يقبل ويقفي والحنايا له اغصان

[معلومات العضو عمر عبدالمحسن]

للحب داعــــــــــــــــي يا هل الشور تكفون
قلبي خــــــــــذاه اللي على العرش سلطان

اللي كــــــــــــــــلامه ذرب وحروفه عيون
فز الخفوق وعـــــــــــــانق الروح حرمان

قمت اتخـــــــــــــــيّل كيف وشلون وشلون
يقبل ويقفي والحـــــــــــــــــنايا له اغصان

ارجـــــــــوك يا حظي عسى الغرو مزيون
وجــــــــــــــــــــدايله تزهى متونه اليا بان

زول الوضيحـــــــــي لا تخــطّى على هون
جــــرح المعـــنّى / من على الصيد ولهان

يا ويل قلبٍ بالرعابيب مســــــــــــــــــكون
انا اشــــــهد اني يا هــــــــل الحب شفقان

عليك ياللي دون مـــــــــــبداك ( ملعون )
سطرّت قـــــــــــافي وارجي الرب غفران

عمر بن عبدالمحسن

 

 

 

 

[معلومات العضو راشد المسعري]

زول الوضيحـــــــــي لا تخــطّى على هون
جــــرح المعـــنّى / من على الصيد ولهان

هلا اخوي عمر
صح لسانك وسلمت على البوح الجميل
استفسار الله يحييك:
هل فيه فرق بين مشية الوضيحي أو الغزال
قصدي عشان الحجم فقط
وفقك ربي ،،،

 

 

 

 

[معلومات العضو موسى ابومشهور]

مبدع مبدع ياعمر وابيات ذات سلاسه وتمكن
لاهنت يالشاعر لاعدمناك ياابو الدرر الثمينه