دخيل الله الشكره

[معلومات العضو شافي القويسي المخاريم]

ودنيـاك مثـــل الــضـل لـــوزال يــنــعــــاد

يا محمد الـمـنعــور يـا قــــرم الاولاد = يابن الذي روحي الــروحـه عـــديـلي
أوصيك عـن دار المـذلــه بــالابــعـــاد = ومـن عـاش في دارالــمـذلـه ذلــيلــي
ولا تــحـــل بـــدارشـامــت وحــســــاد = أهــل الـنمــايـم والــحـسـد والـنـقــيلي
بـــدل ديـار الـحـسـد بـــديــارالاجـــود = عسـى وطنـهـم كــل عـــامـــا يسـيـلـي
دارالــرجــال الـي يــضــدون الاضــداد = وعــلى الخــوي والـجـارظــلا ظـلـيلــي
الـي فـعــايلـهـم عـلى روس الا شــهــاد = وبامـوالهم يشرون كســـب الـجـميـلي
ولا تــرابــع كــون شـجـــعـــان الاولاد = وحــذراك مـن ربـعــة قـلـيـل الحصيلي
ألـي عـلى العالم كما وصف الارصاد = وكنــه عــلـى ذريـــة أدم وكــيـــــلـي
وان شـفـت من ميل الدهر كثر الا نكاد = فـــلا تــقـــول أن الـفــرج مــستــحــيـلـي
الـــرزق عــنـد الـي لـه الــخـلـق سجـــاد = وهـــوالــذي بــــرزاق خــلـقــه كـفــيلــي
ودنيـاك مثـــل الــضـل لـــوزال يــنــعــــاد = مـثــل الــظــلا ل بــكـل صــوب يــمــيـلــي
وصـلاة ربــي عـــــــد ذعــــذاع الانــواد =علــى نـبـيــي لـعــبادة اللـــــه دلـــيـلــي

 

 

 

 

[معلومات العضو شافي القويسي المخاريم]

متى نشوف الخرج منا شمالي

متى نشوف الـخــرج مـنا شـمــالــي =فــي د يـــرة مــالي بــدارا بــدلــهـا
ديــارنــا الــي مـن قــديــم وتـــالـــي =نـفـخـربها والدارتـفـخــربـاهــلــهـــا
دارال زايد ملــحــقــيـن الــتــوالــــي = الــي تخـاف اضدادهــا مــن زعـلهــا
حــامـينــهــا بـمـصـقـلات السـلالـي =ويامن بهـا الي خايــفــا لا نـــزلــهــا
يــرسخ بهم غــرسا زها بـالــجمـالي =غرسا يـحـد جبـالـهــا مـن سهـلــهــا
يلـعب به الغربــي جـنـوب وشـمـالي = ومن اين ما جـا ت الريـاح تـعــدلـهـا
ما حيط فـي الاسوار مـن كل جالـــي= سـوره سـهــوم بـالـيـديــن نـحـمـلهـا
بايمان قــومـا مـا تـهـاب الـقـتــالــــي = قــوما تــحـدد بالمعــارك جـــمـلــهـــا
وصلاة ربي عــــد وبـل الـخـيــالــــي = من مــزنـة سيله يسابـق هــلـهـــــا

 

 

 

 

[معلومات العضو شافي القويسي المخاريم]

هــذا خيـــاري كــــان يـــاعبيــــد بختار

لـي ديــــرة مـانــي الــغيـره بــمـخــتار= تــمتــاز بــالمــوقــع وحـسن الطـبيــعه
دار ســـكنـهـــا كـــل عــــدم وخــســار= اهـل الـشهــامــه والنـفـوس الـرفـيـعــه
ودع بـهــا زايــد هــل الـمـجـد والــكـار= خـطــلان ليــدي مـحتمـين الــوديـعــــه
عــاداتــهــم مـن دونـهـا بـيـع الاعـمــار= امــا الشــهــامــه والــشـرف مـاتـبيعــه
يرسـخ بهــم غــرســا عيـــادا وجـــبــار= ورثــا مـن الجــدان مـــاهـــو بــديـعـــه
مـاحيــط مـن صـوب الطـماميـع باسوار= سوره رجالــه بــالســهــوم الســريــعــه
كـم طــامعـا قـد طمـع حـلـواة الاثـمــــار= وعقب الطمـع ضاقـت عليــه الوسـيعــه
غـره غـــروره والامــانــي والافــكـــار= وقــطـوه خــلـفــا للــذيــاب الــمجـيـعــه
من ضرب من تسقي العدا كاس الامرار= وافـعـالـهــم يـــوم الــمــلاقــى شنيــعــه
هـــذا خــيـاري كـــان يــاعـبـيد بـخــتار= حيثه هـوى قــلــبي وغــايـــة ربـيــعـــه
تـمـت وصــلــى الله عــلى سـيد الابـرار= راع الـــرســـالـــه للــعــباد وشــفـيــعـه

