صرخة نداء من الدواسر الى عنزة

[معلومات العضو شافي بن راشد النتيفات]

هذي صرخة ونخوة من قبيلة الدواسر الى قبيلة عنزه عامه والى الشيخ عطاالله بن بخيت بن عوض الطلوحي العنزي خاصة في العفو عن السجين ناصر بن بتال بن ناصر النتيفات الدوسري وهي من كلمات الشاعر / شافي بن راشد النتيفات الدوسري



بديت باللي كلنا تحت ظله
والله يجملني لبدع المثايل
في موقف يلزم علي امتثله
ماقمت ادور مدح والا جمايل
لا والله الا موقف في محله
مايحتمل تأخير والا بدايل
والحبل متعقد ولحد ن يحله
الا هل الطالات صبيان وايل
عيال عناز الفحل هم هل له
اهل الفعول الكايدة والجزايل
تكفون ياعنوز الفخر بالادله
تكفون ياعنوز الوفا والصمايل
يالعزوة اللي كل طيب ن تدله
يامنبع ملوك ن تروم الاوايل
ياشيوخ وزحول ن على خير مله
ياللي تعشق العز والراس طايل
بجاه الدواسر يا هل الجود كله
وبجاه ربي ثم جاه القبايل
وبجاه عودا ن ينتخي في ضنا له
وام ن تصيح من الحزن والملايل
ناصر ولد بتال ذاق المذله
يرجي العفو والصفح ياهل الفضايل
العفو عند المقدره مطلب له
طبع الكرام وطبعكم بالدلايل
تكفى ياشيخ ينعرف من سجله
ياللي على العثرات منت بتخايل
من جاك مهموم لهمه تشله
جال ن يعنز دايما ما تهايل
انا اشهد انك وافي ياعطالله
مابينك وبين النواميس حايل
ما بيننا وبينك عداوة وخله
امر ن مقدر عند منشي المخايل
تكفى ترى السياف سيفه يسله
حان الوعد ما باقي الا قلايل
والامر بيدك لاتخليه قله
عفوت منك ولا ابغي لها بدايل
طبع الكرام وطبعكم لا تزله
وانته كريم ن يا عريب السلايل


شافي بن راشد النتيفات الدوسري

 

 

 

 

[معلومات العضو عبدالرحمن بن فلاح آل بريك]

صح لسانك يابو شالح .

والله يفرج عن ناصر بن بتال بن ناصر النتيفات .

 

 

 

 

[معلومات العضو نآصر البدراني]

الله يفرج عن ناصر ابن بتال ويصلح بينهم على خير

صح لسانك يبو شالح وبيض الله وجهك

 

 

 

 

[معلومات العضو الكاتم]

صح لسانك ياشافي والله يجزاك خير على القصيدة
والله يلين قلوب قبيلة عنزه الكرام وهم اهل للنخوة والمرؤة

 

 

 

 

[معلومات العضو شافي بن راشد النتيفات]

صحت ابدانكم جميع والله يقبل منكم

 

 

 

 

[معلومات العضو ابومبخوت الدوسري]

صح لسانك ياشافي والله يجزاك خير على القصيدة
والله يلين قلوب قبيلة عنزه الكرام وهم اهل للنخوة ..

 

 

 

 

[معلومات العضو مهلهل الرياض]

صرخه من الدواسر الئ عنزه طيب اصرخها في منتدا عنزه مهب عندنا

 

 

 

 

[معلومات العضو موسى ابومشهور]

صح لسانك يابوشالح الله يفرج كربته ويخارجه على خير وسلامه