يا مفوّح الدله بليّا عويدي / شفنا معاميلك وعفنا القهاوي

[معلومات العضو مبارك بن الجوير]

المشاركة الأصلية كتبت بواسطة محمد بن حمد الشكرة

ارحب يابوحمد
مرور جميل كالعادة
تشرفت الصفحة بمرورك العطر يامحمد
بيض الله وجهك وانا اخوووك..

 

 

 

 

[معلومات العضو مبارك بن الجوير]

المشاركة الأصلية كتبت بواسطة سلوة الخاطر

,,

ماشاء الله تبآرك الله
أبيآت تتسربل جزآلة وإبدآع
قنبلة إبدآعية أخوي مبآرك
وتمكّن جلي بحبك القآف كيفمآ تشآء

زآدك الله من فضله

سلوة الخاطر
يسعدني مرورك واشادتك لاهنتي
تعطر متصفحي بعذوبة مرورك اختي

 

 

 

 

[معلومات العضو مبارك بن الجوير]

المشاركة الأصلية كتبت بواسطة راشد المسعري

خذنـي سنـد محـزم لاحـدك شـديـدي

يـــوم إتـعــزوا بــــي نــهــار الــعــزاوي
‏خذنـي بطاقـة طيـب شـيـك ورصـيـدي
بـلـيّــا ســــداد ودون فــــوْد وربـــــاوي

كفو يامبارك

صح لسانك وسلم فكرك يالجزل

قصيدة بنصيحة في نفس الوقت

تقبل ودي وتقديري ،،،

رااااااشد اررررحب يارجااااال
صح الله ابدنك ليييين ترضى وانا اخوووك
وكفؤك الطيب ياعزوتي
اشادتك وقرائتك للقصيدة يشرفني وشهادة والله
سعدت بمرورك يا القرم
لاخلا ولاعدم...

 

 

 

 

[معلومات العضو حسن بن بطحيه]

صح السانك ويعطيك العافيه ودمت بخير..

 

 

 

 

[معلومات العضو مبارك بن الجوير]

المشاركة الأصلية كتبت بواسطة خيالية

الـنـاس يـاخـي إثنـيـن ولابــه جـديـدي
‎أحـــدن دمـــا عـلــه والآخـــر مــــداوي
الـضـيـق يـجــرح والـرفـاقــة ضـمـيــدي
والـطـب قـومـك وآخـــر الـقــوم كـــاوي


صــــح لسااانك يا شااعر ..

خيالية
صح الله ابدانك اختي
ومرور يضيء المتصفح
لاعدمنااااك..

 

 

 

 

[معلومات العضو الـــــــــذرب]

مبارك صح الله لسانك على الأبيات الرائعه

تقبل مروري

الـــــــــذرب

 

 

 

 

[معلومات العضو خالد المشاويه]

يــــا مــفــوّح الــدلــه بـلـيّــا عــويـــدي
شـفـنـا معامـيـلـك وعـفـنــا الـقـهــاوي

صح السانك مدد بليا عدد يالجوير
وبيض الله وجهك على الأبيات الرااائعه

 

 

 

 

[معلومات العضو ناصر فياض الودعاني]

صح لسآنك يآمبارك في ذمتي آنك شآعر ولآفيك حيلة


آبيآت قــمـــة في آلروعة وآلجزآلة ولآ يجي منك آلآ آلجزل


تقبل مروري بكل ود...

 

 

 

 

[معلومات العضو مبارك بن الجوير]

المشاركة الأصلية كتبت بواسطة ابو حسين الدوسري

صح السانك يبن جوير شاعر جزل وتغرف من بحر

لك كل الود والتقدير

اررررررحب ملايييين يابوحسسسسسين
صح الله ابدانك والشان شانكوانا اخووووك
والجزالة عينااك تقراها
لك اجزل الود واطيب التقدير يا القرم..

 

 

 

 

[معلومات العضو مبارك بن الجوير]

المشاركة الأصلية كتبت بواسطة برنسيسه الريــــاض

صح لسانك قصيده رووووعه والى الامااام

برنسية الرياض

صح الله عمرتس وبدنتس اختي
والروعة في مرورتس يابنت الاجواد

اسعدني مرورتس وانا اخووتس

فعسى الله يسعد اياااامتس...

