قصيدة رائعه لحشر بن متروك

[معلومات العضو عقاب العتيبي]

السلام عليكم ورحمة الله وبركاته


أمسي عليكم جميعا ياخطلان الايدي بعد انقطاعي جبت لكم هذه الشله والقصيده

اتمنى ان تنال إعجابكم للشاعر حشر بن متروك المقاطي اداء محمد العصيمي


قصيده ( لابتي عتبان )
الشاعر حشر متروك المقاطي

اداء محمد العصيمي

http://t.co/tb1fIpdcsC

،،،

راكب اللي يوم يلعب على كبد الحماد = مثل صقر يوم يلعب على كبد الهبوب
من وكالة فرت والكل تصميم البﻼ‌د = مشترينه ماحسبنا لغالب ومغلوب*
لرتكز بين المحاديب وهاج الفواد = قلت هاتولي مفاتيح براد اللهوب*
ياصل اللي نزلهم من ثلوم طويق غاد = منه ﻻ‌ وادي الرمه واستند واجنب جنوب*
ﻻ‌بة للي يباهم مداهلهم جداد = والبيوت كبار والنار للناصي جذوب*
ﻻ‌بة ياوي ﻻ‌به ليا عدا العداد = ﻻ‌بة تسعد بها العين عن هم الكذوب*
ﻻ‌بتي عتبان مافيه شك وﻻ‌ ارتداد = ﻻ‌بتي هيلا تهايل على نطح الوجوب*
من فعايلهم يفادون في يوم العناد = تفرح الفاطر بمركاض عطبين الضروب*
والفعول الباقيه مال طيبها عداد = وافي ميزانا مع موازين الشعوب*
يوم نجد من الجهل حط راحان وزباد = والتبس من غالي اللبس باجمل كل ثوب*
وامتشط بين العشاشيق من كاد ورشاد = والقماري في قواريه غنة باللعوب*
وقحطان اجموع دونه يشنون الطراد = والدواسر والمطاري وشمر والحروب*
والبقوم اللي ليا ولع الحرب بكداد = حضرة الغياب منهم تسد عن الغيوب*
والسباعي مدله الجار حماي السناد = عزوة من ناوشه حربها يمكن يتوب*
غير من لسميت في نجد من حضر وبواد = كل قومٍ حقها ماننقص له وجوب*
ان حدر معهم ضعنا وأجدانا الجهاد = لين اخذنا قسمنا بين غاصب ومغصوب*
قسمنا في نجد مدهال مقرعة التواد = قسمنا يوم القبايل تداحم بالجنوب*
امتلكنا العقله اللي نواعرها حياد = بين ضلعان البشاره وضلعان الهضوب*
وامتلكنا اﻻ‌روسه والهميجه والبجاد = والطويله والدفينه وعباب وسحوب*
وامتلكنا في شمال الهضاب ام الجراد = الرشاويه وعرجا وفاحان الصبوب*
وامتلكنا بين طخفه وسفوه والطراد = كم قليب شوف هاذيك مياح الغروب*
حدنا منا ومنا نعرفه بالوكاد = من سواج ليا حبيه وتشريق وغروب*
شرقه العارض وغربه ورى الطايف قصاد = موطنٍ تورثه اﻻ‌جداد للي فالصلوب*
ندفع البل فالمرابيع في هاك الوهاد = والمشارب نقضة الجزو باعين الجذوب
والحدود الها قطيع معزن بالمقاد = والجنب معها على الخيل والحارب يلوب*
ترتع الوضحى ام اﻷ‌دﻻ‌ل قوس وﻻ‌ تراد = وانحماها من مقانيص طماع ولعوب
لختلط عج السبايا ولماع الهناد = من يطب السوق معنا نمنيه الهروب*
ﻻ‌بتي عتبان مافيه شك وﻻ‌ارتداد = ﻻ‌بتي هيلا‌ تهايل على نطح الوجوب

وسلامتكم

 

 

 

 

[معلومات العضو بدو]

صح لسانك ولسان الشاعر الجزل وتستاهل عتيبه المدح وهي ممدوحه
سؤال
هل الشاعر هو اللي له مقاطع في اليوتيوب كأنه مريض الله يشفيه وله قرابه مع بن عون
ام هو شاعر اخر

 

 

 

 

[معلومات العضو عقاب العتيبي]

صح بدنك يالغالي اما سؤالك عن قرابته لبن عون لا اعلم ان كان بينهم قرابه


وﻻ‌ كن فيه قصيده وجهها حشر على عبدالله بن عون*

منها بيت لحشر من عرضها

تصافق الورد باسهاف اللحي فوقه .. لين المتلين طمعوا منه بلحاقه*


الشاعر حشر له بصمته الخاصه صح السانه وسلمت على مرورك العطر

 

 

 

 

[معلومات العضو بدو]

اكيد له بقمته الشعريه
والظاهر انه اخو ابن عون من امه
وودي انك تأكد لنا بطريقتك

 

 

 

 

[معلومات العضو عقاب العتيبي]

والله ماعندي خبر يالطيب

مودتي