احرص على على الواجب

[معلومات العضو بن الجراح]

احـرص على الـواجــب

ان طاح حظك وان تردت عـزايمّـك = مــا ينفعـك تــاريـــخ جَــــدّ وقــبيـــله

يكـثر من يلومـك وتكثـر شـــتايمّـك = وكـــلً يجنـب منــزلك مــا يجيــــله

الناس تُظهــر مع جـديـدك قدايمّـك = وشــــعاد لـو خــالـك افـعــوله نبيـله

اليّا افتخـرت بلابتـك خـاب لايمّــك = لكن : عليـــك اتــزيــد حـجـم النفيـله

احرص على الواجب وخلّه يلازمّك = واحرص على كــل غــانمـه والجميله

اســعا لهـا ورب المخاليق يكـرمّـك = وابعـد عـن دروب الــردا والفشــــيله

وابليس حــذرا لايـغـرك ويـوهمّــك = وكــم واحــدً خــــاواه ضيّـــع دليـــله

علـى التكبــر والتـعــالـي يعـــلمّـك = ويـهـديــك للــدروب الخطـا والرذيـله

ومن مغفرة رب المخاليـق يحـرمّـك = وحتـى احتـرامك بيـن ربـعـك يـزيـله

محمد بن سوعان الربيّع

 

 

 

 

[معلومات العضو نآصر البدراني]

صح لسانك لين تشرق الشمس من مغربها

قصيده مضمونها طيب وما تخلا من الجزاله اكيد

بيض الله وجهك لاعدمناك

 

 

 

 

[معلومات العضو بن الجراح]

المشاركة الأصلية كتبت بواسطة نآصر البدراني

صح لسانك لين تشرق الشمس من مغربها

قصيده مضمونها طيب وما تخلا من الجزاله اكيد

بيض الله وجهك لاعدمناك

.................................................. ...................................

هلا والله وغلا اخوي ناصر يسعدني تواجدك في متصفحي
هلابك لاهنت .