 

 

 

 

[معلومات العضو شافي القويسي المخاريم]

دواسر بالطيب تجزي الطيبين

لي ديرة منها نرد الطامعين=لاغر بعض الطامعين غرورها
دارا رسمناها بروس المعتدين =ورسومها روس العدا وقبورها
دار الغروس ودار جرعاة الحنين=مارد من صوب الحفيف انشورها
وهدب الجريد اللي يشوق الناضرين =اللي تعدل باليدين نهورها
حامينها بالسيف خطلان اليدين=وروس القنا والسيف الاملح سورها
وحامينها بالسيف والجمع الرزين=وحدبا على حسب الرماة اظهورها
بايمان قوما للمعارك داربين=ومعلمين للحروب بزورها
دواسرا بالطيب تجزا الطيبين=وترد كيد اهل النكد بنحورها
عادات جيلا بعد جيلا وارثين=جيلا بعد جيلا تقوم بدورها
واللي حظر يكفون دون الغايبين=وتنوب دون الغايبي حظورها
تبقى بحيل الله على طول السنين =ليالها وايامها وشهورها
صلوا على الهادي شفيع المرسلين=عد الرمال وبرها وبحورها
رسول ربه بالهدى للعالمين=رسالة بالحق يسطع نورها

 

 

 

 

[معلومات العضو شافي القويسي المخاريم]

لا د الــحـريجي مـقـعــدة مـــيل من عـال

ما كل مـن يـبـغـى الــمــراجــل لــهــا نـال = وكـسـب الـفـخـرمــاكــل رجــل يــنـولـــــه
كسب الفـخـربالـفـعـــل مــاهــوبــالا قــوال = ما هـوب حــــكـــي واليديــن مـــغـــلـــوله
ألا بــسيـف ومــنســفا مـــثــل مــــا قـــــال = راع الــمثـل فـي قـــولــه الــي يـقـــولـــــه
ولا كــــل رجــــال يــــوصـــف بـــرجــــال = وكـــسـب الـمراجـل ما تــجـي باالسهـولـه
أبـومـحــمـد جـــعـــل تــفـــداه الا نـــــذال = قــــرم الـعـيـال الـي تــنـومـس فــعــو لـــه
ذ رب الــيــمـيـن ولـلـصــعـوبـات حـــلال= وانا اشهـد أن الـــزايـــدي مــن حمــولـــه
هـــداج تـيـــمــا فـيـه يـضـرب بـالامــثـال = وغيــثا الى كــن الـــحــيا مــن نـــزولــــه
لا د الــحـريجي مـقـعــدة مـــيل من عـال = بـحــدب الـسيـوف الــي تـعـــدل مـيـولـــه
فـي الـسـلــم عــقـــالا والــحــرب جـهــال = كــم واحــد فـي عـــنـق دارة غـــــزولـــه
يــوم الامــام ارســل عـلـيـهــم بـمـرسـال = لاحــم ومــلـحــم بـالـمــواقــف حــمـولــه
قالو حـدن يحـمـي الــمــحــلات والــمــال = واحـــدن يــروح لـــمـن لـفـانـا رســولــه
وجــاتـــه ثــلا ثــينــا بـسـتــين رجـــــــال = يازين قــول يــشـهــد لـــــه فــــعـــولـــه
عــانــيـتـا الابــوا عـــزيــــزمــن عـــيــال = ياحـلــو مــردودا يـجــي فــي حــلـــولـــه
وصــلاة ربــي عـــــد مـــا هـــل هـــمــال = نـوا مـشـت قــــدام وبـــلــه سـيـــولـــه

 

 

 

 

[معلومات العضو شافي القويسي المخاريم]