 

 

 

 

[معلومات العضو محمد مطلق آل بريك]

صح لسانك واعتلى شانك


قصيده جزله من شاعر جزل


تحياتي وتقديري ~~

 

 

 

 

[معلومات العضو نسناس الهوى]

مبارك المسعري..
شآعر الحكمه والنصح..
لم يخلُ نص من نصوصك من الوعظ أو النصح
وعلى قولتك\

بأنصحـك انـا ومانيـب شيخـن زهـيـدي
النـصـح مـاهـو بحـصـر لأهــل الفـتـاوي

صح الله لسآنك مدد بلاعدد نص شعري رهيب وخطــير
ماشاء الله.. فلافُض فوك
وجعل من رباك على الطيب يسلم ويطول عمره على الطاعه.

‏الـنـاس يـاخـي إثنـيـن ولابــه جـديـدي
‎أحـــدن دمـــا عـلــه والآخـــر مــــداوي

الـضـيـق يـجــرح والـرفـاقــة ضـمـيــدي
والـطـب قـومـك وآخـــر الـقــوم كـــاوي


الله الله.. صدقت!! هنا فلله درك


أعجبتني جميع الابيات فكل بيت وراه قصه نجهلها..
وختمت بهذا البيت الجوهري

مـن كـثـر ماخـاويـت شفـنـي وحـيـدي

حتـيـش لــو عـمـري قضيـتـه خـــلاوي



بيت جميل جدآآ يعني عن قصيده.

فعسى الله يديم عزك بالاسلام ولاهنت وبيض الله وجهك

 

 

 

 

[معلومات العضو مبارك بن الجوير]

المشاركة الأصلية كتبت بواسطة شيهانه بكف صقار

يــــا مــفــوّح الــدلــه بـلـيّــا عــويـــدي
شـفـنـا معامـيـلـك وعـفـنــا الـقـهــاوي

بيـت كــايف


خذنـي سنـد محـزم لاحـدك شـديـدي
يـــوم إتـعــزوا بــــي نــهــار الــعــزاوي
‏خذنـي بطاقـة طيـب شـيـك ورصـيـدي
بـلـيّــا ســــداد ودون فــــوْد وربـــــاوي

لله درك
صح الله لسانـــك حتى ترضـــى
قصيدة كلها حكم ومثايل زادك الله من فضله
بوح صادق ومعاني وافية واحساس كايف <<اخوي مبارك لافــض فـــوك

اسعدك الله اينما كنت

عاطر التحايا~

ارررررررررحبي ياشيهانة
وصح الله عمرتس وانا اخوووتس
ولله در مرورتس يا بنت الاحرار
والله اللي اروع من القصيدة تواجدتس نفداااتس
وكلامتس الطيب كان له وقع في نفسي
والله يطيّب فالتس وحالتس

اختي شيهانة بكف صقار
اسعدني حضورتس ومرورتس
فعسى الله يسعدتس فالدارين...

 

 

 

 

[معلومات العضو مبارك بن الجوير]

المشاركة الأصلية كتبت بواسطة ابو زيد الغييثي

ارررررررحب يابوزيد
وصح الله عمرك واشادتك شرف وكلامك وسام والله
عسى الله يعدك فالدارين يابوزيد
مثل مايسعدني ويشرفني مرورك الغالي نفداك...

 

 

 

 

[معلومات العضو سعد بن هادي]

