صدى نبض القصيد للابداع واخراج المكنون من القصائد ...ادخل وشارك متجدد (1)

[معلومات العضو عايض المعاوي]

مجاة لأبيات الشاعر الكبير أحمد الغاطي

من شان غزه قوافي الشعر منفزه=فزة شجيع ٍ سهام الموت يبرزها
لا يا بقايا الرضوخ ولا بقى عزه=الا جروح ٍ نداويها ونعززها
قلوبنا من سيوف الذل منخزه=مات الرجا في قلوب بان عاجزها
صارت ذياب العرب تجفل من العنزه=ما عاد تقدر ذياب اليوم تحرزها
العار والنار والبارود من كزه=غير اليهودي وغزه حن جنايزها

عايض المعاوي

 

 

 

 

[معلومات العضو نجــــــــــديه]

المشاركة الأصلية كتبت بواسطة محمد بن المنخس المري

السلام عليكم

اسمحولي اجاريكم في ما خفها الخاطر والربع ماشالله ماخلو شي ههههه ::

يالربع والحزن خيم في وسط غزه = حرب اليهود المعادي ما نميـزها
ياناس اشوف العرب باسيف منغزه = دم العرب سايلً والجرح ينغزها
ماعدنا غير نشعر والشعر رزه = الله يعيين العرب في ما يلعوزها
وشيوخنا في قمم! للذل ملتزه = هرجات من بعدها تصفيق !! مخنزها

وسمحولي على القصور والله ينصرنا وينصرهم وويوفق العررب

اخوكم ومحبك

صح لسانك اخوي محمد والله لايهينك
وماجرى قصور علمك غانم ووافي الله يبيض وجهك
واشكرك على المجاراة الطيبه
وفالك التوفيق
ارق التحايا

 

 

 

 

[معلومات العضو نجــــــــــديه]

المشاركة الأصلية كتبت بواسطة عايض المعاوي

فكرة رائعه من الشاعرة القديرة نجديه وانا اعتذر عن التأخير لظروفي

انتو غلاكم في الضماير حلاوى=او بالاصـح اقـول سكـر نبـاتـي
من بعدكـم بيبـان قلبـي تهـاوى=الله يصبـرنـي ويجـمـع شتـاتـي

هذي مجاراتي لأبيات الشاعرة نجديه

قلبي علي جمر المحبه تشاوى=وأصبحت ما بين الخطر والنجاتي
فقير حب ٍ والخلايق عناوى=عزي لمثلي كيف يلقى غناتي

ألأبيات الذي قالها الشاعر الكبير ابو هذال

سلام من قلب صدوق المشاعر=ياموقع بيـن المواقـع تميـز
موقع بني عمي رجال الدواسر=حبه شغل بقلوبنا كـل حيـز
سطر افعول اجدادنا والمفاخر=بأسم القبيله دون ميل وتحيز

مجاراتي

سلام تسليم ٍ يسلي الخواطر=من صلب راسي للنشمى مميز
أهل الوفاء وان قلتها في المنابر=لي الشرف لا صار مثلي يميز
أنتم دواسر تشبهون الكواسر=مكانكم في الطيب دايم محيز

عايض المعاي

صح لسانك اخوي عايض
وافي طال عمرك
واشكرك عالاجتهاد ومشاركتك للابيات السابقه
فانها تدل على تفاعلك مع اول الموضوع وتاليه الله لايهينك
تسلم الله يبيض وجهك
دمت بخير

 

 

 

 

[معلومات العضو نجــــــــــديه]

المشاركة الأصلية كتبت بواسطة عايض المعاوي

مجاة لأبيات الشاعر الكبير أحمد الغاطي

من شان غزه قوافي الشعر منفـزه=فزة شجيع ٍ سهام الموت مبرزهـا
لا يا بقايا الرضوخ ولا بقى عـزه=الا جـروح ٍ نداويهـا ونعـززهـا
قلوبنا من سيـوف الـذل منخـزه=مات الرجا في قلوب ٍمـن يعززهـا
صارت ذياب العرب تجفل من العنزه=ما عاد تقدر ذياب اليـوم تحرزهـا
العار والنار والبـارود مـن كـزه=غير اليهودي وغزه حن جنايزهـا

عايض المعاوي

صح لسانك اخوي عايض
وانا هنا مقتبستها بعد ان اقتبست ابياتك المعدل فيها بعض الكلمات
و اشكر لك تجاوبك وتفاعلك لاهنت
ارق التحايا

 

 

 

 

[معلومات العضو عاشق سراب]

	صح لسان الشاعر الاستاذ أحمد الغاطي ودمتي بتألق أختي نجديه لاهنت فديتك واليكم مشاركتي المتواضعه الجرح دامي وفوق طعونه نحزه=والتفرقه للاسف حنا نعززها الحمدلله هو الناصر لاهل غزه=وحنا مجرد شعارات نبروزها كفاحهم صامد والريح ماتهزه=لمن غفت عين..روح المجد تغمزها لاقال واحد خطأ !! جاء الاخر وخزه=وشلون غايتنا بالله نحرزها!!! صرنا مجرد صور تلعب بها الرزه=ولاجات ((رايس))من اللي يقول ماعزمها وسلامتكم عاشق سراب

 

 

 

 

[معلومات العضو نجــــــــــديه]

المشاركة الأصلية كتبت بواسطة عاشق سراب

صح لسانك اخوي عاشق وبيض الله وجهك عالمشاركه الراقيه
يسلم لنا فكرك وابداعك لاهنت
ارق التحايا

 

 

 

 

[معلومات العضو ابوبدر المصارير]

موضوع كبير وجهد مميز يستحق الشكر ويوجب الاستمرار

إلف مليون شكراً للأخت نجديه على الطرح المفيد واللي اثر في نفوسنا التنافس

أنتي مكسب كبير لأي صفحه تكتبين لها

أتمنى إننا ما نخسر إي عضو في هذا المنتدى

وخاصة اللي لهم طرح مهم وفكر واعد

((والدليل واضح للجميع عدد المشاهدين والمشاركين في المواضيع نسبه كبيره جداً ))

 

 

 

 

[معلومات العضو الشـيخه]

مبدعين الشاعره والشعار

ومجهود رائع ومضني تشكر عليه

وسيكون لي فيه ان شاء الله مشاركات

تحياتي

 

 

 

 

[معلومات العضو محمد فراج الدوسري]

انا اشهد انا صور رزّه ومرتزّه=ماحد عطانا وجه حنا نبروزها
نسند على ماضي الامجاد ونعزّه=لان حاضر عربنا ما يعززّها

 

 

 

 

[معلومات العضو عســافةالخيل]

صحت السنتكم يامشاركيين

انجاز وابداع للاخر

شكرا للجميع