ياحسن قد ذاك ضلع طويق باني

ياحسن قد ذاك ضلع طويق باني = عقب ضلعان الحجاز وماوراها
ديرة فيها عربنا والعواني = وللشحاذه ماتمد الها ايديها
للضيوف اتقدم الحيل السماني= وتعطي الخطار من مالله عطاها
جعل تسقيها مراديف الغيامي = بامر من مشاه بامره في سماها
جابه اللي كنها فرخ القطامي = سلم سايقها وسلم اللي شراها
كنها شيهانة والليل دامي = سمعة الصقار يدعيها عشاها
واذكر الله رب الايات العظامي= باية للرب مخلوقه قراها
واذكر الله بالبدايه والختامي=باول الكلمه وباخر منتهاها

 

 

 

 

[معلومات العضو شافي القويسي المخاريم]

مني سلاما عد همال المطر

مني سلاما عدهمال المطر =واثني سلامي للبلدورجالها
دار الرجال اللي ينالون الفخر=ترثة يسودا نفتخر بفعالها
مقدمة للضيف بايام العسر=صيانيا تصعب على شيالها
يرسخ بهم غرسا تهزع بالثمر=حمله لهشال الخلا يجنالها
كم طامع قد طمع فيه ولا قدر=غرته نفسه يوم ربي زالها
ماحيط بالجدران من صوب الخطر=اولاد زايد سورها وظلالها
من حد جو خريض لادون القهر=دار ال زايد مدنها وسهالها
ديرة حمول الخيل لاثار الكدر=كم فارسا قطوه طول حبالها
عفوا جوانبها بسبرات النظر=وحدبا كما وصف البروق اشعالها
بايمان قوم مايهابون الخطر=تشري الفخر بارواحها واموالها
يشهد لهم سكان بره والمدر=واصدق شهود للرجال افعالها
وصلاة ربي عد مابان القمر=وماغابة القمرا وهل هلالها
على النبي الهاشمي سيد البشر=شفيع خلقه يوم تلقى اعمالها

 

 

 

 

[معلومات العضو شافي القويسي المخاريم]

سلاما عدد ماينثر النو صافي ماه

انا حالفا يافاعل الطيب ماننساه = اذا سجو اللي فاعل الطيب ينسونه
ومن قدم المعروف فعل الثنايلقاه = يحصل جزاه وفوق حقه يزيدونه
ويامحمد المنعور برسل معاك اوصاة = سلاما على فراج معكم تودونه
سلاما عدد ماينثر النو صافي ماه = سحاب تكاشف بارقه بول مزونه
مع ازكى تحياتي لبوعايض مهداه = هدية اكرام لاعطوا مايمنونه
ويستاهل البيضا رفيع النسب والجاه = ثلاثين بيضا باجزل الشكر مقرونه
من لابتا شجعان والعدو ماتخشاه = ومن غيررب البيت ماهمب يخشونه
مصاريرتعرف يوم تدعى العرب بسماه =والى عدواخبارالقبايل يعدونه
عيال الحبيبي والفخر مرثه لابناه = رجال تبيع الذل والعز يشرونه
رجال الشهامه والكرم والفخر والجاه= صفات بهم تعرف وهم يستحقونه
وبالخاتمه ذكر اللذي خالقه نباه = رسولا لخلقه كل يوم ينادونه

 

 

 

 

[معلومات العضو شافي القويسي المخاريم]

ويسقي الديار اللي عربنا لها سكان

عسى الله يعــود بعــادة الخــير ياسلــطــان= ويرجع لنا الله بالحيا عقـب الامحــالي
بنــوا عــلى الــديــره يـجـي ماطــره ودان = ثلاثيــن يــومــا فــوقـها الـوبـل همالي
يعدون سيلــه من بنــي رمــح الى بيضـان= ويــقــولـون مــابـه وادي كـون ماسالي
ويسقي الديــار اللي عـربــنا لــهـا سكـــان= حموها بحد السـيف ماضــين الافعــالي
حموها بحــد السيــف من لمــة العربــــان = وصــانوا حماهــا من قديمـات الاجيالي
بجاه الاله اللي ضمن رزق كــل انســـــان= الـــه العـــباد اللي علــيما بــالاحـــوالي
جزيل العطى معطي العطايا بغـير اثمــان= سوى الحمد له واخلاص عبده بالاعمالي
لكـــان لاحـــنـا بــــبـــدوا ولاشــــــــوان= لكــن الحــيا يــحي ويطـــرب لـــه البالي
وختامها صلوا علـــى مارثــــة عدنــــان= شفيع امـته عــند الــولي يــوم الاهــوالي

