قصيدتي الاخيرة في القبايل نخوة للقيام في موضوع سجين الخرج نايف بن عساف

[معلومات العضو شافي بن راشد النتيفات]

قصيدة في جميع القبايل للوقوف في قضية سجين الخرج نايف بن عساف الدوسري


الله واكبر وارفع الصوت تكبير
الله واكبر خالق الانس والجان
في موقف ماعنه صده وتبرير
ارفع بصوتي بالقوافي والاوزان
بلسان من حده زمانه على الكير
سجين ومكبل وعاجز ومنهان
نايف قضى عمره ورى الباب ماغير
مهموم ومن امه تغربل وحيران
هم يجيه الصبح وهم مع عصير
وهم حرمه النوم الى وقت الاذان
يقول ياربعي عذاب الطوابير
وقفاتكم تبعد عن القلب الاحزان
ينخى الدواسر محزمه في المعاسير
لاصك جال جال رجالهم بان
وينخى القبايل كلهم ماله مجير
بعد الله الا فزعة تقضي الشان
ينخى قحطان وشمر وحرب ومطير
وينخا عتيبة والخوالد وزهران
وسليم والسبعان واللي بهم خير
كربي ويامي والشلاوى وهمدان
وينخى الظفير وزعب وكل المناعير
الصيعر وبني عطية وشمران
والحارثي والاسمري دون تقصير
بجهينة وباكلب ولو كان ماكان
وبني تميم ولاد وايل مغاوير
ولاد الحويطي وال مرة وزهران
وينخى البقوم وغامد وفكره يحير
وثقيف وبلقرن وبلي دون نقصان
ويالاد زيد والاحمري حثو السير
ويالمالكي مر العسيري ولاهان
جمع الشراري والرشيدي مغاوير
وبني عقيل وعمر وينخى لشهران
تكفون بعد الله ولي التدابير
ردوله الامل ترى موعده حان
لا احد يتراخى لو تطول المشاوير
الخير والناموس في عتق الانسان
الفو على اللي يكرمون المسايير
اللي لهم في سلم المجد مسكان
الاد الاشين محتمين المظاهير
للعرف عرافه وللحرب ظفران
وال الشريطي خص ماغيرهم غير
اللي لهم فعل النواميس عنوان
قولو لفيناكم بجاه المناعير
نبغى العفو بالجاه والمال والشان
واختامها عد السحاب المزابير
صلو على اللي خصه الله بغفران



الشاعر / شافي بن راشد النتيفات الدوسري

ساعدو في نشرها لعل الله ان ينفع بها

 

 

 

 

[معلومات العضو عبدالرحمن بن فلاح آل بريك]

صح لسااااانك ملايين ولا يكفون يا أبو شالح . بيض الله وجهك على وقفتك وسعيك في موضوع سجين الخرج نايف ابن عساف . أسأل الله ان يفرج همه ويعجل بخروجه .

 

 

 

 

[معلومات العضو راشد المسعري]

صح لسانك يابو شالح ، ونعم بكل القبايل اللي ذكرت

ونسأل الله أن يلين قلوب اخصام نايف بن عساف ويعفوا عن ابن عمهم

والعفو من شيم الرجال الأكارم ، والشينه كرام وأهل كرم

تقبل ودي وتقديري ،،،

 

 

 

 

[معلومات العضو ابو حسين الدوسري]

صح لسانك يابو شالح ، ونعم بكل القبايل اللي ذكرت

ونسأل الله أن يلين قلوب اخصام نايف بن عساف ويعفوا عن ابن عمهم

والعفو من شيم الرجال الأكارم ، والشينه كرام وأهل كرم

تقبل ودي وتقديري ،،،

 

 

 

 

[معلومات العضو الجراح]

صح لسانك يابو شالح ، ونعم بكل القبايل اللي ذكرت

ونسأل الله أن يلين قلوب اخصام نايف بن عساف ويعفوا عن ابن عمهم

والعفو من شيم الرجال الأكارم ، والشينه كرام وأهل كرم

تقبل ودي وتقديري ،،،

 

 

 

 

[معلومات العضو شافي بن راشد النتيفات]

صح الله بدنكم جميع والله يقبل منكم

 

 

 

 

[معلومات العضو علـي الحـبابي]

صح الله لسانكـ
و الله يفكـ عوقه و تقر فيه عيون ترجيه

 

 

 

 

[معلومات العضو راشد شايع الدوسري]

صح الله لسانكـ
و الله يفكـ عوقه و تقر فيه عيون ترجيه

 

 

 

 

[معلومات العضو راشد المسعري]

صح لسانك يابو شالح وسلمت على هذه المناشدة الجزلة والله ينفع بها ولا يحرمك الأجر يالسنافي


الاد الاشين محتمين المظاهير
للعرف عرافه وللحرب ظفران
وال الشريطي خص ماغيرهم غير
اللي لهم فعل النواميس عنوان

كفو والله بلاد الأشين عامة وآل الشريطي خاصة ونسأل الله أن يليّن قلوبهم مع هذا الشهر الكريم وأن يعفون عن ابن عمهم ويكسبون الأجر العظيم من الله عز وجل.

مبدع ياشافي دايماً في قلب الحدث ،،،،