المشاركة الأصلية كتبت بواسطة مبارك بن الجوير

يــــا مــفــوّح الــدلــه بـلـيّــا عــويـــدي

شـفـنـا معامـيـلـك وعـفـنــا الـقـهــاوي

لــو بـــن صـنـعـاء بِـهْــرّ بـهـيـل زيـــدي

مــا قَـنّــدّ لْـــراس ‏الـعـزيـز الـسـحـاوي

قهويـت ربـعـك مــن طــرات العصـيـدي

وانـــا مـــن الـدلــه يامـلـهـي غــنــاوي

ماقـال لـك شايـبـك شــف يــا ولـيـدي

فـي شوفتـك للصـقـر حـطـه مـشـاوي

ولاعـلـمـك سـجّــات كـــور الـصـعـيـدي

ولاظـنـتــي قــصــر بـيـمـنـى رهــــاوي

خـبـري بـولـد الـذيــب يـطـلـع ولـيــدي

وأبـــوك ذيـــب لـهـبـة الــريــح عــــاوي

عزي من أحسن غرس ماأنتج حصيدي

يـــا عزتـيـلـه مـــن ضــيــاع الــرجــاوي

انــا هويـتـك طـيـب يــا إبــن العقـيـدي

وابــوي فــي ربـعــه زبـــون الـجــلاوي

خذنـي سنـد محـزم لاحـدك شـديـدي

يـــوم إتـعــزوا بــــي نــهــار الــعــزاوي

‏خذنـي بطاقـة طيـب شـيـك ورصـيـدي

بـلـيّــا ســــداد ودون فــــوْد وربـــــاوي

وانـــا عــددتــك لـلـمـراجـل عـضـيــدي

والــوقــت دالــوبــه يـبـيــح الـهــقــاوي

بأنصحـك انـا ومانيـب شيخـن زهـيـدي

النـصـح مـاهـو بحـصـر لأهــل الفـتـاوي

‏مـنـك استـفـيـد ومـنــي إبتستـفـيـدي

حــق الرفـيـق الـنـصـح لاصـــار غـــاوي

أتــرك قـفـاة الـهــرج واهـــل النـقـيـدي

نـاســن معاصـيـهـا تـســوق الـبــلاوي

تـسـبــل بـراطـمـهـا وتــزبــد زبــيـــدي

تــتـــوق لـلـنـمّــه ولاهــيـــب تــــــاوي

بـه نـاس تهـوى جـمـع طـبـع البـريـدي

وإهـــم هوايـتـهـم لـجـمــع الـحـكــاوي

أهـل القلـوب السـود شــروا البعـيـدي

يــاعــلّ يــلّـــوي فـكــهــا ‏شـــــر لاوي

وتلـقـى رجـالـن بالـمـراجـل تـسـيـدي

كسـب الجمايـل فـي عـيـون الـهـواوي

‏فــي وقفـتـه للطـيـب فعـلـه جـهـيـدي

نفـسـه عـلـى نـفـع الـخـوي مـاتـراوي

راسـه علـى الطنخـات مركـأ صمـيـدي

‏يحـسـب هـروجـه ‏ولا يــزل الـخـطـاوي

‏روحـه علـى الفزعـات نطحـة شهيـدي

يـرجـح عـــن الـــذلات كـــف الـمـنـاوي

‏الـنـاس يـاخـي إثنـيـن ولابــه جـديـدي

‎أحـــدن دمـــا عـلــه والآخـــر مــــداوي

الـضـيـق يـجــرح والـرفـاقــة ضـمـيــدي

والـطـب قـومـك وآخـــر الـقــوم كـــاوي

وهـــراج آيابلـفـيـت مــاهــوب مــيــدي

ضعـيـف مـاهـو مـواجـه الـهـرج قـــاوي

ومـتـبّـع الـهـرجــه بـطـعـمـه يـصـيــدي

يـنـجـرّ للهرجـــه تـقــلْ لــــه عــــراوي

كبـر الخـطـأ بالـمـوس شـقـق وريــدي

ومـن يطلـع النايـف سلـم مـن نـحـاوي

ومـن جـاور السـعـد عــاش بسعـيـدي

ميـر الشقـي مـاجـاب غـيـر الشـقـاوي

‏هــذي تواقيـعـي مــن كـتـابـت إيـــدي

وهذي طروق اللـي علـى العـز ضـاوي

شـاعـر وشـعـري فـكـك عـقـود قـيـدي

يعـنـي كــذا !! مـابـه رفيـقـن وآخــاوي

‏والـنــار للـكـافـر بـهــل مــــن مــزيــدي

حــد الـذنــوب إكـثــار وابـلـيـس نـــاوي

وإن كـانـهـا الـرفـقـة تـبـنـت قـصـيــدي

فـأنـا عـلـى الرفـقـه ‏قصـيـد الـعـطـاوي

مـن كـثـر ماخـاويـت شفـنـي وحـيـدي

حتـيـش لــو عـمـري قضيـتـه خـــلاوي

صح الله السانك واعلى شانك يا مبارك قصيدة جزلة ولا هنت تقبل مروري سعد بن هادي