 

 

 

 

[معلومات العضو شافي القويسي المخاريم]

سلام ممن قــــال بــأول مبتــداه

سلام ممن قال بأول مبتداه=وتحية تشمل جميع الحاضرين
واهلا هلا باللي بعيداة خطاه=والنا الشرف بحظوركم يازايرين
والضيف عندمعزبه عمدة قراه=قولة هلا بالضيف والخلق الحسين
وقولة هلا بالضيف من حسن الصفاه=وصا بحق الضيف رب العالمين
ومن قدم المعروف بالطيب لقاه=ولايضيع الطيب عند الطيبين
والى دعانا داعي اجبنا نداه=والله مايسهر وحنا نايمين
ياغرس ياللي كل طماع غزاه=ثم عودوا عقب المعارك عايفين
لو كل من يشره على مخذه خذاه=ماكان خلي من ملايين السنين
من زايد معنا على الديره وصاه=وصى وحنا في وصاته حافظين
وصى على الغرس الذي يخرف جناه=ماهوب يبخل به على اللي جايعين
يلعب به النسناس مايسكن هواه=وهدب الجريد اللي يشوق الناظرين
عيابه الله و(ال زايد) العصاه=وضرب النمش بايمان خطلان اليدين
وان كان من يحصل على ملكا كفاه= فــاحــنا ملــكنـا بالـيساروبــاليـمـــين
غرسـا وقطعانــا بخــدانـــا فــــلاة= ومــوســـعـــينا حـــدهـــا للراحـــلــــين
لي ديرة ماحدا لــنا هــدوا عطـــاه = ولاجاتنا هــدوا ولاحــن مشتــرين
ولاحدا عطانا اياه في وجها وجــاه= الا بــحد السيــف والـجمـع الرزين
امن الشمال الخـرج وحــدوده وراه=والحد حد السيف والجمع الرزيـــن
سكنه( غياثات ٍ) مطوعـة العصــاة=وتدوس بالرجلين روس المعــتــدين
ومن الجنوب الهضب ويسوده حماة= اللي على دوس المعـارك داربــــين
(لاد المنيـعي) ويـل منهم لــه اعـــداة= اللــي بــدل رجــالهم يـــذبـح اثـــنين
والى عوى ذيب جذب الاخر عواه = وان صاد صيد مايصيد الا السمين
ولي ديرة من كان مظلوم نصاه=ملفا لمن يشكون ظلم الظالمين
يامن بها الخايف ولو كثرة اعداه=يامن بديرة ممنين الخايفين
فيها الخوي يامن وتوسم له عصاه=يامن ولا يحسب حساب المعتدين
عمي الشريف الـين داويــنا عمـــاه= الين شاف الدرب مثل المبـصــرين
ومن عـمـي قـــلــبه عندنا يوجـد دواه= ونــزيـــد عــلـته القــديمــه علـــتين
فيالله ياللي كل مخلوق دعاه=اقبل سؤالي يامجيب المدعين
يالواحد اللي كل مخلوق دعاه=اقبل سؤالي يامجيب المدعين
ياللواحد اللي كل خلقه في رجاه=يامنزل القران بالحق المبين
ان تنصر اللي للوطن صانوا احماه=والنصر منك يا الاه العالمين
وصــلاة ربــي عــد مايمـطر سماه= على شفيع الخـلق سـيد الــمرسلــين

 

 

 

 

[معلومات العضو شافي القويسي المخاريم]

يــــا الله يالــلي مدتـــك مــالهــــا قيـــاس

يـــا الله يــا لــي مـــدتـــك مــالـهـا قـيـاس = يـا واحـــدا وأرزاق خـلقـــه ضــمـنــهـا
أفــرج لــقـــلـبـا غــاديـا فـيـه هــوجــاس = وعينــا ظـلـمــهــا وقــتــهــا وامتـحـنــهــا
حـدتـنـي الـدنـيــا عـلـى قــطــع الارمــاس = عــن ديـــرة مـــا نبـغــى الـبعـــد عـنــهــا
يــاعـبـيـدعـــيــا لا يــجـي عــيني أنعاس = وعـافـت لــذيـذ النـوم تـبغــي وطــنــهـــا
تـبـغــي الــديــارالــي لــنــا بـــدة الـنــاس = دار ال زايــد غـــيرهــم مــا ســكـنــهــا
دارا خـــذوهــا فـــوق زلــبـات الافــراس = والــــدم الاحـــمــروالــثـمـيـدي ثــمـنـهـا
وحـدب السيوف الى لها قـطـف الا نفاس =وشـلفـا يـخـافـون الـعــدا مـن طــعـنــهــا
بالسيف ما جتــهــم بحـبــرا وقـــرطــاس =ولا عــطــا مــن الــعــالم ولا مــنْ مـنهــا
وصـلاة ربـي عـــد مــا هــب نـسـنـــاس = مــاغـــنــت الـورقــى بــعـــالي لــحــنـها

