شامت وانا صديت عنها وباشوم

[معلومات العضو فهد الغريري]

شامت وانا صديت عنها وباشوم= ريمية هب النسيم وذعرها
ماترتع إلا في حجا كل مزموم = عذاب قناص خذاها بثرها
وإن شافها قناصها في السنة يوم= ضاعت أعلومه وأخلفته بحذرها
بنت الجمال اللي عداها عن اللوم = ربٍ خلقها من البها ماقصرها
تظفي جديل فوق الامتان ملموم = والموت لاهلت جدايل شعرها
ليل يغطي ساطع انجومه اغيوم = ويشع من بين السحايب قمرها
كن القمر فوق الحجاجين مرسوم= وفي خدها الصافي وصفحة نحرها
وعينٍ هدبها ينقل ارماح وسهوم = لا صوب اقلوب النشاما سحرها
جمالها في البيض نادر ومعدوم= سحر الجمال اللي يطرى غمرها
حديثها يشبه لعذب ام كلثوم= يدخل ديار أهل الهوى ويعمرها
تأخذ وتعطي راعي السلم بسلوم = إلا يلا كثر الكلام يعسرها
رميتها وأخطيت والأمر مقسوم= وأزريت والحظ انعثر ماعثرها
قناص والقناص معطى ومحروم= وأكثر مايخطي راعي الصيد لا أرها

الشاعر العزيز والاخ الكريم : عبدالله بن مرضي الجماعين

ارررررررحب تراحيبةٍ من الخليج الى المحيط

كم اتشرف ان اكون من ضمن الاخوان الاعزاء الذين ابدو اعجابهم

في شخصك الكريم وفي نظمك المتين

صح الله السانك وعتلا شانك وزادك الله من زوايد فضله التي لا تنقضي

قصيده جزله وليس غريب عليك نضم الجزل فأنت من الشعراء البارزين

الذين يشار اليهم بالبنان في طيب المنطوق و بقوت نضمك الجميل..

فبارك الله في احساسك وفكرك ومشاعرك الجياشه

وتقبل مني فائق التقدير والاحترام في مقامك العالي

اخوك / فهد الغريري,,,

 

 

 

 

[معلومات العضو عبدالله بن مرضي الجماعين]

لو علمت أن انعكاس مشاركاتي الايجابي سيأتي بإعجاب امراء الذوق والتهذيب مثل سماحتك يابن عمي فهد لما كانت في هذا الوقت بل كانت من سنين عدة اخي فهد اود ان اشكرك بالصيغة التي علمني اياها والدي رحمه الله واقول

يامرحباً وأهلين من قلب ولسان= اقولها تشرح خوافي ضميري
ياطيب المجنا وياطير حوران= وياطيب الوقفات فهد الغريري
من روس ابن عمي كريمين الايمان= قول سبقني فيه بالمدح غيري
وانته ونا ياوافي الهقوة اخوان= بالطيب اشوفك يابن عمي نظيري
وانا اتعلم منك في كل ميدان= وابني على وزنة مسيرك مسيري

 

 

 

 

[معلومات العضو أبوفهيد الودعاني]

الشاعر الكبير ابو طلال

لا أعلم من منكم مرافق للآخر

هل هو أنت أم التميز

حقيقة لا أريد بها مجاملاً .. لطالما أعجبتني جزالة قصائدك

لاعدمناك ولا عدمنا تواجدك الدائم بيننا

ولاتبطي بجديدك ،،،

 

 

 

 

[معلومات العضو عبدالله بن مرضي الجماعين]

يامرحبا بالرفيق اللي متابعني= ونجاحي اكبر مكاسيبه ومصلوحه
اطلبك يابوفهيد احذر تقاطعني= بردودك اللي بلون العز مملوحه
ابي امدحك وانت تدري ويش يمنعني=شهادتي فيك يابن العم مجروحه
وعيا ضميري على رايي يطاوعني= يقول لأبد يدرج بأول اللوحه
لوحة رجال لها صيت الشرف مثني=اللي بنو معلم الناموس واصروحه