودي وتقديري ،،،

 

 

 

 

[معلومات العضو نآصر البدراني]

صح لسانك يا ابو محسن شاعر متمكن صاحب شاعريّه


واضح ان القصيده قديمة يا ابو محسن وشكلها آخر قصيده لك !!!


مثل ما قولت لك > أنت مقصـّــــــــر معنا وبخيــــــــــل ...!!


" اللهم صلِ وسلم وبارك على نبينا محمد وعلى آله وصحبه أجمعين "


اللهم عليك بمن أساء لنبينا وحبيبنا محمد وأزواجه أمهات المؤمنين


وصحبه الغر الميامين > اللهم آمين ..