 

 

 

 

[معلومات العضو شافي القويسي المخاريم]

ودو سلامي يالوجيه المسافير

ودو ســلامي يــالـوجـيه المسـافــير= وانتــوا عـن اللي مـرسـله بـالنيابـه
اليـاوصـلـتـوا راشـدا يـالـمـنـاعـيـر= ردو سلامي لـه وهـاتـوا جـــوابـــه
سـلامـا احلا مـن حـليب المصاغير= وخـلفـات قــرمـا كـل قـفـرارعـابـه
مـاصـار بـالـعـربـان عـذال ومشـير= يضـرب بـغبـات الخـطـر مايـهابــه
لبـوعــويضـه شـوق بيـض الغنادير= كـل الصـفـات الطـيـبـه تـنـلـقـابـــه
مــاكـنـه الا حــاتــم الـطـي والـزير= فيــه الشـهامـه والكـرم والمـهـابــه
هــداج تـيـمـا في السـنين المعـاسير= لـو كـثر ورده مـأيـكمـل شـرابــــه
مـن لابـتـا تجـزي هـل الخيربالخير = ورجــال حــرب فـي نهـار الحرابه
والاد يــاس يـوم نطـح الطــوابـــير= ترسي كما ترسي رواسي هضابـه
يــوم المـلاقى ينطحـون الطوابــير= تاريخـهـم بـالـطــيب كــلا درابــه
للـعــز يــابـيــتا تـجــيه المسـأيــير= مـاصـك مـن دون المســايير بابـه
اللي من اهل الدار واللي من الغير= واللي يـجـي ينــقـالــه يــاهــلابــه
بـيـتا يـجـونـه مبعـديـن المـشـاوير= من غـير سكـان الـوطن والقرابـه
مثل الورود اللي تزاحم على البير= لوعدها الحساب ماقطب حسابــه
تلقى الشحم به والـدلال المباهـــير= وصيانــيا تلــقـى العـشى والغدابه
في مجلس اللي مايحسب المخاسير= يــومــا بخـيل النـاس قـوتـه هبـابـه
والضيـف عنــده لــه معـزه وتقـدير= وزود على التقديــر سهـلا جنــابـه
يـفـدونــه الـي يجـمـعــون الـدنانـير= اللــي يشـب وشــاب مـحـدا درابــه
واثـني ســلامـي عــد رمـل العثامير= واعــداد مـاهــل المطــرمن سحابـه
وختـامهـا صلـوا عـلى داعـي الخير = على رسـولا دعـوة الحــق جــابــه

 

 

 

 

[معلومات العضو شافي القويسي المخاريم]

يامن يوصل لي سلامي ونجزاه

يامن يوصل لي سلامي ونجزاه = ولا وصل ابو سالم عداه الملامي
سعدا سعد دل اللذي يوم سماه = واختار من سماه خيره الاسامي
وسعد اللذي في ساعة الضيق ينصاه= عند الشدايد يوم مس الحزامي
له موقفا لايمكن القلب ينساه = ولايمتكن ننساه دايم دوامي
اربع صفات فيه توجد وشرواه= ماتوجد الا بالرجال العظامي
فيه الكرم والطيب والحلم تلقاه= وموهبه ربي دليل الكلامي
وصلاة ربي باول القول واتلاه=وعلى النبي مني صلاة وسلامي

 

 

 

 

[معلومات العضو شافي القويسي المخاريم]

