من زايد الكتمان ضلوعي حطيمه

[معلومات العضو سيف تغلب الدوسري]

صبحكم الله بالخير
وهذه قصيده تعبر عن نفسها
نشارككم بها بعد طول غياب




ياضيقة في الصدر خافي سببها

منها ليا جالليل روحي سقيمه



اطوح اللونات محدن سمعها

من زايد الكتمان ضلوعي حطيمه



بعض العرب تقدر تبين عللها

وتحمل الادنين هموم عظيمه



وبعض العرب محدن يحلحل عقدها

سيد مشيد بين صبر وشكيمه



وان عاكست لابد ياتي فرجها

من ربنا غوث القلوب السليمه



كم واحدن قد طاح في معتركها

واشتالته يدين عزن وشيمه



وكم واحدن قد طاح في معتركها

وتوطته الاقدام غدر وظليمه



ياصاحبي واجتهد في هدفها

اليوم صحو و قافي الصحو غيمه

 

 

 

 

[معلومات العضو بنت الذيب]

ياضيقة في الصدر خافي سببها
منها ليا جالليل روحي سقيمه


اطوح اللونات محدن سمعها
من زايد الكتمان ضلوعي حطيمه


عوده حميده اخوي وآخر الغيبات ان شاءالله

صح لسانك عبرت فابدعت

شكري وتقديري

 

 

 

 

[معلومات العضو سيف تغلب الدوسري]

صح بدنك

وشاكر لمرورك اختي بنت الذيب

 

 

 

 

[معلومات العضو شافي بن راشد النتيفات]

صح الله لسانك وبيض الله وجهك على هذه الابيات الرائعه

 

 

 

 

[معلومات العضو ابو حسين الدوسري]

صح السانك اخوي والله يبيض وجهك

 

 

 

 

[معلومات العضو راشد المسعري]

صح لسانك ياسيف وبيض الله وجهك
قصيدة مميزة كتميز شاعرها
تقبل ودي وتقديري ،،،،

 

 

 

 

[معلومات العضو سيف تغلب الدوسري]

صح الله ابدانكم
ولا خلى ولا عدم

 

 

 

 

[معلومات العضو موسى ابومشهور]

مبدع مبدع مبدع للغايه ياتغلب صح لسانك