حيالله الوسمي

[معلومات العضو ظافر الأمير]

كريم يا برقٍ نخيله ليلة الجمعه سرى=لاحت بروقه غرب والرعاد صوته يقتفيه
حيالله الوسمي وطاري الوسم لا منه طرا=سقنا البشاير يالله إنك تكتب الخيرات فيه
عساه ينشي يا محمد من تهامه للقَرى=والسيل يقفى السيل والفرحه تبين (ع) الوجيه
حتى يقر الما بفضل الله على ظهر الثرى= ويفرح به الي يعشق السجه وكم له يحتريه
قام ايتفقد موتره لا زاد باع ولا شرا=إلا ان نقص في عزبته شيٍ يعجل يشتريه
وأجرا اتصالاته على ربعٍ في البر اخبّرا=اصحابه الي لو تجور الناس ما جاروا عليه
يبشر الي ما درا ويهني الي قد درا=ما قالوا إلا ابشر بعزك وأطلب الي تمتنيه
قال المناه إن المسا في واديٍ سيله جرى=ثلاثه ايام ابلياليهن ولا معنا سفيه
إما مكان العام ولا بالمكان الي نرى=اهم شيّ إن المكان الي بنجلس به نزيه
الجيب جاهز عزبته والتيس والفرشه ورى=قلوا له ابيض وجه هذا يالسنافي ما نبيه
وعاد اتصاله يالنشامى لا تخلون الفرى=وكلٍ يجهز بندقه وأنا بعد ساعه بجيه
سروا بعد جمعهم الله منكرين المنكرا=وأكبرهم ايعين لمير وراعي الراي الوجيه
أوامره ما تنقض وايعيش وضع الأمرا=إن قال لا ينقال لا وإن قال ايه ايقال ايه
أول لوامر كل واحد من كتاب الله قرا=ثم الثنا والشكر للي كل خلقه ترتجيه
من بعدها كلٍ يقص الصاحبه ما قد جرا=في غيبته وإذا انتها ياخذ سراه الي يليه
الصحبه الي بالكرم والطيب والجود إخشّرا=كلٍ يقدر صاحبه وبنور عينه يفتديه
وصلوا المكان الي بعيدٍ (ع)المدينه والقرى=وكلٍ يعرف امهمته والكل شمر عن يديه
ساعه ولحم التيس يطبخ والدلال اتبهرا=ويساق فنجالٍ من الخولان للي يشتهيه
هذي طبايع راعي السجه ليا منه درى=بإن المطر هلة مزونه في ديار أمه وابيه
وأنشى سحابه يا محمد من تهامه للقرى= والسيل يقفى السيل والفرحه تبين (ع) الوجيه

تحياتي للجميع
الجمعة 3 محرم 1434

 

 

 

 

[معلومات العضو بنت الذيب]

الله يرزقنا الغيث .. قصيده رائعه

صح لسانك يالأمير وسلم منطوقك راقت لي كل ابياتها

ربي لاهانك ولاتحرمنا يديدك

 

 

 

 

[معلومات العضو راشد المسعري]

قـام ايتفقـد موتـره لا زاد بـاع ولا شـرا
إلا ان نقص في عزبته شيٍ يعجـل يشتريـه
وأجرا اتصالاته على ربعٍ فـي البـر اخبّـرا
اصحابه الي لو تجور الناس ما جاروا عليـه


الله الله

حي ذالعين

وحي طاري الوسمي

وحي ذالتوصيف

يامرحبا والله ياظافر

دايماً في قلب الحدث نافداك

صح لسانك وسلم فكرك ، إبداع وجزالة وحضور مميز

تقبل ودي وتقديري ،،،،

 

 

 

 

[معلومات العضو مبارك بن شافي النتيفات]

صح لسانك واعتلى شانك

 

 

 

 

[معلومات العضو محمد راشد النتيفات]

صح السانك واعتلى شانك

 

 

 

 

[معلومات العضو محمد بن حمد الشكرة]

الله يرزقنا الغيث .. قصيده رائعه صح لسانك يالأمير وسلم منطوقك راقت لي كل ابياتها ربي لاهانك ولاتحرمنا يديدك

 

 

 

 

[معلومات العضو شافي بن راشد النتيفات]

ارحب يالامير تراحيب الحياء
وصح الله لسانك مليون على هذه الشامخة

 

 

 

 

[معلومات العضو نآصر البدراني]

الله يرزقنا الحيا والرحمه والخير > آمين


أبشروا بإذن الله الخير جاي



صح لسانك يا ابو بدر لين ترضى جزل وفي الحدث


لاهنت طال عمرك ..

 

 

 

 

[معلومات العضو ظافر الأمير]

المشاركة الأصلية كتبت بواسطة بنت الذيب

الله يرزقنا الغيث .. قصيده رائعه

صح لسانك يالأمير وسلم منطوقك راقت لي كل ابياتها

ربي لاهانك ولاتحرمنا يديدك

المشاركة الأصلية كتبت بواسطة راشد المسعري

قـام ايتفقـد موتـره لا زاد بـاع ولا شـرا
إلا ان نقص في عزبته شيٍ يعجـل يشتريـه
وأجرا اتصالاته على ربعٍ فـي البـر اخبّـرا
اصحابه الي لو تجور الناس ما جاروا عليـه


الله الله

حي ذالعين

وحي طاري الوسمي

وحي ذالتوصيف

يامرحبا والله ياظافر

دايماً في قلب الحدث نافداك

صح لسانك وسلم فكرك ، إبداع وجزالة وحضور مميز

تقبل ودي وتقديري ،،،،

المشاركة الأصلية كتبت بواسطة مبارك بن شافي النتيفات

صح لسانك واعتلى شانك

المشاركة الأصلية كتبت بواسطة محمد راشد النتيفات

صح السانك واعتلى شانك

المشاركة الأصلية كتبت بواسطة محمد بن حمد الشكرة

المشاركة الأصلية كتبت بواسطة شافي بن راشد النتيفات

ارحب يالامير تراحيب الحياء
وصح الله لسانك مليون على هذه الشامخة

المشاركة الأصلية كتبت بواسطة نآصر البدراني

الله يرزقنا الحيا والرحمه والخير > آمين


أبشروا بإذن الله الخير جاي



صح لسانك يا ابو بدر لين ترضى جزل وفي الحدث


لاهنت طال عمرك ..

اشكركم جميعاً على مروركم الكريم والرائع
وفقكم الله وجمل الله حالكم
واكرمكم بجنات النعيم