صافيا جوه على غاية مرامي

قـال من يـخـتار مـن زيـن الكلامي= من حـسين الـقول ياخذ من اخياره
بـادي رجـم(ن) عـلـى الامثـال زامي = يـتـعـب الـرجـلـين ذبـه ونـحـداره
صافـي(ن) جـوه عـلى غـايـة مـرامي = مـعـتـدل لافـيه بـرد ولاحــراره
من هـضاب طـويق عـلتها الوسامي = دارنـا لا عـتـز كـلاً في دياره
ياهـل الهـافات هـيضتـوا غــرامي = جعـل رب الـبيت يـكـفـيـكم خـطاره
مانـحـب نـطـول عـليـكم بالكـلامي = كـلـمـتـيـن(ن) ما نطـول بانـتـظـاره
ريـظـوا واخـذوا لـنا مـعـكم سلامي = لـلـشـيـوخ اهـل الـمـروه والامــاره
لاسـرة الـحـفـيـظ مـرويـن الـسـهـامي = مـروية روس الـقـنا في كـل غــاره
لامــشـيـتـوا سـاعـتـيـن(ن) بالـتـمـامي = ثـم لـفـيـتـوا عـنـد بـيـــتاً كـــنـه قـــاره
جـاكـم الي صامـل(ن) مـن يـوم قـامي= مايـطـيـع الـضيـف لـوكـثرعـــذاره
قـدم الـتـرحـيـب ودللالن شـوامـي = وخـمـس رسـلان(ن) عـلى رس الـمـناره
والـعـشـا مـن بـعـدهـا عـنـد الكـرامي = عـنـد شـيـخ(ن) يـعـطـي الـخـاطـر وقـاره
ما يـقـدم كـون شـامـخـة الـسـنـامـي = يـذبـحـه لاصـار ما يـكـفـي حــواره
عـنـد من سـمـوه في خـيـرة الاسامي = باسـم من بين العـرب شاعـت أخباره
باسـم من سـند بـسـيـفـه خـيـل (...) = ولحـق (....) مـنـه اكـبر خـساره
فـارس الفرسان في يوم الزحامي = كــل جـــوًا هــادي(ن) ثـورغــبـاره
لاغـد قـدح الـرمـك مثـل الكدامي = مــايـهـمـه كـون عـزه ونـتـصـاره
شـيـخ قـوم(ن) مـن حـربهم ماينامي = تـسـقي العـدوان كـاسات الـمـراره
لاد شكـر(ن) نخـوة رجـالا عـضامي= نـخـوة ورث صـغـار(ن) مـن كـبـاره
والعـدو لـو شافـهـم لو بالحـلامي = جـض جـضة مـن وطـا داب الخباره
وبعـد ذا يـبـدي حـديكـم بالكلامي = عـن كـثـير الـقـول يكـفـيه اخـتصاره
حن علينا ضربهم فوق الهوامي=وهو عليه من الملوك الى الوزاره
وذكـر ربي عــد هـمــال الـغــيــامي = عــد وبــل الــسـحــب لاهـــلــه امطاره

 

 

 

 

[معلومات العضو شافي القويسي المخاريم]

لي ديرة ماني الغيره بمختار

لـي ديــــرة مـانــي الــغيـره بــمـخــتار= تــمتــاز بــالمــوقــع وحـسن الطـبيــعه
دار ســـكنـهـــا كـــل عــــدم وخــســار= اهـل الـشهــامــه والنـفـوس الـرفـيـعــه
ودع بـهــا زايــد هــل الـمـجـد والــكـار= خـطــلان ليــدي مـحتمـين الــوديـعــــه
عــاداتــهــم مـن دونـهـا بـيـع الاعـمــار= امــا الشــهــامــه والــشـرف مـاتـبيعــه
يرسـخ بهــم غــرســا عيـــادا وجـــبــار= ورثــا مـن الجــدان مـــاهـــو بــديـعـــه
مـاحيــط مـن صـوب الطـماميـع باسوار= سوره رجالــه بــالســهــوم الســريــعــه
كـم طــامعـا قـد طمـع حـلـواة الاثـمــــار= وعقب الطمـع ضاقـت عليــه الوسـيعــه
غـره غـــروره والامــانــي والافــكـــار= وقــطـوه خــلـفــا للــذيــاب الــمجـيـعــه
من ضرب من تسقي العدا كاس الامرار= وافـعـالـهــم يـــوم الــمــلاقــى شنيــعــه
هـــذا خــيـاري كـــان يــاعـبـيد بـخــتار= حيثه هـوى قــلــبي وغــايـــة ربـيــعـــه
تـمـت وصــلــى الله عــلى سـيد الابـرار= راع الـــرســـالـــه للــعــباد وشــفـيــعـه